ଭୁବନେଶ୍ୱର: ରାଜ୍ୟରେ ବିଭିନ୍ନ ସ୍ଥାନରେ ପେଟ୍ରୋଲ ଓ ଡିଜେଲ ଅବୈଧ ଭାବେ ମହଜୁଦ କରି କଳାବଜାରୀ କରୁଥିବା ବ୍ୟକ୍ତି ମାନଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି । ଏଥିନିମନ୍ତେ ରାଜ୍ୟ ସରକାରଙ୍କ ପକ୍ଷରୁ ଜାରି ନିର୍ଦ୍ଦେଶ ଅନୁଯାୟୀ ଖୋର୍ଦ୍ଧା ଜିଲ୍ଲା ଯୋଗାଣ କାର୍ଯ୍ୟାଳୟ ପକ୍ଷରୁ ଜିଲ୍ଲାପାଳ ଶ୍ରୀ ଅମ୍ରିତ୍ ଋତୁରାଜଙ୍କ ନିର୍ଦ୍ଦେଶରେ ଜିଲ୍ଲା ଯୋଗାଣ ଅଧିକାରୀ, ଭୁବନେଶ୍ୱର ସହକାରୀ ଯୋଗାଣ ଅଧିକାରୀ,ବାଲିଅନ୍ତା ଓ ବାଲିପାଟଣା ଯୋଗାଣ ନିରୀକ୍ଷକଙ୍କ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଇଛି । ଏଥିପାଇଁ ଗଠିତ ଏକ ଦଳ ଭୁବନେଶ୍ୱର ଉପକଣ୍ଠର ବିଭିନ୍ନ ପେଟ୍ରୋଲ ପମ୍ପ ଏବଂ ଅବୈଧ ସ୍ଥାନରେ ଥିବା ପେଟ୍ରୋଲ ଓ ଡିଜେଲ ଗଚ୍ଛିତ କେନ୍ଦ୍ର ମାନଙ୍କରେ ଚଢ଼ାଉ କରିଥିଲେ ।ଏହି ଚଢ଼ାଉ ସମୟରେ ନିରଞ୍ଜନ ନାୟକ, ବୁଲୁ ପ୍ରଧାନ,ପୂରଣ ପ୍ରଧାନ,ସୁଶାନ୍ତ କୁମାର ଚୌଧୁରୀ,ତପନ କୁମାର ସାହୁ ଏବଂ ୫ ଅଜୟ ସାହୁଙ୍କ ଠାରୁ ୫୦୫ ଲିଟର ଅବୈଧ ଭାବେ ଗଚ୍ଛିତ ଡିଜେଲ ଜବତ କରାଯାଇଥିଲା। ସେମାନଙ୍କ ପାଖରେ କୌଣସି ବିତରକ ଲାଇସେନ୍ସ କିମ୍ବା ଅଗ୍ନିଶମ ବିଭାଗର ସର୍ଟିଫିକେଟ ନଥିଲା।ଜନଗହଳି ପୂର୍ଣ୍ଣ ସ୍ଥାନରେ ଲାଭଖୋର ମନବୃତ୍ତି ରଖି ଲିଟର ପିଛା ୧୪୦ ଟଙ୍କା ଦରରେ ତେଲ ବିକ୍ରୟ କରୁଥିଲେ । ଏଥି ସହିତ ସେମାନେ ବ୍ୟବହାର କରୁଥିବା ପଳା ଓ କାହାଳୀ ଆଦି ମଧ୍ୟ ଜବତ କରାଯାଇଛି । ଚଢ଼ାଉ ସମୟରେ ଜିଲ୍ଲା ଯୋଗାଣ ଅଧିକାରୀ ଜ୍ଞାନେନ୍ଦ୍ର ମିଶ୍ର ,ସହାୟକ ଯୋଗାଣ ଅଧିକାରୀ ସୁନୀତା ବେହେରା,ବାଲିଅନ୍ତା ଯୋଗାଣ ନିରୀକ୍ଷକ ଅଳକାରାଣି ମଲ୍ଲିକ୍ ଏବଂ ବାଲିପାଟଣା ଯୋଗାଣ ନିରୀକ୍ଷକ ନେତ୍ରାନନ୍ଦ ବେହେରା ଉପସ୍ଥିତ ଥିଲେ।

The post ଯୋଗାଣ ବିଭାଗର ବିଭିନ୍ନ ସ୍ଥାନରେ ଚଢ଼ାଉ,୫୦୫ ଲିଟର ଡିଜେଲ ଜବତ appeared first on ONA KHABAR.

ମୋଦୀ ସରକାରରେ “ଅମୃତ କାଳ” ନିଯୁକ୍ତି-ପରୀକ୍ଷା ଦେଉଥିବା ଛାତ୍ରଛାତ୍ରୀଙ୍କ ପାଇଁ “ମୃତ କାଳ” ସାବ୍ୟସ୍ତ ହେଉଛି। ଖବର ଅନୁଯାୟୀ, ଅନେକ ଛାତ୍ରଛାତ୍ରୀ NEET ପେପର ଲିକ୍‌ର ଆଘାତ ଯୋଗୁଁ ଆତ୍ମହତ୍ୟା କରିଛନ୍ତି।ଲଖିମପୁର ଖେରୀର ରିତିକ ମିଶ୍ର, ଦିଲ୍ଲୀର ୨୦ ବର୍ଷୀୟା ଅଂଶିକା ପାଣ୍ଡେ, ରାଜସ୍ଥାନର ଝୁନଝୁନୁର ପ୍ରଦୀପ ମେଘୱାଲ, ଗୋଆରେ ରହୁଥିବା ବେଙ୍ଗାଲୁରୁର ଛାତ୍ର – ସମସ୍ତେ ଏହି ଆତ୍ମଘାତୀ ପଦକ୍ଷେପ ନେଇଛନ୍ତି। କିଏ ପିଲାଦିନୁ ସ୍ୱପ୍ନ ଦେଖିଥିଲା, ତ କିଏ ପରିବାରର ଆଶା ପାଇଁ ସବୁକିଛି ବାଜି ଲଗାଇ ଦେଇଥିଲା, ବର୍ଷ ବର୍ଷ ଧରି ପ୍ରସ୍ତୁତି କରିଥିଲା। କିନ୍ତୁ ମୋଦୀ ସରକାରଙ୍କ ଦୁର୍ନୀତିଗ୍ରସ୍ତ ଏବଂ ଅପାରଗ ବ୍ୟବସ୍ଥା ସେମାନଙ୍କ ସ୍ୱପ୍ନକୁ ଚୂରମାର କରିଦେଲା।

