37.1 C
Bhubaneswar
Thursday, March 28, 2024
Homeଅପରାଧଆପତ୍ତିଜନକ ଭିଡିଓ ଭାଇରାଲ ଭଳି ଜଘନ୍ୟ ଅପରାଧ ପାଇଁ ଜାଣନ୍ତୁ କଣ ରହିଛି ଆଇନ ଏବଂ...

ଆପତ୍ତିଜନକ ଭିଡିଓ ଭାଇରାଲ ଭଳି ଜଘନ୍ୟ ଅପରାଧ ପାଇଁ ଜାଣନ୍ତୁ କଣ ରହିଛି ଆଇନ ଏବଂ ଦଣ୍ଡ ବ୍ୟବସ୍ଥା

ନୂଆଦିଲ୍ଲୀ: ଦେଶରେ ସାଇବର ଅପରାଧ ଧିରେ ଧିରେ ବୃଦ୍ଧି ପାଇବାରେ ଲାଗିଛି । ବିଶେଷ କରି ମହିଳାଙ୍କ କ୍ଷେତ୍ରରେ ଏହା ଅଧିକ ବଢ଼ିଛି। ଅନେକ ସମୟରେ ସୋସିଆଲ ମିଡ଼ିଆକୁ ବହୁଳ ଭାବେ ବ୍ୟବହାର କରୁଥିବା ଅନେକ ମହିଳା ଏହି ଭଳି ସମସ୍ୟାର ସମ୍ମୁଖୀନ ହେଉଥିବା ଆମେ ପରିଲକ୍ଷିତ କରିଥାଉ । ଏହାଦ୍ୱାରା ମହିଳାଙ୍କ ନମ୍ରତା ଏବଂ ସ୍ୱାଭିମାନ ଉପରେ ଆଞ୍ଚ ଆସିଥାଏ , ଯାହା ତାଙ୍କୁ ଗୁରୁତର ଆଘାତ ଦେଇଥାଏ | ଏହିଭଳି କିଛି ମହିଳା ଲୋକଲଜ୍ୟା ତଥା ସାମାଜିକ ଅପମାନରୁ ବଞ୍ଚିବା ପାଇଁ ଆତ୍ମହତ୍ୟାର ବାଟ ବାଛି ନେଇଥାନ୍ତି | ତେବେ ମହିଳାଙ୍କ ଆପତ୍ତିଜନକ ଫୋଟ ତଥା ଭିଡ଼ିଓ ଉତ୍ତୋଳନ କରିବାକୁ ଏକ ଗୁରୁତର ଅପରାଧ ଭାବରେ ବିବେଚନା କରାଯାଏ | ଏଥିରେ କେବଳ ଏକ ବର୍ଷରୁ ପାଞ୍ଚ ବର୍ଷ ପର୍ଯ୍ୟନ୍ତ ଦଣ୍ଡ ବ୍ୟବସ୍ଥା ସହିତ ଆର୍ଥିକ ଦଣ୍ଡ ମଧ୍ୟ ରହିଛି। ତେବେ ଏଭଳି ମାମଲା ବୃଦ୍ଧି ପାଉଥିବାରୁ ଏଥିପ୍ରତି ସତର୍କ ରହିବା ସହିତ ଏହି ଭଳି ଅପରାଧ ପାଇଁ କ’ଣ ରହିଛି ଆଇନ ବ୍ୟବସ୍ଥା ଆସନ୍ତୁ ଜାଣିବା…

ଏହିଭଳି ଅପରାଧିକ ମାମଲା କ୍ଷେତ୍ରରେ ଆଇଟି ଆକ୍ଟରେ ଅନେକ ବିଭାଗ ଅଛି, କିନ୍ତୁ କିଛି ବିଭାଗ ଏହି କ୍ଷେତ୍ରରେ ସିଧାସଳଖ ପ୍ରଯୁଜ୍ୟ, ଯେଉଁଥିରେ ପୋଲିସ ହସ୍ତକ୍ଷେପ ଏବଂ କାର୍ଯ୍ୟାନୁଷ୍ଠାନ ଗ୍ରହଣ କରିବାର ଅଧିକାର ପାଇଛି। ଯଥା :-

