ଭୁବନେଶ୍ୱର : ଆମ ଦେଶରେ ଥିବା ପ୍ରବାସୀ ଶ୍ରମିକ ମାନଙ୍କ ପାଇଁ ସର୍ବନିମ୍ନ ମଜୁରୀ, ସ୍ୱାସ୍ଥ୍ୟ ସୁରକ୍ଷା,
ସାମାଜିକ ସୁରକ୍ଷା, କ୍ଷତିପୂରଣ ଦେବା ପାଇଁ ନିର୍ଦ୍ଦିଷ୍ଟ ଆଇନ ବ୍ୟବସ୍ଥା କରିବା ସହ ଭୋଟ
ଦେବାରେ ଅଧିକାର ଦେବା ପାଇଁ ସରକାରଙ୍କ ଦ୍ୱାରା ପ୍ରସ୍ତୁତ ପ୍ରବାସୀ ଶ୍ରମିକ ନିତୀରେ
ବ୍ୟବସ୍ଥା ରଖିବା ପାଇଁ ରାଷ୍ଟ୍ରୀୟ ମଜଦୁର କଂଗ୍ରେସ, ଓଡ଼ିଶା ଶାଖାର ସଭାପତି, ଜାତୀୟ
ଉପସଭାପତି ତଥା ପୂର୍ବତନ ସାଂସଦ ଡକ୍ଟର ରାମଚନ୍ଦ୍ର ଖୁଂଟିଆ ଆଜି ଅପରାହ୍ନ ୪ ଘଟିକା
ସମୟରେ ନିତି ଆୟୋଗ ଓ ଆନ୍ତର୍ଜାତିକ ଶ୍ରମିକ ସଂଗଠନ ଦ୍ୱାରା ଆୟୋଜିତ ଭରଚୁଆଲ
ବୈଠକରେ କହିଛନ୍ତି । ଏହି ଆଲୋଚନାରେ ନିତୀ ଆୟୋଗ ତରଫରୁ ଉପଦେଷ୍ଟା ଏମ୍.
ରାଜୁ ସରକାରଙ୍କର ପ୍ରବାସୀ ନିତୀ ସଂପର୍କରେ ଉପସ୍ଥାପନ କରିଥିଲେ ଓ ଜାତୀୟ ସ୍ତରରେ
ପ୍ରବାସୀ ଶ୍ରମିକ କମିଶନ, ଜାତୀୟ, ରାଜ୍ୟ ଓ ଜିଲ୍ଲା ସ୍ତରରେ ସମନ୍ୱୟ କମିଟି ଗଠନ
କରିବା ସମୟରେ ସୂଚନା ଦେଇଥିଲେ । ଆନ୍ତର୍ଜାତିକ ଶ୍ରମିକ ସଂଗଠନ ତରଫରୁ ସାବରୀ
ନାନକ ଏହି ଆଲୋଚନାରେ ସଂଯୋଜନା କରିଥିବାବେଳେ ବି.ଏମ୍.ଏସ୍., ସି.ଆଇ.ଟି.ୟୁ.,
ଏ.ଆଇ.ଟି.ୟୁୂ.ସି., ଏଚ୍.ଏମ୍.ଏସ୍., ଏ.ଆଇ.ସି.ସି.ଟି.ୟୁ., ସେୱା, ଏନ୍.ଏଫ୍.ଆଇ.ଟି.ୟୁ
ର ପ୍ରତିନିଧିମାନେ ଯୋଗଦେଇଥିଲେ ।