ମୋଦୀ ଶାସନରେ ୯୦ ରୁ ଅଧିକ ପେପର ଲିକ୍ ହୋଇସାରିଛି। ୯ କୋଟିରୁ ଅଧିକ ଛାତ୍ରଛାତ୍ରୀ ଏବଂ ସେମାନଙ୍କ ପରିବାର ପ୍ରଭାବିତ ହୋଇଛନ୍ତି। ବେକାରୀର ନିଆଁ ପୂର୍ବରୁ ହିଁ ଯୁବପିଢ଼ିଙ୍କ ଭବିଷ୍ୟତ ନଷ୍ଟ କରୁଛି। ବିଜେପି ସଂରକ୍ଷିତ ପେପର ଲିକ୍ ମାଫିଆ, ନିରପେକ୍ଷ ଓ ସ୍ୱଚ୍ଛ ଭାବେ ପରୀକ୍ଷା କରାଇବା ସରକାରଙ୍କ ଦାବିର ଧଜିଆ ଉଡ଼ାଉଛି। ପ୍ରଧାନମନ୍ତ୍ରୀ ମୋଦୀ ଜୀ ଏବେ ନିଜେ “ଫ୍ୟାକ୍ଟ ଚେକ୍” (ତଥ୍ୟ ଯାଞ୍ଚ) କରିବାକୁ ଲାଗିଛନ୍ତି… ଗତକାଲି ସେ “Ease of Living” (ସହଜ ଜୀବନଧାରଣ) ଉପରେ tweet କରିଥିଲେ, କିନ୍ତୁ NEET ପେପର ଲିକ୍ ଏବଂ ଛାତ୍ରଛାତ୍ରୀଙ୍କ ଆତ୍ମହତ୍ୟା ଉପରେ ଚୁପ୍ ରହିଲେ।

୨୦୨୪ NEET ପେପର ଲିକ୍ ମାମଲାରେ ଯେଉଁ ଅଧିକାରୀମାନଙ୍କ ଉପରେ ପ୍ରଶ୍ନ ଉଠିଥିଲା, ସେମାନଙ୍କୁ ଦଣ୍ଡ ମିଳିଲାନି, ବରଂ ଗୁରୁତ୍ୱପୂର୍ଣ୍ଣ ଓ ଲାଭଦାୟକ ପଦବୀ ଦିଆଗଲା। ଏହି କାରଣରୁ ପ୍ରତିବର୍ଷ ଯୁବପିଢ଼ିଙ୍କ ଭବିଷ୍ୟତ ଲୁଟ୍ ହେଉଛି। ପରିସ୍ଥିତି ଏପରି ହୋଇଛି ଯେ ଏବେ Delhi Medical Association ମଧ୍ୟ କେନ୍ଦ୍ର ଶିକ୍ଷାମନ୍ତ୍ରୀଙ୍କୁ ଚିଠି ଲେଖିଛି। ଏବେ ପାଣି ମୁଣ୍ଡ ଉପରକୁ ଗଲାଣି। କେନ୍ଦ୍ର ଶିକ୍ଷାମନ୍ତ୍ରୀ ତୁରନ୍ତ ଇସ୍ତଫା ଦିଅନ୍ତୁ। ମୋଦୀ ଜୀ “ପରୀକ୍ଷା-ଲିକ୍ ଉପରେ ଚର୍ଚ୍ଚା” କରନ୍ତୁ, ଚୁପ୍ ରହିଲେ କିଛି ହେବ ନାହିଁ !

The post କେନ୍ଦ୍ର ଶିକ୍ଷାମନ୍ତ୍ରୀ ତୁରନ୍ତ ଇସ୍ତଫା ଦିଅନ୍ତୁ : ମଲ୍ଲିକାର୍ଜୁନ ଖଡ଼ଗେ appeared first on ONA KHABAR.

