ରାଞ୍ଚି : ଝାଡ଼ଖଣ୍ଡର ଗରଓ୍ଵା ଜିଲ୍ଲାରେ ରବିବାର ଏକ ଘରୋଇ କନ୍ଷ୍ଟ୍ରକ୍ସନ କମ୍ପାନୀର ୬ ଟି ଗାଡିକୁ ମାଓବାଦୀମାନେ ପୋଡିଦେଇଛନ୍ତି। ସୂଚନା ଅନୁଯାୟୀ, ୧୦ ରୁ ୧୨ ଜଣ ସଶସ୍ତ୍ର ମାଓବାଦୀ ଘାଗରୀ ଗ୍ରାମରେ ଥିବା କମ୍ପାନୀର କ୍ୟାମ୍ପ ଉପରେ ଆକ୍ରମଣ କରିଥିଲେ । କ୍ୟାମ୍ପରେ ଶୋଇଥିବା କର୍ମୀମାନଙ୍କୁ ବାଡାବାଡି କରିବା ସହ ସେଠାରେ ଥିବା ୨ଟି ଜେସିବି ମେସିନ, ୨ଟି ରୋଲର ସହ ୬ଟି ଗାଡି ଉପରେ ପେଟ୍ରୋଲ ଢ଼ାଳି ନିଆଁ ଲଗାଇ ଦେଇଥିଲେ । ମାଓବାଦୀଙ୍କୁ ଚାନ୍ଦା ଦେଇନଥିବାରୁ ଏପରି ଆକ୍ରମଣ ହୋଇଛି ବୋଲି ଜଣାପଡ଼ିଛି। ମାସେ ତଳେ ଉକ୍ତ କମ୍ପାନୀର ଜଣେ ଇଂଜିନିୟରଙ୍କୁ ମାଓବାଦୀମାନେ ଅପହରଣ କରିନେଇଥିଲେ ।