ଯାଜପୁର ଜିଲ୍ଲା ବରୀ ବ୍ଲକ ଅଧିନ ଗୋଳକୁଣ୍ଡ ପଂଚାୟତ କାଟଣା ଗ୍ରାମର ପ୍ରତାପ ଜେନା ଙ୍କ ଛଣ ଛପର ଘରେ ଗତକାଲି ବିଳମ୍ବିତ ରାତିରେ କୋଣସି କାରଣରୁ ଅଗ୍ନିକାଣ୍ଡ ଘଟିଯାଇଛି |, ଏଥିରେ ଲକ୍ଷାଧିକ ଟଙ୍କାର ସମ୍ପତି ପୋଡି ପାଉଁଶ ହୋଇଯାଇଛି | ପ୍ରତାପଙ୍କ ଘରେ ସ୍ଥାନୀୟ ଅଙ୍ଗନବାଡି କେନ୍ଦ୍ର ର କେତକ ସାମଗ୍ରୀ ରହୁଥିଲା ବେଳେ ସେ ମଧ୍ୟ ପୋଡି ପାଉଁଶ ହୋଇଯାଇଛି | ଘଟଣା ସ୍ଥଳରେ ଅଗ୍ନିସେବା କେନ୍ଦ୍ରର ଟିମ ପହଂଚି ନିଆଁକୁ ଆୟତ୍ତ କରିଥିଲେ | ପରେ ସରପଞ୍ଚ ଶରତ ଜେନା ବିପନ୍ନଙ୍କ ପରିବାର ଙ୍କୁ ଶୁଖିଲା ଖାଦ୍ୟ ପ୍ରଦାନ କରିଛନ୍ତି | ଶନିବାର ବରୀ ତହସିଲଦାର ସରୋଜ କାନ୍ତ ଜେନା ପହଂଚି ତଦନ୍ତ ଆରମ୍ଭ କରିଛନ୍ତି | ତହସିଲ ପକ୍ଷରୁ ପଲିଥିନ ଦିଆଯାଇଛି |, ସରକାରୀ ସହାୟତା ଯୋଗାଇଦେବାକୁ ଗ୍ରାମବାସୀ ଙ୍କ ପକ୍ଷରୁ ଦାବି କରାଯାଇଛି |
୪ବଖରା ଛଣ ଛପର ଘରେ ଅଗ୍ନି କାଣ୍ଡ ଘଟି ସର୍ବସ୍ବ ପୋଡି ପାଉଁଶ
ଯାଜପୁର :ବରୀ ବ୍ଲକ ଅଧିନ କିଂବିରିଆପାଳ ପଂଚାୟତର ଭଳି ନୂଆଗାଁ କାଁହୁ ମାଲିକ,ବେନୁ ମାଲିକ,ମିଥୁନ ମାଲିକଙ୍କ ୪ବଖରା ଛଣ ଛପର ଘରେ ଅଗ୍ନି କାଣ୍ଡ ଘଟି ସର୍ବସ୍ବ ପୋଡି ପାଉଁଶ ହୋଇଯାଇଛି| ସ୍ଥାନୀୟ ଆରାଇ ପରିଦର୍ଶନ କରି ପଲିଥିନ ପ୍ରଦାନ କରିଛନ୍ତି |, ଅଗ୍ନିସେବା ବାହିନୀ ପହଂଚି ନିଆଁ କୁ ଆୟତ୍ତ କରିଥିଲେ | ସରପଞ୍ଚ ପ୍ରତିମା ସାହୁ ଓ ତାଙ୍କ ପ୍ରତିନିଧି ମୁରଲୀଧର ସାହୁ ପହଂଚି ସହାୟତା ପ୍ରଦାନ କରିଥିଲେ | ବିପନ୍ନଙ୍କୁ ସରକାରୀ ସହାୟତା ଯୋଗାଇଦେବାକୁ ସନ୍ଧ୍ୟାରେ ତହସିଲଦାର ଓ ବିଡ଼ିଓ ନିକଟରେ ଶ୍ରୀ ସାହୁ ଦାବି କରିଛନ୍ତି |