ଭୁବନେଶ୍ୱର: ରାଷ୍ଟ୍ରୀୟ ସଭାପତି ଭାବେ ଦାୟୀତ୍ୱ ଗ୍ରହଣ କରିବା ପରେ ପ୍ରଥମ ଥର ପାଇଁ ଆସନ୍ତା କାଲି ଦୁଇ ଦିନିଆ ଓଡିଶା ଗସ୍ତରେ ଆସୁଛନ୍ତି ଶ୍ରୀ ନୀତିନ ନବୀନ । ରାଷ୍ଟ୍ରୀୟ ସଭାପତି ଶ୍ରୀ ନୀତିନ ନବୀନ ସାଧାରଣ ଯାତ୍ରୀବାହୀ ବିମାନରେ ଆସନ୍ତା କାଲି ଭୁବନେଶ୍ୱର ବିମାନ ବନ୍ଦରରେ ପହଂଚିବେ । ସାଂପ୍ରତିକ ବୈଶ୍ୱିକ ତୈଳସଂକଟ ଦୃଷ୍ଟିକୋଣରୁ ଏବଂ ଯଶସ୍ୱୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନକ୍ରମେ ନିରାଡମ୍ବର ଭାବେ ରାଷ୍ଟ୍ରୀୟ ସଭାପତିଙ୍କୁ ସ୍ୱାଗତ କରାଯିବ । ମାନ୍ୟବର ରାଜ୍ୟ ସଭାପତି, ମାନ୍ୟବର ମୁଖ୍ୟମନ୍ତ୍ରୀଙ୍କ ସମେତ ଶୀର୍ଷ ନେତୃବୃନ୍ଦ ରାଷ୍ଟ୍ରୀୟ ସଭାପତିଙ୍କୁ ବିମାନବନ୍ଦରରେ ସ୍ୱାଗତ ଜଣାଇବେ ବୋଲି ରାଜ୍ୟ ମୁଖପାତ୍ର ଶ୍ରୀ ସୁଦୀପ୍ତ ରାୟ ସୁଚନା ଦେଇଛନ୍ତି । ୧୮ ତାରିଖ (ସୋମବାର) ଦିନ ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ‘ରାଜ୍ୟ କୋର୍ କମିଟି’ ବୈଠକରେ ରାଷ୍ଟ୍ରୀୟ ସଭାପତି ଶ୍ରୀ ନୀତିନ ନବୀନ ଯୋଗଦେବେ । ଏହା ପରେ ରାଷ୍ଟ୍ରୀୟ ସଭାପତି ଶ୍ରୀ ନୀତିନ ନବୀନ ଖୋର୍ଦ୍ଧା ଜିଲ୍ଲା ଜଟଣୀସ୍ଥିତ ଆଇଆଇଟି ନିକଟସ୍ଥ ଏସିଆନ ଇନଷ୍ଟିଚ୍ୟୁଟ ଅଫ ଫିଜିକାଲ ହେଲ୍‌ଥ (ଏଆଇପିଏଚ୍‌) ବିଶ୍ୱବିଦ୍ୟାଳୟ ପରିସରରେ ଭୁବନେଶ୍ୱର ସାଂଗଠନିକ ଜିଲ୍ଲା ତରଫରୁ ଅନୁଷ୍ଠିତ ହେବାକୁ ଥିବା ଜିଲ୍ଲାସ୍ତରୀୟ ପଣ୍ଡିତ ଦୀନଦୟାଲ ପ୍ରଶିକ୍ଷଣ ମହାଅଭିଯାନ-୨୦୨୬ ଶିବିରର ଉଦ୍‌୍‌୍‌୍‌ଘାଟନ କରିବେ । ଏହା ପରେ ରାଷ୍ଟ୍ରୀୟ ସଭାପତି ଶ୍ରୀ ନୀତିନ ନବୀନ ପୁରୀ ଗସ୍ତ କରି ମହାପ୍ରଭୁ ଶ୍ରୀ ଜଗନ୍ନାଥଙ୍କ ଦର୍ଶନ କରି ମହାପ୍ରସାଦ ସେବନ କରିବେ ବୋଲି ଶ୍ରୀ ରାୟ ସୁଚନା ଦେଇଛନ୍ତି । ରାଷ୍ଟ୍ରୀୟ ସଭାପତି ଶ୍ରୀ ନୀତିନ ନବୀନ ଭୁବନେଶ୍ୱର ପ୍ରତ୍ୟାବର୍ତନ କରି ଅପରାହ୍ନରେ ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ରାଜ୍ୟ ପଦାଧିକାରୀ, ମୋର୍ଚ୍ଚା ସଭାପତି ବୈଠକ ଏବଂ ମନ୍ତ୍ରୀପରିଷଦ ବୈଠକରେ ଯୋଗ ଦେଇ ସମସ୍ତଙ୍କ ସହ ଭେଟଘାଟ କରି ଚର୍ଚ୍ଚା ଓ ଆଲୋଚନା କରିବେ । ସଂଧ୍ୟାରେ ରାଷ୍ଟ୍ରୀୟ ସଭାପତି ଶ୍ରୀ ନୀତିନ ନବୀନ ଭୁବନେଶ୍ୱର ବିମାନ ବନ୍ଦରରୁ ଦିଲ୍ଲୀ ପ୍ରତ୍ୟାବର୍ତନ କରିବେ ବୋଲି ଶ୍ରୀ ରାୟ ସୁଚନା ଦେଇଛନ୍ତି । ଏହି ଅବସରରେ ରାଜ୍ୟ ଗଣମାଧ୍ୟମ ସଂଯୋଜକ ଶ୍ରୀ ସୁଜିତ କୁମାର ଦାସ ଉପସ୍ଥିତ ଥିଲେ।

The post ଆସନ୍ତାକାଲି ଦୁଇଦିନିଆ ଓଡିଶା ଗସ୍ତରେ ଆସୁଛନ୍ତି ରାଷ୍ଟ୍ରୀୟ ସଭାପତି ନୀତିନ ନବୀନ appeared first on ONA KHABAR.

