ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷରେ ୪ଟି ମ୍ୟାଚ ବିଶିଷ୍ଟ ଟେଷ୍ଟ ସିରିଜ୍ ପୂର୍ବରୁ ଟିମ ଇଣ୍ଡିଆ ପାଇଁ ଏକ ଖୁସି ଖବର ରହିଛି । ତାହା ହେଲା ଷ୍ଟାର ଓପନର ରୋହିତ ଶର୍ମା ଫିଟନେସ ଟେଷ୍ଟ ପାସ କରି ସାରିଛନ୍ତି । ନ୍ୟାସନାଲ କ୍ରିକେଟ ଏକାଡେମୀ(ଏନସିଏ), ଶୁକ୍ରବାର ଦିନ ଫିଟନେସ ଟେଷ୍ଟ ପାସ କରିବା ପରେ ମୁମ୍ବାଇର ଏହି ଖେଳାଳୀକୁ ଖେଳିବା ପାଇଁ ଫିଟ ବୋଲି ମାନିଛନ୍ତି । କରୋନା ଭାଇରସ ସଂକ୍ରମଣ ପାଇଁ ଏବେ ସମସ୍ତେ ସଙ୍ଗରୋଧରେ ରହୁଛନ୍ତି । ଯଦିଓ ପ୍ରଥମ ଦୁଇଟି ଟେଷ୍ଟ ପାଇଁ ସେ ଉପସ୍ଥିତ ରହିପାରିବେ ନାହିଁ, ମାତ୍ର ଶେଷ ଦୁଇଟି ଟେଷ୍ଟରେ ସେ ଟିମରେ ସାମିଲ ରହିପାରିବେ । ସୂଚନାଯୋଗ୍ୟ ଯେ, ଆଇପିଏଲ ସମୟରେ ରୋହିତଙ୍କ ମାଂସପେଶୀରେ ଜଖମ ଆସିଯାଇଥିଲା । ବିରାଟ କୋହଲୀ ପ୍ରଥମ ଟେଷ୍ଟ ମ୍ୟାଚ ପରେ ପ୍ୟାଟରନିଟି ଲିଭରେ ଯାଇଛନ୍ତି । ଆଉ ଏହି ସମୟରେ ଷ୍ଟାର ବଲେବାଜ୍ ରୋହିତ ଶର୍ମା ଫିଟ୍ ହେବା ଦ୍ୱାରା ଭାରତୀୟ ଟିମକୁ ସାହସ ମିଳିବ ।