ଯାଜପୁର ଜିଲ୍ଲା ମୋବାଇଲ ରିଟେଲର୍ ଆସୋସିଏସନର ବନ୍ଧୁ ମିଳନ

ଯାଜପୁର–ଯାଜପୁର ଜଲ୍ଲାରେ ଥିବା ମୋବାଇଲ ରିଟେଲର୍ ଦୋକାନୀମାନଙ୍କର ଯାଜପୁର ଟାଉନ୍‌ର ରଘୁନାଥପୁର ଖେଳ ପଡ଼ିଆରେ ଏକ ବନ୍ଧୁ ମିଳନ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ପର୍ବରେ ରାଜ୍ୟ ଏମ୍‌୍‌ରା ଗ୍ରୁପ୍‌ର ଓଡ଼ିଶା ମୁଖ୍ୟ ମଦନ ମୋହନ ଅଗ୍ରୱାଲ ଓ ତାଙ୍କ ସାଙ୍ଗରେ ଥିବା ରାମଚନ୍ଦ୍ର ଦାସ ଓ ସଂଜୟ ଭାଇ ଯୋଗ ଦେଇଥିଲେ । ମଦନ ଭାଇ ଦୋକାନୀ ମାନଙ୍କର କିପରି ଅଧିକ ଲାଭ ହେବ ଓ ଅଧିକ ସୁବିଧା ପାଇବେ ଏବଂ ସେମାନଙ୍କର ଅସୁବିଧା ଗୁଡ଼ିକର ଦୁର କରିବାର ବିସ୍ତୃତ ଭାବେ ଅଲୋଚନା କରିଥିଲେ । ଗତ ଜାନୁଆରୀ ମାସରେ ଦିଲ୍ଲୀ ରାମଲିଳା ମଇଦାନରେ ଅନଲାଇନ୍‌ରେ ମୋବାଇଲ୍ କଂପାନୀମାନେ ମୋବାଇଲ ଦର କାଟି ବିକି ଦେଉଥିବାରୁ ତା’ର ପ୍ରତିବାଦରେ ଅଲ୍ ଇଣ୍ଡିଆରୁ ୩୦ହଜାରୁ ଉର୍ଦ୍ଧ୍ୱ ମୋବାଇଲ ଦୋକାନୀ ଅନ୍‌ଲାଇନ ବିକ୍ରିକୁ ପ୍ରତିବାଦ କରି ମଇଦାନରେ ଯୋଗଦେଇଥିଲେ । ଏତେ ଲୋକ ରାମଲୀଳା ମଇଦାନ ସଭାରେ ଯୋଗ ଦେଇଥିବାରୁ ଏହି ସଭାର ପ୍ରଭାବ ସରକାରଙ୍କ ଉପରେ ପଡିଥିଲା । ଅନଲାଇନ ଏବଂ ଦୋକାନରେ ମିଳୁଥିବା ମୋବାଇଲ ଦାମ୍ ସମାନ ହୋଇପାରିଥିଲା । ତେଣୁ ଏକତା ହିଁ ବଳ ବୋଲି ଏହି ଦୃଷ୍ଟାନ୍ତ ଦେଇ ମଦନ ଭାଇ ତାଙ୍କ ବକ୍ତବ୍ୟ ଶେଷ କରିଥିଲେ । ସେହିପରି ଏମ୍‌ରାର ସଭ୍ୟ ରାମଚନ୍ଦ୍ର ଦାସ ତାଙ୍କ ଅଭିଭାଷଣରେ କହିଥିଲେ ଯେ ଆମ୍ଭେମାନେ ସଂଘବଦ୍ଧ ହୋଇ ରହିଲେ ଆମ୍ଭମାନଙ୍କର ସୁବିଧା ଓ ଅସୁବିଧା ରାଜ୍ୟ ସଂଘ ଏମ୍‌ରା ବୁଝିବ । ଶେଷରେ ଯାଜପୁର ଜିଲ୍ଲାର ଏସ୍‌କେ କାଦିର ଓ ଗୌରହରି ଦାସ ତାଙ୍କ ଅଭିଭାଷଣ ରଖିଥିବା ବେଳେ ଭୁବନେଶ୍ୱରର ମୋବାଇଲ ରିଟେଲର୍ ଆସୋସିଏସନ୍‌ର ସଂଜୟ ଭାଇ କହିଥିଲେ ଯେ ନୂତନ ସଭ୍ୟ ବଢ଼ାଇବା ପାଇଁ ମତାମତ ଦେଇଥିଲେ । ଏହି ଉତ୍ସବରେ ଚଣ୍ଡିଖୋଲରୁ ବନମାଳି ବାବୁ ନେତୃତ୍ୱ ନେଇ ଏଠାରେ ଥିବା ଲୋକମାନଙ୍କ ମନରେ ଆନନ୍ଦର ଲହରି ଖେଳାଇ ଦେଇଥିଲେ । ସଭା ଶେଷରେ ଯାଜପୁର ଟାଉନ୍‌, ଯାଜପୁର ରୋଡ଼ ଓ ଚଣ୍ଡିଖୋଲ ଦୋକାନୀ ଭାଇ ଏବଂ କଂପାନୀରେ ଥିବା ପ୍ରମୋଟର ଭାଇମାନଙ୍କ ମଧ୍ୟରେ ଏକ କ୍ରିକେଟ ଖେଳର ଆୟୋଜନ କରାଯାଇଥିଲା । ଏହି ଉତ୍ସବରେ ୭୦ରୁ ଅଧିକ ମୋବାଇଲ ଦୋକାନୀ ଭାଇମାନେ ଯୋଗଥିଲେ ।