ଭୁବନେଶ୍ୱର: ଆଜି ଓଡ଼ିଶା ପ୍ରଦେଶ ଯୁବ କଂଗ୍ରେସ ପକ୍ଷରୁ ଓଡ଼ିଶା ପ୍ରଦେଶ କାର୍ଯ୍ୟାଳୟ ଠାରେ ରାଜ୍ୟ ଯୁବ କଂଗ୍ରେସ ସଭାପତିଙ୍କ ଅଧ୍ୟକ୍ଷତାରେ ଏକ ସାମ୍ବାଦିକ ସମ୍ମିଳନୀ ଆୟୋଜନ କରାଯାଇଥିଲା । ଏହି ସାମ୍ବାଦିକ ସମ୍ମିଳନୀରେ ଶ୍ରୀ ପାତ୍ର ତାଙ୍କ ବକ୍ତବ୍ୟରେ କହିଥିଲେ ଯେ, ରାଜ୍ୟର ଆଦିବାସୀ ବନବାସୀ ସିଡୁୃ୍ୟଲ ଏରିଆର ଦଳିତ ଓ ଅନ୍ୟାନ୍ୟ ବର୍ଗର ଲୋକମାନେ ଖୁସିଥିଲେ ଯେ, ଜଣେ ଆଦିବାସୀବର୍ଗର ଲୋକ ଓଡ଼ିଶାର ମୁଖ୍ୟମନ୍ତ୍ରୀ ହୋଇଛନ୍ତି ଏବଂ ସେ ଆଦିବାସୀ ଦଳିତବର୍ଗର ଲୋକଙ୍କ ସ୍ୱାର୍ଥ, ସ୍ୱାଭିମାନ, ସୁରକ୍ଷା ଏବଂ ଶାନ୍ତିପୂର୍ଣ୍ଣ ବସବାସ ପ୍ରତି ଅଧିକ ଧ୍ୟାନ ଦେବେ । ମାତ୍ର ଏ ରାଜ୍ୟର ମୁଖ୍ୟମନ୍ତ୍ରୀ ଆଦିବାସୀ ଏବଂ ଏ ରାଜ୍ୟରୁ ଜଣେ ଆଦିବାସୀ ମହିଳା ଦେଶର ମହାମହିମ ରାଷ୍ଟ୍ରପ୍ରତି ଏଭଳି ବାତାବରଣ ଭିତରେ ଓଡ଼ିଶାର ଆଦିବାସୀ ଓ ଦଳିତ ଲୋକଙ୍କର ସ୍ୱାର୍ଥ ସଂପତ୍ତି ଓ ସ୍ୱାଭିମାନ ଭୁଲୁଣ୍ଠିତ ହେଉଛନ୍ତି । ସିଜିମାଳି ପାହାଡର ୩୧୧ ମିଲିୟନ ଟନ ବକ୍ସସାଇଟ୍‌କୁ ଲୁଣ୍ଠନ କରି ନେବା ପାଇଁ ମୋଦୀ, ମୋହନ ସରକାର ରକ୍ତ ମୁଖା ହୋଇପଡିଛନ୍ତି । ସିଜିମାଳି ହଜାର ହଜାର ଆଦିବାସୀ ମାନଙ୍କର ସାତ ପୁରୁଷର ବାସସ୍ଥାନ, ଜୀବିକା ଓ ସ୍ୱାଭିମାନ ମଧ୍ୟ ।

