ମାଲକାନଗିରି : ମାଲକାନଗିରି ଜିଲ୍ଲାରେ ବଜ୍ରପାତରେ ୨ ଜଣ ମୃତ୍ୟୁବରଣ କରିଥିବା ବେଳେ ୪ ଜଣ ଗୁରୁତ୍ୱର ଆହତ ହୋଇଛନ୍ତି । ମାଲକାନଗିରି ସଦର ବ୍ଲକ ଅନ୍ତର୍ଗତ ଦାମାଗୁଡା ଗ୍ରାମରେ ବଜ୍ରପାତରେ ଜଣେ ଯୁବକର ମୃତ ଘଟିଥିବା ବେଳେ ଅନ୍ୟ ଜଣେ ଗୁରୁତ୍ୱର ଆହତ ହୋଇଛ । ସେହିଭଳି ଖଇଇପୁଟ ବ୍ଲକ ଅର୍ନ୍ତଗତ ପେଦାଗୁଡ଼ା ଗ୍ରାମର ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ୩ ଜଣ ଆହତ ହୋଇ ସେମାନଙ୍କୁ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଛି । ଦାମାଗୁଡ଼ା ଗ୍ରାମର ମିଥୁନ ଦୁରୁଆ ଓ ସମ୍ପଦ ବଗେଲ ନିଜ ଚାଷ ଜମିରେ କାମ କରି ଫେରୁ ଥିବା ସମୟରେ ବଜ୍ରପାତ ଘଟିଥିଲା । ଏଥିରେ ମିଥୁନ ମୃତ୍ୟୁବରଣ କରିଥିବା ବେଳେ ସମ୍ପଦ ଗୁରୁତର ଆହତ ହୋଇ ମାଲକାନଗିରି ଜିଲ୍ଲା ସଦର ମହକୁମା ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ଅନ୍ୟପକ୍ଷରେ ଖଇରପୁଟ ବ୍ଲକର ପେଦାଗୁଡା ଗ୍ରାମର ସାତ ଜଣ ଗାଇ ଚରାଇବାକୁ ନିକଟସ୍ଥ ଜଙ୍ଗଲକୁ ଯାଇ ଫେରୁଥିବା ବେଳେ ଜୋରରେ ଘଡଘଡି ସହ ବର୍ଷା ହୋଇଥିଲା ।
ତେବେ ଏହି ବର୍ଷାରୁ ବର୍ତିବା ପାଇଁ ସମସ୍ତେ ଗୋଟିଏ ଗଛ ତଳେ ଆଶ୍ରୟ ନେଇଥିଲେ । କିନ୍ତୁ ଦୁଭାଗ୍ୟ ବଶତଃ ଅଚାନକ ବଜ୍ରପାତ ଘଟିବା ଫଳରେ ଘଟଣା ସ୍ଥଳରେ ହିଁ ସମସ୍ତେ ଅଚେତ ହୋଇଯାଇଥିଲେ । ତେବେ ସେମାନଙ୍କ ମଧ୍ୟରୁ ୪ ଜଣଙ୍କ ଅବସ୍ଥା ଗୁରୁତର ହେବାରୁ କୁଡ଼ୁମୁଲୁଗୁମ୍ମା ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଥିଲା । ସେଠାରେ ଡାକ୍ତର ସବିତା ମାଡେମୀଙ୍କୁ ମୃତ ଘୋଷଣା କରିଥିଲେ । ଅନ୍ୟ ୩ ଜଣ ପୁଟିଆ (୮) , ଅର୍ଜୁନ ପୁଟିଆ (୧୬) ଓ ସନା ପୁଟିଆ (୧୫) ଗୁରୁତର ଆହତଙ୍କୁ ଚିକିତ୍ସା ଜାରୀ ରହିଛି ।
