ଓଜନ ହ୍ରାସ କରେ ଭେଣ୍ଡି

ଭୁବନେଶ୍ୱର : ଭେଣ୍ଡିରେ ଭିଟାମିନ୍ ଏ, ସି, ବି ୬, ଡି, କ୍ୟାଲସିୟମ୍, ପୋଟାସିୟମ୍, ମ୍ୟାଗ୍ନେସିୟମ୍, ଫସଫରସ୍, ବିଟା କାରୋଟିନ୍, ଆଇରନ୍ ଏବଂ ଆଣ୍ଟି-ଅକ୍ସିଡାଣ୍ଟ ଗୁଣ ରହିଥାଏ । ଏହାକୁ ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ଶୀଘ୍ର ବୃଦ୍ଧି ହୋଇଥାଏ । ପୋଷକ ତତ୍ତ୍ୱରେ ଭରପୂର ଭେଣ୍ଡି ସ୍ୱାସ୍ଥ୍ୟ ସହିତ ଚର୍ମର ଉନ୍ନତି ପାଇଁ ମଧ୍ୟ ଲାଭଦାୟକ ହୋଇଥାଏ । ଆସନ୍ତୁ ଜାଣିବା ଭେଣ୍ଡି ଖାଇବାର ଅଦ୍ଭୁତ ଉପକାରିତା ବିଷୟରେ …
ଡାଏବେଟିଜ୍ କଣ୍ଟ୍ରୋଲ୍ କରିଥାଏ :

ଭେଣ୍ଡି ହଜମ ପ୍ରକ୍ରିୟାରେ ସୁଗାର ଅବଶୋଷଣ ହାରକୁ ନିୟନ୍ତ୍ରଣ କରି ମଧୁମେହକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । ତେଣୁ ସୁଗାର ରୋଗୀମାନେ ଏହାକୁ ଖାଇବା ଜରୁରୀ ।

ହୃତପିଣ୍ଡ ପାଇଁ ଲାଭଦାୟକ ହୋଇଥାଏ :

ଭେଣ୍ଡିରେ ଥିବା ପେକ୍ଟିନ୍ ଦ୍ରବଣୀୟ ଫାଇବର ଶରୀରରେ କୋଲେଷ୍ଟ୍ରୋଲକୁ କମ କରିଥାଏ । ହୃତପିଣ୍ଡ ଭଲଭାବରେ କାମ କରିଥାଏ । ଏହା ସହିତ ଜଡିତ ରୋଗ ସଂକ୍ରମଣ ହେବାର ଆଶଙ୍କା କମ୍ ରହିଥାଏ ।

ଇମ୍ୟୁନିଟି ବଢାଇଥାଏ :

ଭେଣ୍ଡି ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବଢିଥାଏ । ଏହା ଶରୀରକୁ ଭାଇରାଲ୍ ସଂକ୍ରମଣ ସହିତ ଲଢିବାରେ ସାହାଯ୍ୟ କରିଥାଏ । ଏପରି ଥଣ୍ଡା, କାଶ ଏବଂ ମୌସୁମୀ ରୋଗ ବିରୁଦ୍ଧରେ ଲଢିବାରେ ଶକ୍ତି ମିଳିଥାଏ ।

ଓଜନ ହ୍ରାସ କରିଥାଏ :

ଭେଣ୍ଡିରେ ଆଣ୍ଟି ଓବେସିଟି ଗୁଣ ରହିଥାଏ । ଏହାକୁ ଖାଇବା ଦ୍ୱାରା ଓଜନ ନିୟନ୍ତ୍ରଣରେ ରହିଥାଏ । ଏହା ଓଜନ ବୃଦ୍ଧିକୁ ରୋକିଥାଏ । ତେଣୁ ମେଦବହୁଳତାର ଶିକାର ହୋଇଥିବା ଲୋକମାନେ ଏହାକୁ ସେମାନଙ୍କର ଦୈନନ୍ଦିନ ଖାଦ୍ୟରେ ଅନ୍ତର୍ଭୁକ୍ତ କରିବା ଆବଶ୍ୟକ ।

ହଜମ ପ୍ରକ୍ରିୟାରେ ଉନ୍ନତି :

ଲୋକମାନେ ହଜମ ପ୍ରକ୍ରିୟାରେ ଅନେକ ସମୟରେ ଅସୁବିଧାରେ ପଡିଥାନ୍ତି । ଏପରି ଫାଇବରରେ ଭରପୂର ଭେଣ୍ଡି ଖାଇବା ଦ୍ୱାରା ହଜମ ପ୍ରକ୍ରିୟା ମଜବୁତ ହୋଇଥାଏ ।

ଦୃଷ୍ଟି ଶକ୍ତି ବଢାଇଥାଏ :

ଭେଣ୍ଡି ଦୃଷ୍ଟି ଶକ୍ତି ବଢାଇବା ପାଇଁ ଲାଭଦାୟକ ହୋଇଥାଏ । ଏଥିରେ ଥିବା ବିଟା କାରୋଟିନ୍ ଆଖିକୁ ସୁସ୍ଥ ରଖିବାରେ ସାହାଯ୍ୟ କରିଥାଏ । ବିଶେଷକରି କମ୍ପ୍ୟୁଟରରେ ଘଣ୍ଟା ଘଣ୍ଟା କାମ କରୁଥିବା ଲୋକମାନେ ନିଶ୍ଚିତ ଭାବରେ ଏହାକୁ ଖାଇବା ଉଚିତ୍ ।

ତ୍ୱଚା ପାଇଁ ଲାଭଦାୟକ :

ଭିଟାମିନ୍ ଏ, ସିରେ ଭରପୂର ଭେଣ୍ଡି, ଚର୍ମ ପାଇଁ ଲାଭଦାୟକ ହୋଇଥାଏ । ଏହା ଡେଡ୍ ସ୍କିନ୍ ସେଲ୍ସକୁ ରିପେୟାର୍ କରି ଚର୍ମକୁ ଗଭୀର ଭାବରେ ପୋଷଣ କରିଥାଏ । ତେଣୁ ଚମକ ତ୍ୱଚା ପାଇଁ ଦୈନନ୍ଦିନ ଖାଦ୍ୟରେ ଭେଣ୍ଡି ଖାଇବା ସର୍ବୋତ୍ତମ ବିକଳ୍ପ ।

LEAVE A REPLY

Please enter your comment!
Please enter your name here