ରାଜ୍ୟ ଯୁବ କଂଗ୍ରେସର ସାଧାରଣ ସମ୍ପାଦକ ଶ୍ରୀ ସୁଦିପ ସାମଲ ସାମ୍ବାଦିକ ସମ୍ମିଳନୀରେ କହିଥିଲେ ଯେ ସମ୍ବିଧାନ ୫ମ ଅନୁଚ୍ଛେଦ ଅନୁଯାୟୀ ଖଣି ଖନନ ନିମନ୍ତେ ଗ୍ରାମସଭା ବାଧ୍ୟତାମୂଳକ । ଜଙ୍ଗଲ ଅଧିକାର ଆଇନ ୨୦୦୬ ମଧ୍ୟ ଏହିକଥା ସ୍ପଷ୍ଟ ଭାବେ ଉଲ୍ଲେଖ କରିଛି । ସରକାର ଏବଂ ସେଠାକାର ଜିଲ୍ଲାପାଳଙ୍କ ଠାରୁ ଆରମ୍ଭ କରି ଯେଉଁ ମୁଣ୍ଠ ବିକା ସରକାରୀ କର୍ମଚାରୀ ରହିଛନ୍ତି ସେମାନେ କହୁଛନ୍ତି ଯେ, ଗ୍ରାମସଭା ସଠିକ୍ ଭାବେ ହୋଇଛି ବୋଲି । ମାତ୍ର ସିଜିମାଳିର ଅଧିବାସୀମାନେ ଦୃଢ଼ଭାବେ କହିଛନ୍ତି ଯେ, କିଛି ମାଇନର ଏବଂ ମୃତ ଲୋକଙ୍କର ଦସ୍ତଖତ କରାଯାଇଛି । ଆଦିବାସୀମାନଙ୍କର ସ୍ୱରକୁ ମୋହନ ସରକାର ଚାପି ଦେଉଛନ୍ତି । ୩ କିଲୋମିଟର ରାସ୍ତା ନିର୍ମାଣକୁ ସେଠାକାର ବାସିନ୍ଦାମାନେ ଅବରୋଧ କରିଥିଲେ ଏବଂ ଯାହା ପାଇଁ ସେଠି ଭୟଙ୍କର ଭାବରେ ରକ୍ତପାତ ହୋଇଥିଲା । ୧୯୪୭ ମସିହା ଠାରୁ ୨୦୨୬ ପର୍ଯ୍ୟନ୍ତ ଯଦି ଓଡ଼ିଶାର ମୁଖ୍ୟମନ୍ତ୍ରୀମାନଙ୍କର ଆଦିବାସୀମାନଙ୍କ ପ୍ରତି ସମ୍ବେଦନଶୀଳତାକୁ ବିଚାରକୁ ନିଆଯାଏ ତେବେ ଏହା ନିଶ୍ଚିତ ଭାବେ ଦାବି କରି ହେବ ଯେ, ଆଜିର ମୁଖ୍ୟମନ୍ତ୍ରୀ ମୋହନ ମାଝୀ ସଂପୂର୍ଣ୍ଣ ଭାବେ ଆଦିବାସୀ ବିରୋଧି । ସରକାର ସେଠାରେ ଜଙ୍ଗଲ ଅଧିକାର ଆଇନକୁ ଉଲଘଂନ କରୁଛନ୍ତି, ପେଶା ଆକ୍ଟକୁ ପ୍ରଣୟନ କରୁନାହାନ୍ତି । ସୁତରାଂ ମୋହନ ସରକାର ଆଦିବାସୀ ମାନଙ୍କୁ ବିସ୍ତାପିତ କରି ଖଣି ଖନନ ବା ଶିଳ୍ପକରଣକୁ ପ୍ରୋତ୍ସାହନ ଦେଇଥିବାରୁ ଯୁବ କଂଗ୍ରେସ ଏହାକୁ ତୀବ୍ର ବିରୋଧ କରୁଛି । ଅନ୍ୟପକ୍ଷରେ ରାଜ୍ୟ ଯୁବ କଂଗ୍ରେସ ସଭାପତି ଆହୁରି ମଧ୍ୟ କହିଥିଲେ ଯେ କୁଟ୍ରୁମାଳି ବକ୍ସସାଇଟ ଖଣି ପ୍ରକଳ୍ପ ରାୟଗଡା ଓ କଳାହାଣ୍ଡି ଜିଲ୍ଲାରେ ମଧ୍ୟ ରହିଛି । ଏଠାରେ ମଧ୍ୟ ସେହିଭଳି ସମସ୍ତ ନିୟମକାନୁନକୁ ଉଲଘଂନ କରି ଖଣି ଖନନ ପାଇଁ ପ୍ରସ୍ତାବ ରହିଛି । ଏଥିରେ ମଧ୍ୟ ଗ୍ରାମ ସଭା କରାଯାଇନାହିଁ । ଜଙ୍ଗଲ ଅଧିକାର ଆଇନକୁ ଅନୁସରଣ କରାଯାଇନାହିଁ, ଗ୍ରାମସଭା ନାମରେ ଜାଲ ଦସ୍ତଖତ କରାଯାଉଛି । ତେଣୁ ସଂପୂର୍ଣ୍ଣ ଭାବରେ ଆଦିବାସୀମାନଙ୍କୁ କୁଟ୍ରୁମାଳି ପାହାଡରୁ ହଟାଇ ବକ୍ସସାଇଟ୍ ଲୁଣ୍ଠନ ପାଇଁ ଚକ୍ରାନ୍ତ କରାଯାଉଛି । ସେହିଭଳି କୋରାଫୁଟ ଜିଲ୍ଲାର ପଟାଙ୍ଗି ବକ୍ସସାଇଟ୍ ମାଇନିଂ ପ୍ରକଳ୍ପ ଯାହାକି ନାଲ୍‌କୋ ଦ୍ୱାରା କରାଯାଉଛି ସେଠାରେ ମଧ୍ୟ ମୂଳ ନିବାସିମାନଙ୍କର ସ୍ୱାର୍ଥକୁ ଅଣଦେଖା କରାଯାଉଛି ।

ଯୁବ କଂଗ୍ରେସ ସବୁବେଳେ ଆଦିବାସୀ, ଦଳିତବର୍ଗର ଲୋକମାନଙ୍କୁ ତାଙ୍କର ନ୍ୟାୟ ପ୍ରଦାନ ପାଇଁ ସଂଗ୍ରାମ ଜାରି ରଖିଆସିଛି । ସିଜିମାଳି ଓ କୁଟ୍ରୁମାଳି ଆଦିବାସୀମାନଙ୍କର ସ୍ୱାର୍ଥ ଦୃଷ୍ଟିରୁ ଯୁବ କଂଗ୍ରେସ ଏ ନିଷ୍ପତ୍ତି ନେଇଛି ଯେ ସେମାନଙ୍କ ସହିତ ଯୁବ କଂଗ୍ରେସ ସମସ୍ତ ପରିସ୍ଥିତିରେ ସାଥୀରେ ରହିବ ବୋଲି । ଏହି ପରିପ୍ରେକ୍ଷିରେ ଯୁବ କଂଗ୍ରେସ ପକ୍ଷରୁ ନିଷ୍ପତ୍ତି ନିଆଯାଇଛି ଯେ, ଆଗାମୀ ତା. ୨୨/୦୫/୨୦୨୬ ରିଖ ଠାରୁ ତା. ୨୮/୦୫/୨୦୨୬ ରିଖ ପର୍ଯ୍ୟନ୍ତ ସିଜିମାଳିରେ ଘରକୁ ଘର ବୁଲି ପଦଯାତ୍ରା କରାଯିବ । ଏହି ପଦଯାତ୍ରାରେ ଅଖିଳ ଭାରତ ଯୁବ କଂଗ୍ରେସ ସଭାପତି ଶ୍ରୀ ଉଦୟଭାନୁ ଚିବ୍‌, ଅଖିଳ ଭାରତୀୟ ଯୁବ କଂଗ୍ରେସର ପ୍ରଭାରୀ ଶ୍ରୀ ମନିଷ ଶର୍ମାଙ୍କ ସମେତ ବହୁ ଅଖିଳ ଭାରତୀୟ ଯୁବ କଂଗ୍ରେସ ନେତା ଯୋଗ ଦେବେ ବୋଲି ଯୁବ କଂଗ୍ରେସ ପକ୍ଷରୁ ସାମ୍ବାଦିକ ସମ୍ମିଳନୀରେ ଘୋଷଣା କରାଯାଇଛି । ଆଜିର ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ଯୁବ କଂଗ୍ରେସ ସାଧାରଣ ସମ୍ପାଦକ ସୁଦୀପ ସାମଲ, ଗୋପନ ମାର୍ଥା ଓ ଜାଭେଦ ଅଖ୍‌ତର ଯୋଗ ଦେଇଥିଲେ ।

The post ଆଦିବାସୀ ଏବଂ ଦଳିତ ମାନଙ୍କର ଅଧିକାର ପାଇଁ ଲଢ଼େଇ ଜାରି ରଖିବ : ଯୁବ କଂଗ୍ରେସ appeared first on ONA KHABAR.

