ଆହତ ନାଗସାପ ଉଦ୍ଧାର

ମୟୂରଭଞ୍ଜ: ପୋଲିସ- ନାଗ ମୁହାଁମୁହିଁ। ଉଭୟ ଭୟଭୀତ।ମାତ୍ର ଆତ୍ମରକ୍ଷା ପାଇଁ ଥାନା ପରିସରରେ ପହଞ୍ଚିଥିଲା ଆହତ ଅବସ୍ଥାରେ ବିଷାକ୍ତ ନାଗସାପ। ହେଲେ ବିଷାକ୍ତ ନାଗସାପକୁ ଦେଖି ଭୟରେ ଛାନିଆଁ ସମସ୍ତେ। ପରେ ସୁରକ୍ଷିତ ଭାବେ ଥାନା ଭିତରୁ ଉଦ୍ଧାର ହେଲା ବିଷାକ୍ତ ନାଗସାପ। ଏପରି ଏକ ଅଭାବନୀୟଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା କୁଳିଅଣା ଥାନା ପରିସରରେ। ତେବେ ଥାନାର ଜଣେ କର୍ମଚାରୀ ଏହି ସାପଟିକୁ ଦେଖି ସ୍ନେକ ହେଲ୍ପଲାଇନକୁ ଖବର ଦେଇଥିଲେ। ଖବରପାଇ ଅଭିଜ୍ଞ ସାପ ଧରାଳି କୃଷ୍ଣଚନ୍ଦ୍ର ଗୋଛାୟତ ଘଟଣାସ୍ଥଳରେ ପହଞ୍ଚି ସାପଟିକୁ ଉଦ୍ଧାର କରିଥିଲେ। ତେବେ ଆହତ ନାଗସାପ ଦେହରେ ଆଘାତ ଲାଗିଥିବା ଦେଖିବାକୁ ପାଇ କ୍ଷତ ସ୍ଥାନରେ ଔଷଧ ଲଗାଇ ଦେବା ସହ ଉଦ୍ଧାର ନାଗସାପଟିକୁ ପରେ ସୁରକ୍ଷିତ ଭାବେ ଜଙ୍ଗଲରେ ଛାଡି ଦେଇଥିଲେ।