19.1 C
Bhubaneswar
Tuesday, January 25, 2022
Homeଅପରାଧ୧୭ ବର୍ଷୀୟ ଝିଅକୁ ବିବାହ କରାଉଥିଲେ ପରିବାର ଲୋକ, ଶେଷରେ କ’ଣ ହେଲା ପୁରା ଘଟଣା...

୧୭ ବର୍ଷୀୟ ଝିଅକୁ ବିବାହ କରାଉଥିଲେ ପରିବାର ଲୋକ, ଶେଷରେ କ’ଣ ହେଲା ପୁରା ଘଟଣା ଜାଣନ୍ତୁ….

କୋରାପୁଟ : ବାଲ୍ୟ ବିବାହକୁ ରୋକିଲା ଚାଇଲ୍‌ଡଲାଇନ୍ ଏବଂ ବ୍ଲକ ପ୍ରଶାସନ । ବାଲ୍ୟବିବାହ ସଂପର୍କରେ ଦେୟମୁକ୍ତ ଫୋନ ନମ୍ବର ୧୦୯୮ରୁ ଚାଇଲ୍‌ଡଲାଇନ ସୂଚନା ପାଇବା ପରେ ଉକ୍ତ ଗ୍ରାମରେ ପହଞ୍ଚିଥିଲା ବ୍ଲକ ପ୍ରଶାସନ । ସେଠାରେ ନାବାଳିକାଙ୍କ ପରିବାର ଏବଂ ଯୁବକଙ୍କ ପରିବାର ସହିତ ଆଲୋଚନା କରି ଚୁକ୍ତିନାମା କରିବା ପରେ ଛାଡି ଦିଆଯାଇଛି । କୋରାପୁଟ ଜିଲ୍ଲା ବୈପାରୀଗୁଡା ବ୍ଲକର କନ୍ଦପୋଦର ଗ୍ରାମର ୧୭ ବର୍ଷୀୟ ନାବାଳିକାଙ୍କ ସହିତ ନିଶନାଗୁଡା ଗ୍ରାମର ୨୦ ବର୍ଷୀୟ ଯୁବକଙ୍କ ସହିତ ବିବାହ ସ୍ଥିର ହୋଇଥିଲା । ବିବାହ ପାଇଁ ସମସ୍ତ ପ୍ରସ୍ତୁତି ଚାଲିଥିଲା । ଏସଂପର୍କରେ ଚାଇଲଡ ଲାଇନ୍‌ର ଟୋଲଫ୍ରି ନମ୍ବର ୧୦୯୮କୁ କେହି ଜଣେ ଫୋନ କରିଥିଲେ । ସୂଚନାପାଇ ବୈପାରୀଗୁଡା ସିଡିପିଓ ଜି.ସୀତା କୁମାରୀଙ୍କ ନିର୍ଦେଶ କ୍ରମେ ଆଇସିଡିଏସ ସୁପରଭାଇଜର ଏବଂ କୋରାପୁଟ ଏକତା ଚାଇଲଡଲାଇନ ଟିମ ମେମ୍ବର, ଅଙ୍ଗନୱାଡି, ଆଶାକର୍ମୀ, ଏନଜିଓ ମେମ୍ବରମାନେ ପୁଅ ଘର ନିଶନାଗୁଡା ଗ୍ରାମରେ ପହଞ୍ଚି ବାଲ୍ୟ ବିବାହ ବିଷୟରେ ବୁଝାଇଥିଲେ । ଉଭୟ ବର ଏବଂ କନ୍ୟା ପରିବାର ବାଲ୍ୟ ବିବାହକୁ ଭୁଲ ସ୍ୱୀକାର କରିଥିଲେ । ଉଭୟ ପରିବାର ସହ ଚୁକ୍ତିନାମା ହୋଇଥିଲା । କନ୍ୟାକୁ ୧୮ ବର୍ଷ ପରେ ବିବାହ କରିବାକୁ ପରିବାର ଲୋକେ ରାଜି ହେବା ପରେ ଛାଡି ଦିଆଯାଇଛି । ଏହି ଚଢଉରେ ଚାଇଲ୍‌ଡଲାଇନ୍ ଟିମ ମେମ୍ବର ଭୀମସେନ ହରିଜନ, ସିଡିପିଓ ପ୍ରତିନିଧି ଚନ୍ଦ୍ରାବତୀ ମଣ୍ଡଳ, ବାଲିଗାଁ କ୍ଷେତ୍ର ପରିଦର୍ଶିକା ଶାନ୍ତିଲତା ମାଝୀ, ମୁଦୁଲିପଡ଼ା ଅଙ୍ଗନୱାଡି ନଳିନୀ ଦାସ, କନ୍ଦପୋଡାପୋଦର ଅଙ୍ଗନୱାଡି କର୍ମୀ ପାଲଙ୍ଗା ସାନ୍ତା, ଆଶାକର୍ମୀ ପାର୍ବତୀ କାକୋଲପଡିଆ, ସ୍ପ୍ରେଡ଼ କର୍ମକର୍ତ୍ତା ତ୍ରିନାଥ ଖରା, ପ୍ରୟାସ ଅନୁଷ୍ଠାନର ରବୀନ୍ଦ୍ର କୁରୁକୁଟିଆ ଓ ଆଲଦିନ ଖିଲ ଏବଂ ଗ୍ରାମବାସୀ ପ୍ରମୁଖ ଉପସ୍ଥିତ ଥିଲେ ।

LEAVE A REPLY

Please enter your comment!
Please enter your name here

5,005FansLike
2,475FollowersFollow
12,700SubscribersSubscribe

Most Popular

HOT NEWS

Breaking