ସାଙ୍ଗ୍ଲ: ମହାରାଷ୍ଟ୍ରର ସାଙ୍ଗ୍ଲି ଜିଲ୍ଲାରେ ଗୋଟିଏ ପରିବାରର ୯ ଜଣ ସଦସ୍ୟ ସମୂହ ଆତ୍ମହତ୍ୟା କରିଥିବାବେଳେ ସୋମବାର ସେମାନଙ୍କର ମୃତଦେହ ଉଦ୍ଧାର କରାଯାଇଥିଲା । ପୁଲିସ ଏହି ଘଟଣାରେ ୨୫ ଜଣଙ୍କ ବିରୋଧରେ ମାମଲା ରୁଜୁ କରିଥିବାବେଳେ ୧୩ ଜଣଙ୍କୁ ଗିରଫ କରିଛି । ଗିରଫ ବ୍ୟକ୍ତିଙ୍କ ମଧ୍ୟରେ ଜଣେ ଋଣଦାତା ମଧ୍ୟ ସାମିଲ ଅଛନ୍ତି । ଜବତ ହୋଇଥିବା ସୁଇସାଇଡ୍ ନୋଟରୁ ଜଣାପଡିଛି ଯେ ପୋପଟ୍ ଭାନ୍ମୋର ଓ ମାନିକ୍ ଭାନ୍ମୋର ନାମକ ଦୁଇ ଭାଇ ବ୍ୟବସାୟ ନିମନ୍ତେ ବିଭିନ୍ନ ସୂତ୍ରରୁ ଅପର୍ଯ୍ୟାପ୍ତ ଋଣ କରିଥିଲେ । ସର୍ତ୍ତ ଅନୁଯାୟୀ ଋଣ ସୁଝିବାରେ ଖିଲାପ କରିବାରୁ ଅଭିଯୁକ୍ତମାନେ ଦୁଇ ପରିବାରକୁ ନିୟମିତ ନିର୍ଯାତନା ଦେଉଥିବା ଜଣାପଡିଛି । ସୁଇସାଇଡ୍ ନୋଟ୍ରେ ଉଲ୍ଲେଖ କରାଯାଇଥିବା ନାମକୁ ଆଧାର କରି ଅଭିଯୁକ୍ତଙ୍କୁ ଗିରଫ କରାଯାଇଛି ।