ଓ୍ବେଲିଂଟନ: ଭାରତ-ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଟି-୨୦ ମ୍ୟାଚ୍ । ଓ୍ବେଲିଂଟନରେ ବର୍ଷା ଯୋଗୁ ଟସ୍ ପଡ଼ିବାରେ ବିଳମ୍ବ ହୋଇଛି । ପୂର୍ବରୁ ବର୍ଷା ହେବା ନେଇ ପାଣିପାଗ ବିଭାଗ ସୂଚନା ଦେଇଥିଲା । ବର୍ଷା ଜରି ରହିଥିବାରୁ ପିଚ୍କୁ କଭରରେ ଘୋଡ଼ାଇ ରଖାଯାଇଛି । ବର୍ଷା ଛାଡ଼ିବା ପରେ ଟସ୍ ପଡ଼ିବା ନେଇ ସୂଚନା ମିଳିଛି । ଖୁବ୍ ଶୀଘ୍ର ଓ୍ବେଲିଂଟନରେ ଖେଳ ଆରମ୍ଭ ହେବ ।
ହାର୍ଦ୍ଦିକ୍ ପାଣ୍ଡ୍ୟାଙ୍କୁ ନେତୃତ୍ବରେ ପଡ଼ିଆକୁ ଓହ୍ଲାଇବ ଦଳ । ବିଶ୍ବକପ୍ ପରେ ପ୍ରଥମ ଟି-୨୦ ମ୍ୟାଚ୍ ଖେଳୁଛନ୍ତି ଉଭୟ ଦଳ । ଏହି ଟି-୨୦ ଶୃଙ୍ଖଳାରେ ବିସିସିଆଇ ସିନିୟର ଖେଳାଳିଙ୍କୁ ବିଶ୍ରାମ ଦେଇଥିବାବେଳେ ଯୁବ ଟିମ୍ ନିଜର ଦକ୍ଷତା ଦେଖାଇବେ । ଓପନିଂ ଭାର ଇଷନ କିସାନ ଓ ଶୁଭମନ ଗିଲଙ୍କ କାନ୍ଧ ଉପରେ ରହିଛି । ମଧ୍ୟକ୍ରମ ସମ୍ଭାଳିବେ ଅଧିନାୟକ ହାର୍ଦ୍ଦିକ ପାଣ୍ଡ୍ୟା, ଶ୍ରେୟସ ଆୟର, ରିଷବ୍ ପନ୍ତ । ୩ଟି ମ୍ୟାଚ୍ ବିଶିଷ୍ଟ ଟି-୨୦ ଶୃଙ୍ଖଳାରେ ପ୍ରଥମ ମ୍ୟାଚରୁ ଘରୋଇ ଦଳକୁ ଚାପରେ ରଖିକୁ ଉଦ୍ୟମ ଚଳାଇଛି ଟିମ୍ ଇଣ୍ଡିଆ । ସେପଟେ ନ୍ୟୁଜିଲାଣ୍ଡ ମଧ୍ୟ ଘରୋଇ ମାଟିରେ ଦବଦବା ଜାହିର କରିବା ଲକ୍ଷ୍ୟରେ ରହିଛି ।