ଭୁବନେଶ୍ୱର: ବିଜେପି ସରକାର ବିରୁଦ୍ଧରେ ଜନତାଙ୍କ ଆକ୍ରୋଶ ବୃଦ୍ଧି ପାଉଥିବା ଦେଖି ଜନତାଙ୍କ ଆଖିରେ ଭୁଆଁ ବୁଲାଇବାକୁ ପୁରୀ ସାଂସଦ ସମ୍ବିତ ପାତ୍ର ରାହୁଲ ଗାନ୍ଧୀଙ୍କ ବିଦେଶ ଗସ୍ତ ବିବରଣୀ ଗଣମାଧ୍ୟମଙ୍କ ଆଗରେ ଉପସ୍ଥାପନ କରିବାକୁ ନେଇ କଂଗ୍ରେସ ଭବନଠାରେ ଆୟୋଜିତ ଏକ ପ୍ରେସ ସମ୍ମିଳନୀରେ ସାଂସଦ ଶ୍ରୀ ପାତ୍ରଙ୍କୁ ଉଚିତ ଜବାବ ଦିଆ ଯାଇଥିଲା l ଏହି ସମ୍ମିଳନୀର ଅଧ୍ୟକ୍ଷତା କରି ବରିଷ୍ଠ ମୁଖପାତ୍ର ଲଲାଟେନ୍ଦୁ ଦାସ କହିଲେ, ପବିତ୍ର ପୁରୀ ମାଟିର ସାଂସଦଠାରୁ ଏଭଳି କୁଭାଷା ଓ ବ୍ୟବହାର ଅତ୍ୟନ୍ତ ଲଜ୍ୟାଜନକ ଓ ନିନ୍ଦନୀୟ ଅଟେ l ଆମ ନେତା ରାହୁଲ ଗାନ୍ଧୀଙ୍କ ବିଦେଶ ଗସ୍ତ ବିବରଣୀ ଦେବା ଆଗରୁ ଜନତାଙ୍କ ଟାକ୍ସ ପଇସାରେ ଗସ୍ତ କରିଥିବା ପ୍ରଧାନମନ୍ତ୍ରୀଙ୍କ ଯାତ୍ରା ଓ ଖର୍ଚ୍ଚ ବିବରଣୀ ପ୍ରଦାନ କରିଥିଲେ ଉଚିତ ହୋଇଥାନ୍ତା ବୋଲି କହିଥିଲେ l ସମ୍ମିଳନୀର ଉପସ୍ଥିତ ପୁରୀ ଜିଲ୍ଲାର ବରିଷ୍ଠ କଂଗ୍ରେସ ନେତା ବିଶ୍ୱ ଭୂଷଣ ଦାସ ସାଂସଦ ସମ୍ବିତ ପାତ୍ରଙ୍କ ବ୍ୟବହାର ଅକ୍ଷମଣୀୟ ଏବଂ ଏହାକୁ ପୁରୀ ଜିଲ୍ଲାର କୋଣ ଅନୁକୋଣରେ ବିରୋଧ କରାଯିବ ବୋଲି ତାଗିଦ କରିଥିଲେ l

