ନୂଆଦିଲ୍ଲୀ : ନୂଆଦିଲ୍ଲୀ ରେ ଦିନ ଦ୍ୱିପହରରେ ଏକ ନିର୍ମମ ହତ୍ୟା ଘଟଣା ସାମନାକୁ ଆସିଛି । ରାଜଧାନୀର ବୁଦ୍ଧ ବିହାର ଠାରେ ଏକ ୨୬ ବର୍ଷୀୟ ମହିଳାକୁ ଛୁରୀରେ ଭୁଷି ହତ୍ୟା କରାଯାଇଛି । ମହିଳା ଜଣଙ୍କର ୮ ମାସ ତଳେ ବିବାହ ହୋଇଥିଲା । ମହିଳାଙ୍କ ସ୍ୱାମୀ ହରିଷ ଉପରେ ହତ୍ୟା ଆରୋପ ଲଗାଯାଇଛି । ପୋଲିସର କହିବା ଅନୁସାରେ ହରିଷ ସବୁବେଳେ ନିଜ ସ୍ତ୍ରୀ ଉପରେ ସନ୍ଦେହ କରୁଥିଲା ।
ଦିନ ଦ୍ୱିପହରେ ମହିଳାଙ୍କୁ ୨୫ ଥର ଛୁରୀରେ ଭୁଷି ନିର୍ମମ ଭାବେ ହତ୍ୟା କରାଯାଇଛି । ସ୍ୱାମୀ ହରିଷ ଏକ ମ୍ୟାରେଜ ବ୍ୟୁରୋରେ କାମ କରୁଥିଲେ । ଏବେ ପୋଲିସ ଆରୋପୀ ହରିଷକୁ ଗିରଫ କରି ନେଇଛି । ଶନିବାର ଦିନ ରୋହିଣୀ ଜିଲ୍ଲାରେ ରହୁଥିବା ହରିଷ ଓ ତାଙ୍କ ସ୍ତ୍ରୀ କୌଣସି ଏକ କାମରେ ବଜାରକୁ ଯାଇଥିଲେ । ବଜାରରେ ସ୍ୱାମୀ ହରିଷ ତାଙ୍କ ସ୍ତ୍ରୀଙ୍କୁ ଛୁରୀରେ ଆକ୍ରମଣ କରି ଥିଲେ ।
ଆଖ ପାଖ ଲୋକଙ୍କ କହିବା ଅନୁଯାୟୀ , ସ୍ତ୍ରୀ ର ମୃତ୍ୟୁ ହୋଇସାରିବା ପରେ ମଧ୍ୟ ହରିଷ ତାଙ୍କୁ ବାରମ୍ବାର ଛୁରୀମାରି ଚାଲିଥିଲେ ।
ତେବେ ଡିସିପି ରେହିଣୀଙ୍କ କହିବା ମୁତାବିକ , ଆରୋପୀ ହରିଷ ନିଜ ସ୍ତ୍ରୀକୁ ସବୁବେଳେ ସନ୍ଦେହ କରୁଥିଲା ଓ ତାର ଅନ୍ୟ ପୁରୁଷଙ୍କ ସହ ଅବୈଧ ସମ୍ପର୍କ ଅଛି କହି ସବୁବେଳେ ଝଗଡା କରୁଥିଲା ।