– ଗୋପନୀୟତା ଉଲ୍ଲଂଘନ ପାଇଁ ଦଣ୍ଡ ବ୍ୟବସ୍ଥା – ଧାରା ୬୬E |
– ଆପତ୍ତିଜନକ ସୂଚନା ପ୍ରକାଶନ ସହିତ ଜଡିତ ବ୍ୟବସ୍ଥା – ଧାରା ୬୭ |
– ଇଲେକ୍ଟ୍ରୋନିକ୍ ମାଧ୍ୟମରେ ସେକ୍ସ କିମ୍ବା ଅଶ୍ଳୀଳ ସୂଚନା ପ୍ରକାଶନ କିମ୍ବା ପ୍ରସାରଣ ପାଇଁ ଦଣ୍ଡ ପାଇଁ ବ୍ୟବସ୍ଥା – ଧାରା ୬୭A |
– ଇଲେକ୍ଟ୍ରୋନିକ୍ ମାଧ୍ୟମ ଦ୍ୱାରା ଆପତ୍ତିଜନକ ସାମଗ୍ରୀର ପ୍ରକାଶନ ଏବଂ ପ୍ରସାରଣ କିମ୍ବା ପିଲାମାନଙ୍କୁ ଅଶ୍ଳୀଳ ଅବସ୍ଥାରେ ପ୍ରଦର୍ଶନ – ଧାରା ୬୭B
– ପାରସ୍ପରିକ ବିଶ୍ୱାସ ଏବଂ ଗୋପନୀୟତା ଉଲ୍ଲଂଘନ ସମ୍ବନ୍ଧୀୟ ବ୍ୟବସ୍ଥା – ଧାରା ୭୨A |

  • ମହିଳାମାନେ ମୁଖ୍ୟତଃ ହେଉଛନ୍ତି ଶିକାର

ଆମ ଦେଶରେ ମହିଳାମାନେ ପ୍ରାୟ ପ୍ରତିଦିନ ଏହିଭଳି ବଡ଼ ଧରଣର ସାଇବର ଅପରାଧର ଶିକାର ହେଉଛନ୍ତି | ଅନେକ ଥର ମହିଳାମାନେ ପ୍ରେମର ମିଛ ଜାଲରେ ଫସି ସେମାନଙ୍କର ଅନ୍ତରଙ୍ଗ ଫଟୋ ଏବଂ ଭିଡିଓ ସୋସିଆଲ ମିଡିଆ ପ୍ଲାଟଫର୍ମରେ ନିଜ ପାର୍ଟନରଙ୍କୁ ସେୟାର କରିଥାନ୍ତି | କିନ୍ତୁ ସେମାନେ ଜାଣି ନଥାନ୍ତି କି ଯେଉଁ ମାଧ୍ୟମକୁ ସେମାନେ ସୁରକ୍ଷିତ ଭାବିଥାନ୍ତି, ସେହି ମାଧ୍ୟମ ହିଁ ଆପଣଙ୍କ ପାଇଁ ଅଧିକ ଅସୁରକ୍ଷିତ ଅଟେ | ଯାହାଦ୍ୱାରା ଏହି ସବୁ ଫୋଟ ଭିଡ଼ିଓ ମାଧ୍ୟମରେ ବ୍ଲାକମେଲ କରାଯାଏ | ଲୋକ ଲଜ୍ଜାରେ ଭୟରେ ମହିଳାମାନେ ନିଜ ପରିବାର ସଦସ୍ୟ କିମ୍ବା ବନ୍ଧୁମାନଙ୍କୁ ଏହା ବିଷୟରେ ଜଣାଇ ପାରନ୍ତି ନାହିଁ | କିନ୍ତୁ ଏପରି ପରିସ୍ଥିତିରେ ଆପଣ ଆଇନକ୍ଷେତ୍ରରେ ଆପଣଙ୍କ ଅଧିକାର ବିଷୟରେ ଜାଣିବା ଦ୍ୱାରା ହିଁ ଏହି ସମସ୍ୟାର ଦୃଢ଼ ମୁକାବିଲା କରିପାରିବେ |

୧. ମହିଳାମାନଙ୍କର ଆପତ୍ତିଜନକ ଫୋଟ ଏଡିଟ୍ ଏବଂ ଭାଇରଲ

ଯେତେବେଳେ ଜଣେ ମହିଳାଙ୍କ ଫଟୋକୁ ଅଶ୍ଳୀଳ କରିବା ପାଇଁ ଏହାକୁ ଏଡିଟ୍ କରି ସୋସିଆଲ ମିଡିଆରେ ଭାଇରାଲ କରାଯାଏ | ସେହି କ୍ଷେତ୍ରରେ ମହିଳା ଅପରାଧ ଅଧିନିୟମ, 1986ର ଧାରା 6 ଅନୁଯାୟୀ ଏହିପରି ଅପରାଧ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଏ |

୨. ଆଇଟି ଆକ୍ଟ, 2000

କୌଣସି ବ୍ୟକ୍ତିଙ୍କର ବ୍ୟକ୍ତିଗତ ଫଟୋ ଉଠାଇବା, ଅନ୍ୟ କାହାକୁ ଅଥବା ସୋସିଆଲ ମିଡ଼ିଆରେ ସେୟାର କରିବା ଭଳି ଘଟଣା ଆଇଟି ଆକ୍ଟର ଧାରା ୬୬A ଅନୁଯାୟୀ ଏକ ଦଣ୍ଡନୀୟ ଅପରାଧ ଅଟେ | ଯେଉଁଥିରେ କି ଏହିଭଳି କାର୍ଯ୍ୟ କରୁଥିବା ବ୍ୟକ୍ତିଙ୍କୁ ୩ ବର୍ଷ ପର୍ଯ୍ୟନ୍ତ ଜେଲ ସହିତ ଲକ୍ଷେ ଟଙ୍କାର ଜୋରିମାନାରେ ଦଣ୍ଡିତ କରାଯାଏ | ଯଦି ଜଣେ ବ୍ୟକ୍ତି ସୋସିଆଲ ମିଡିଆ ମାଧ୍ୟମରେ ଜଣେ ମହିଳାଙ୍କ ଅଶ୍ଳୀଳ ଫୋଟ କିମ୍ବା ଭିଡ଼ିଓ ସେୟାର କରନ୍ତି, ତେବେ ଧାରା ୬୭ ଅନୁଯାୟୀ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥାଏ।

୩. ଇଣ୍ଡିଆନ୍ ପେନାଲ କୋଡ୍, 1860

ଯଦି ଜଣେ ମହିଳା ନିଜର ଅଶ୍ଳୀଳ ଫଟୋ କିମ୍ବା ଭିଡିଓ ଆଧାରରେ ଯୌନ ସମ୍ପର୍କ ରଖିବାକୁ ବାଧ୍ୟ ହୁଅନ୍ତି, ତେବେ ଏହି କ୍ଷେତ୍ରରେ ଯୌନ ଉତ୍ପୀଡ଼ନ ମାମଲା ରୁଜୁ ହେବ। ଏଥିରେ, IPC ର ଧାରା 354 (A) ମାଧ୍ୟମରେ କାର୍ଯ୍ୟାନୁଷ୍ଠାନ ନିଆଯାଏ | ଯାହାକି ଏକ ଅବଧି ପାଇଁ କଠୋର କାରାଦଣ୍ଡ ସହିତ ଜରିମାନା ମଧ୍ୟ ଦେବାକୁ ପଡ଼ିଥାଏ | ମହିଳାଙ୍କ ଗାଧୋଇବା, ପୋଷାକ ବଦଳାଇବା କିମ୍ବା ନଗ୍ନ ଅବସ୍ଥାରେ ଫୋଟ ଉଠାଇବା ଏକ ଅପରାଧିକ କାର୍ଯ୍ୟକଳାପ ଅଟେ| ଏହା ଧାରା 354C ବର୍ଗରେ ଆସିଥାଏ | ଏଥିରେ 5 ବର୍ଷ ପର୍ଯ୍ୟନ୍ତ ଜେଲ ଏବଂ ଜୋରିମାନା ମଧ୍ୟ ଲାଗୁ କରାଯାଇପାରେ। ଯଦି ଜଣେ ମହିଳା ନିଜର ବ୍ୟକ୍ତିଗତ ଫଟୋ ଉଠାଇବାକୁ ସମ୍ମତି ଦିଅନ୍ତି କିନ୍ତୁ ଏହାକୁ ଲୋକମାନଙ୍କ ମଧ୍ୟରେ ପ୍ରସାରଣ କରିବାକୁ ଅନୁମତି ଦିଅନ୍ତି ନାହିଁ ଏବଂ ଏହା ପ୍ରସାରିତ ହୋଇଥିଲେ ମଧ୍ୟ ଏପରି କରୁଥିବା ବ୍ୟକ୍ତି ଅପରାଧୀ ହେବେ | ତାଙ୍କ ବିରୋଧରେ ଦଣ୍ଡବିଧାନ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

୪. ପୋକ୍ସୋ ଆକ୍ଟ, 2012

ଯଦି ୧୮ ବର୍ଷରୁ କମ୍ ନାବାଳିକା ତଥା ଶିଶୁଙ୍କ ସହିତ ଏପରି ଅପରାଧ କରାଯାଏ | ତେବେ ଏହି ଅପରାଧ ପୋକ୍ସୋ ଆକ୍ଟ ଅନୁଯାୟୀ ପଞ୍ଜିକୃତ ହୋଇଛି | ଶିଶୁ ଅଶ୍ଳୀଳତା ସହ ଜଡିତ ଆଇନ ବ୍ୟବସ୍ଥା ମଧ୍ୟ କଡାକଡି କରାଯାଇଛି।