ପିସିସି ମୁଖପାତ୍ର ଶ୍ରୀମତୀ ଜୟଶ୍ରୀ ପାତ୍ର ବିରୋଧୀ ଦଳର ନେତା ରାହୁଲ ଗାନ୍ଧୀଙ୍କ ନାଁ ନ ନେଇ ବିଜେପି ଦଳର ଅସ୍ତିତ୍ୱ ନାହିଁ ଏବଂ ଦେଶରେ ବୈଦେଶିକ ନୀତି ବିଫଳ, ଅର୍ଥନୀତି ପାତାଳମୁଖୀ ଓ ନିଟ ପ୍ରଶ୍ନପତ୍ର ପ୍ରଘଟ ପରି ଗୁରୁତ୍ଵପୂର୍ଣ୍ଣ ପ୍ରସଙ୍ଗରୁ ନଜର ହଟେଇବା ପାଇଁ ଏକ ନାଟକ ଯାହାକି ବିଜେପିର ଅଭ୍ୟାସଗତ ରୋଗ। ବିରୋଧୀ ଦଳର ନେତା ରାହୁଲ ଗାନ୍ଧୀଙ୍କ ବିଦେଶ ଗସ୍ତର ହିସାବ ଦେଲା ବେଳେ ଦେଶର ପ୍ରଧାନମନ୍ତ୍ରୀଙ୍କ ୧୨ ବର୍ଷରେ ୯୬ ଥର ବିଦେଶ ବୁଲା ୭୬ ଟି ଦେଶ ଓ ମାତ୍ର ଦେଶର ରାଜକୋଷ ୮୨୬ କୋଟି ଖର୍ଚ୍ଚ କରିଛନ୍ତି ତା ହିସାବ ଶ୍ରୀମତୀ ପାତ୍ର ମାଗିବା ସହ ପୁରୀ ସଂସଦୀୟ କ୍ଷେତ୍ରରେ କୁହଳିଆ ପୁରୀ ସାଂସଦ ୨୩ ମାସରେ କେତୋଟି ସାମ୍ବାଦିକ ସମ୍ମିଳନୀ କରିଛନ୍ତି ବୋଲି ପ୍ରଶ୍ନ କରିବା ସହିତ ପୁରୀ ଉଠା ଦୋକାନୀ ସମସ୍ୟା, ମହାପ୍ରଭୁଙ୍କ ରତ୍ନ ଅଳଙ୍କାର ଚୋରି, ସ୍ୱର୍ଗଦ୍ୱାରରେ ଅବ୍ୟବସ୍ଥା, ପୁରୀ ମେଡିକାଲରେ ବର୍ଣ୍ଣ ୟୁନିଟ ଏସବୁ ସମସ୍ୟାରେ ମୁହଁ ଲୁଚେଇ ବୁଲୁଛନ୍ତି ବୋଲି ଭର୍ତ୍ସନା କରିଛନ୍ତି ଅଥଚ ଉତ୍ସବ, ମେଳା ମେଲଣ ବୁଲାରେ ପୁରୀ କୁହାଳିଆ ସାଂସଦ ସବୁ ସମୟରେ ବ୍ୟସ୍ତ ରୁହନ୍ତି।ରଥଯାତ୍ରା ପ୍ରଥମ ସମନ୍ୱୟ ବୈଠକରେ କୁହାଳିଆ ସାଂସଦ ଉପସ୍ଥିତ ରହି ମଧ୍ୟ ବୈଠକ ସୁପରିଚାଳିତ ନ ହୋଇ ହଟ୍ଟଗୋଳ ହେବା ଅତି ଲଜ୍ଜ୍ୟାଜନକ ଓ ବଡ ବିଡ଼ମ୍ବନାର ବିଷୟ। ସେଥିରେ ସେ ରାହୁଲ ଗାନ୍ଧୀଙ୍କ ନାଁ ରେ ମିଛ ଗପ କହି ତାଙ୍କ ଛବିକୁ ଖରାପ କରି ଜନତାଙ୍କ ନଜରରୁ ମୁଖ୍ୟ ପ୍ରସଙ୍ଗକୁ ହଟେଇବାକୁ ଚେଷ୍ଟା କରୁଛନ୍ତି l ପୁରୀବାସୀ ଆଗାମୀ ୨୦୨୯ ନିର୍ବାଚନରେ ସାଂସଦଙ୍କୁ ପୁରୀ ମାଟି ରୁ ବିତାଡ଼ିତ କରି ଉଚିତ୍ ଜବାବ୍ ଦେବେ ବୋଲି ଶ୍ରୀମତୀ ପାତ୍ର କହିଛନ୍ତି।

ପିସିସି ସାମାଜିକ ଗଣମାଧ୍ୟମର ଉପାଧ୍ୟକ୍ଷ ଶ୍ରୀ ସନ୍ତୋଷ କୁମାର ପ୍ରଧାନ କହିଲେ ଯେ, ସମ୍ବିତ ପାତ୍ର ହେଉଛନ୍ତି ଜଣେ ମିଛୁଆ ସାଂସଦ l ରାହୁଲ ଗାନ୍ଧୀଙ୍କ ବିରୁଦ୍ଧରେରେ ସେ ଯେତେ ଅପପ୍ରଚାର କଲେ ମଧ୍ୟ ଲୋକେ ତାହା ଗ୍ରହଣ କରିବେ ନାହିଁ । ରାହୁଲଜୀ ହାର୍ଓ୍ବଡ, ଅକ୍ସଫୋର୍ଡ, କେମ୍ରିଜରେ ପଢିିଛନ୍ତି ସେ ଜେପି ମର୍ଗନ ଓ ଲାୟନବ୍ରିଜ ଭଳି ପ୍ରତିଷ୍ଠିତ କମ୍ପାନୀରେ ଜଣେ ଫାଇନାନ୍ସସିଆଲ କନସଲଟାଣ୍ଟ ଭାବରେ କାମ କରିଛନ୍ତି । ତାଙ୍କ ଶିକ୍ଷାଗତ ଓ ପାରଦର୍ଶିତାରେ ବିଜେପି ଦଳର କୌଣସି ନେତା ସରି ହେବେ ନାହିଁ। ସେ ଯାହା ବିଗତ ଦିନମାନଙ୍କରେ ଦେଶର ଅର୍ଥନୈତିକ ସ୍ଥିତି ଉପରେ ଓ ମୋଦୀଙ୍କ ଶାସନ ପ୍ରଣାଳୀ ଉପରେ ଭବିଷ୍ୟବାଣୀ କରିଥିଲେ ତାହା ଆଜି ସତ ହେବାରେ ଲାଗିଛି। ଏଇ ସମୟରେ ଦେଶରେ ଯେତେବେଳେ ଝାଲମୁଢିର ଚର୍ଚ୍ଚା ହେଉଛି ସେତେବେଳେ ରାହୁଲଜୀ ରୋବୋଟିକ୍ ମେକାନିକ୍ସ ଓ ଏଆଇ ଟେକନୋଲୋଜି ଉପରେ ଯୁବପିଢୀ ମାନଙ୍କୁ ଦିଗଦର୍ଶନ ଦେଉଛନ୍ତି। ଆଜି ଜେନ-ଜୀ ମାନଙ୍କର ଆବଶ୍ୟକତା ଓ ତାଙ୍କ ଭବିଷ୍ୟତର କଥା କହୁଥିବା ନେତା ହେଉଛନ୍ତି ରାହୁଲଜୀ। ଆଜି ଦେଶର ପ୍ରାୟ ଶତକଡା ୭୦ % ଜନତା ରାହୁଲଜୀଙ୍କ ସଥିରେ ରହିଛନ୍ତି।

