ଜଲନ୍ଦର: ପଞ୍ଜାବରୁ ଆସିଛି ଏକ ଆଶ୍ଚର୍ଯ୍ୟଜନକ ଘଟଣା। ଜଣେ ବ୍ୟକ୍ତି ଅଭିଯୋଗ କରିଛନ୍ତି ଯେ ତାଙ୍କୁ ଚାରି ଜଣ ଯୁବତୀ ଅପହରଣ କରି ତାଙ୍କ ସହ ଦୁଷ୍କର୍ମ କରିଛନ୍ତି । ଉକ୍ତ ବ୍ୟକ୍ତି ଜଣକ କହିଛନ୍ତି ଯେ ଅଭିଯୁକ୍ତ ଯୁବତୀ ମାନେ ତାଙ୍କ ଆଖିରେ କିଛି ରାସାୟନିକ ସ୍ପ୍ରେ ଫିଙ୍ଗିବା ପରେ ତାଙ୍କୁ କାରରେ ଅପହରଣ କରି ନେଇଥିଲେ । ପରେ ପୀଡିତାଙ୍କୁ ଡ୍ରଗ୍ସ ଦିଆ ଯାଇଥିଲା ଏବଂ ପରେ ଜଙ୍ଗଲ ଅଞ୍ଚଳରେ ଯୌନ ନିର୍ଯାତନା ଦିଆଯାଇଥିଲା।ଏହି ଘଟଣା ଭାଇରାଲ ହେବାପରେ ପଞ୍ଜାବ ପୋଲିସର ଏହି ଘଟଣାର ସୁ-ମୋଟ ତଦନ୍ତ ଆରମ୍ଭ କରିଛି। ପରେ ଉକ୍ତ ବ୍ୟକ୍ତିଙ୍କୁ ଅଭିଯୁକ୍ତ ମହିଳାମାନେ ସହରର ଏକ ନିର୍ଜନ ଅଞ୍ଚଳରେ ଛାଡି ଦେଇଥିଲେ।
ଏପର୍ଯ୍ୟନ୍ତ ଆକ୍ରମଣର ଶିକାର ହୋଇଥିବା ପୀଡିତା ଏ ସମ୍ପର୍କରେ ପୋଲିସ ଅଭିଯୋଗ ଦାଖଲ କରିନାହାଁନ୍ତି। ବ୍ୟକ୍ତି ଜଣକ ତାଙ୍କ ଦୁଃଖ ବିଷୟରେ ଗଣମାଧ୍ୟମକୁ କହିଥିଲେ। ଫ୍ରି ପ୍ରେସ ଜର୍ଣ୍ଣାଲରେ ପ୍ରକାଶିତ ରିପୋର୍ଟ ଅନୁଯାୟୀ, ପୀଡ଼ିତା ଏକ କାରଖାନାରେ ଶ୍ରମିକ ଭାବେ କାମ କରନ୍ତି। ଏହି ସମୟରେ ଉକ୍ତ ବ୍ୟକ୍ତିଙ୍କୁ ଯୌନ ନିର୍ଯାତନ କାରଣରୁ ତାଙ୍କୁ ଅପହରଣ କରିଥିବାର ଦାବି କରିଛନ୍ତି। ପୀଡିତାଙ୍କ ଅନୁଯାୟୀ, ସେ ଘରକୁ ଫେରୁଥିବା ସମୟରେ ଏହି ଘଟଣା ଘଟିଥିଲା। ତାଙ୍କୁ କପୁରଥାଲା ରୋଡ ନିକଟରେ କାରରେ ଯୁବତୀ ମାନେ ଅଟକାଇଥିଲେ।ପୀଡିତା କହିଛନ୍ତି ଯେ କାରରେ ଥିବା ଯୁବତୀ ତାଙ୍କୁ ସ୍ଲିପ୍ ଦେଇ ଠିକଣା ମାଗିବା ପାଇଁ ଅଟକାଇଥିଲେ। ସେ ସ୍ଲିପ୍ ପଢିବାକୁ ସେ ଚେଷ୍ଟା କଲାବେଳେ ଯୁବତୀ ମାନେ ତାଙ୍କ ଆଖିରେ କିଛି ସ୍ପ୍ରେ କରିଦେଲେ ଏବଂ ଶେଷରେ ସେ ଚେତାଶୂନ୍ୟ ହୋଇଗଲେ। ଯେତେବେଳେ ଶ୍ରମିକ ଚେତା ଫେରି ପାଇଲେ, ସେ ନିଜକୁ ଏକ କାରରେ ଦେଖିବାକୁ ପାଇଲେ ଏବଂ ତାଙ୍କ ପିଠି ପଛରେ ହାତ ବନ୍ଧା ହୋଇଥିଲା।
ପରେ ତାଙ୍କୁ ଡ୍ରଗ୍ସ ଦିଆ ଯାଇ ଜଙ୍ଗଲ ଅଞ୍ଚଳକୁ ନିଆଯାଇଥିବା ଅଭିଯୋଗ ହୋଇଥିଲା। ପୀଡ଼ିତା କହିଛନ୍ତି ଯେ ଅଭିଯୁକ୍ତମାନେ ମଦ୍ୟପାନ କରୁଥିଲେ ଏବଂ ତାଙ୍କୁ ମଧ୍ୟ ଏପରି କରିବାକୁ ବାଧ୍ୟ କରିଥିଲେ। ମଦ୍ୟପାନ ପରେ ଅଭିଯୁକ୍ତ ଯୁବତୀ ମାନେ ପୁରୁଷଙ୍କୁ ବଳାତ୍କାର କରିବାକୁ ଯାଇଥିଲେ। ଯୌନ ନିର୍ଯାତନା ପରେ ଉକ୍ତ ବ୍ୟକ୍ତିଙ୍କୁ ସକାଳ ପ୍ରାୟ ୩ ଟା ସମୟରେ ଏକ ବିଚ୍ଛିନ୍ନ ସ୍ଥାନରେ ପକାଇ ଦିଆଯାଇଥିଲା। ପୀଡିତା କହିଛନ୍ତି ଯେ ଯୁବତୀ ମାନେ ଉଚ୍ଚ ପରିବାରର ଥିବାର ଜଣାପଡିଛି। ଅଭିଯୁକ୍ତମାନେ ପରସ୍ପର ସହ ଇଂରାଜୀରେ କଥା ହେଉଥିବା ଜଣାଯାଇଛି। କିନ୍ତୁ ଅଭିଯୁକ୍ତ ପଞ୍ଜାବୀରେ ପୀଡିତାଙ୍କ ସହ କଥାବାର୍ତ୍ତା ହୋଇଥିଲେ ।