  • ଏହିପରି ଅପରାଧରୁ ରକ୍ଷା ପାଇବା ପାଇଁ ମହିଳାମାନେ ସତର୍କ ହେବା ଆବଶ୍ୟକ |

– ଯଦି ଆପଣ ଏପରି ଧମକ ପାଆନ୍ତି, ତେବେ ନିଶ୍ଚିତ ଭାବରେ ପରିବାର ଏବଂ ସାଙ୍ଗମାନଙ୍କୁ ଏହି ବିଷୟରେ ଜଣାନ୍ତୁ |
– ଅନଲାଇନ୍ ଡେଟିଂ ଆପ୍ ଏବଂ ସେକ୍ସ ଚାଟ୍ ଠାରୁ ଦୂରରେ ରୁହନ୍ତୁ |
– ଆପଣଙ୍କର ବ୍ୟକ୍ତିଗତ ଫଟୋ ଉଠାଇବାକୁ କାହାକୁ ଅନୁମତି ଦିଅନ୍ତୁ ନାହିଁ |
– ସର୍ବସାଧାରଣ ସ୍ଥାନ, ହୋଟେଲ, ଶୌଚାଳୟ ଇତ୍ୟାଦିରେ ସ୍ପାଏ କ୍ୟାମେରାକୁ ନେଇ ସତର୍କ ରୁହନ୍ତୁ |
ଏହି ଅପରାଧକୁ ଏଡାଇବା ପାଇଁ ଆପଣଙ୍କର FIR ଦାଖଲ କରିବାର ଅଧିକାର ଅଛି | ଏହା ଗୋପନୀୟ ଅଟେ | ଏଥିରେ କୌଣସି ଗଣମାଧ୍ୟମ ଆପଣଙ୍କ ନାମ ଏବଂ ପରିଚୟ ପ୍ରକାଶ କରିପାରିବ ନାହିଁ ଏବଂ ପୋଲିସ୍ ମଧ୍ୟ ଆପଣଙ୍କ ପରିଚୟକୁ ଗୁପ୍ତ ରଖିବ |

  • କେଉଁଠାରେ ଏବଂ କିପରି ଅଭିଯୋଗ କରିବେ |

– ଏହିଭଳି କିଛି ଘଟଣା ଘଟିଥିଲେ ଯାହା ବି ପ୍ରମାଣ ହୋଇପାରେ ତାହାକୁ ସଂଗ୍ରହ କରିବା ଜରୁରୀ |
– ଯେଉଁଥିରେ ସମ୍ପୃକ୍ତ ବ୍ୟକ୍ତିଙ୍କ ପରିଚୟ, ଫେସବୁକ୍ ଆଇଡି, WhatsApp ଚାଟ ତଥା ନମ୍ବର ଆବଶ୍ୟକ |
– ଅପରାଧି ଏବଂ ଆପଣଙ୍କ ମଧ୍ୟରେ ହୋଇଥିବା ଅଡିଓ ଏବଂ ଭିଡିଓ ରେକର୍ଡିଂ ମଧ୍ୟ ସେଭ୍ କରନ୍ତୁ |

ସାଇବର ଅପରାଧର ମୁକାବିଲା ପାଇଁ ସରକାର ପ୍ରତ୍ୟେକ ସହରରେ ଏକ ସାଇବର ଅପରାଧ ସେଲ ଗଠନ କରିଛନ୍ତି। ଆପଣ ସେଠାରେ ଏପରି ଅଭିଯୋଗ ଦାଖଲ କରିପାରିବେ | ଏହା ବ୍ୟତୀତ ସ୍ଥାନୀୟ ପୋଲିସ ଷ୍ଟେସନରେ ମଧ୍ୟ ଆପଣ ଅଭିଯୋଗ କରାଯାଇପାରିବେ। ଆପଣ ଅନଲାଇନ ମାଧ୍ୟମରେ ମଧ୍ୟ ଅଭିଯୋଗ କରିପାରିବେ | ଯେକୌଣସି ସ୍ଥାନରୁ ସାଇବର ସେଲ୍ ଇଣ୍ଡିଆରେ ଆପଣ ନିଜର ଅଭିଯୋଗ କରିପାରିବେ |

LEAVE A REPLY

Please enter your comment!
Please enter your name here

5,005FansLike
2,475FollowersFollow
12,700SubscribersSubscribe

Most Popular

HOT NEWS

Breaking