ଏସରକାରରେ ଆଜି ଶିକ୍ଷା ବ୍ୟବସ୍ଥା ଫେଲ। ଏସରକାରରେ ଆଜି ବିମାନ ବ୍ଯବସ୍ଥା ଫେଲ, ଏସରକାର ରେ ଆଜି ଇନ୍ଧନ ବ୍ଯବସ୍ଥା ଫେଲ, ପେଟ୍ରୋଲ ଡିଜେଲ ଓ ଗ୍ଯାସ ପାଇଁ ସାରା ଭାରତକୁ ଆଜି ଲାଇନରେ ଛିଡା ହେବାକୁ ପଡୁଛି। ଆହୁରି ମଧ୍ୟ ଏ ସରକାରଙ୍କ ବୈଦେଶିକ ନୀତି ପୁରାପୁରି ଫେଲ। ପ୍ରବାସୀ ଭାରତୀୟ ଏ ସରକାର ନୀତି ପାଇଁ ବିଦେଶରେ ଦୟନୀୟ ଭାବରେ ବଞ୍ଚିବାକୁ ବାଧ୍ୟ ହେଉଛନ୍ତି । ବିଗତ ଦିନରେ ବି ଆମେ ଦେଖିଛେ ସ୍ୱାସ୍ଥ୍ୟ ବ୍ଯବସ୍ଥା କିଭଳି ଫେଲ ହୋଇଥିଲା କୋଭିଡ ସମୟରେ ଇଞ୍ଜେକସନ ଓ ଅକ୍ସିଜେନ ପାଇଁ ହଜାର ହଜାର ଲୋକ ମୁତ୍ଯୁ ବରଣ କରିଥିଲେ। ଭାରତ ବର୍ଷରେ ଆଜି ମହିଳା ଓ ଶିଶୁ ନିର୍ଯାତନା ଚରମସୀମାରେ ପହଞ୍ଚିଛି ଓ ଆଜି ଆମ ଦେଶକୁ ବିଦେଶରେ ରେପ କ୍ଯାପିଟାଲ ବୋଲି ଲୋକେ ଜାଣୁଛନ୍ତି ଯାହାକି ଅତ୍ୟନ୍ତ ଲଜ୍ଜାର ବିଷୟ। ମନେରଖନ୍ତୁ ଶ୍ରୀଯୁକ୍ତ ପାତ୍ର ଆପଣ ମାତ୍ର ୨ବର୍ଷ ହେଲା ସାଂସଦ ହୋଇଛନ୍ତି ତାହାପୁଣି ବିଫଳ ଜଣେ ସାଂସଦ କିନ୍ତୁ ରାହୁଲଜୀ ଦୀର୍ଘ ୨୪ ବର୍ଷ ହେଲା ସାଂସଦ ହୋଇ ଭାରତବର୍ଷର ନେତୃତ୍ୱ ନେଇ ଆସୁଛନ୍ତି ଓ ମୋ ଭଳି ହଜାର ହଜାର ଯୁବପିଢୀ ତାଙ୍କୁ ନିଜର ଆଦର୍ଶ ମାନୁଛନ୍ତି। ରାହୁଲ ଗାନ୍ଧୀଜୀ ଯେତେଥର ବିଦେଶଯାତ୍ରା କରିଛନ୍ତି ଦେଶର ବିକାଶ ପାଇଁ ନୂତନ ପ୍ରଯୁକ୍ତି ବିଦ୍ଯା ସମ୍ବନ୍ଧୀୟ ଆଲୋଚନା କରିଥାନ୍ତି। ବିଦେଶର ଥିବା ବିଶ୍ବବିଦ୍ୟାଳୟ ଗୁଡିକର ଛାତ୍ରଛାତ୍ରୀ ମାନଙ୍କ ସହ ଆଲୋଚନାଚକ୍ରରେ ଭାଗନେଇ ସେମାନଙ୍କୁ ଉଦବୋଧନ ଦେଇଥାନ୍ତି। ତେବେ ଦେଶ ଆଜି ଆର୍ଥିକ ସଂକଟ ଦେଇ ଗତି କରୁଥିବା ବେଳେ ଭ୍ରାନ୍ତିକର ବକ୍ତବ୍ୟ ଦେଇ ଦେଶର ମୁଖ୍ଯ ମୁଦ୍ଦାକୁ ବାଟବଣା କରିବାର ଅପପ୍ରୟାସରୁ ନିବୃତ୍ତ ରୁହନ୍ତୁ। ପୁରୀରେ 77% ବିଦେଶୀ ପର୍ଯ୍ୟଟକ ଉଣା ହୋଇଛି, ସେମାନେ ପୁରୀ ଆସିବାକୁ ଚାହୁଁ ନାହାନ୍ତି କାରଣ ଆପଣଙ୍କ ନିଜ ସଂସଦୀୟ କ୍ଷେତ୍ର ପୁରୀରେ ନାରୀ ନିର୍ଯାତନା, ଶିଶୁ ବଳତ୍କାର ମାମଲା, ଭିଡହିଂସା, ହତ୍ଯା, ରାଜହାନୀ ଭଳି ଅନେକ ଘଟଣା ପ୍ରତ୍ୟେକ ଦିନ ବଢିଚାଲୁଥିବା ବେଳେ ବିଭ୍ରାନ୍ତି କର ଉକ୍ତି ଦେବା ଛାଡି ନିଜ ସଂସଦୀୟ କ୍ଷେତ୍ରର ବିକାଶ ତଥା ଉନ୍ନତି ଦିଗରେ ଆଖିଦୃଶିଆ ପଦକ୍ଷେପ ଗ୍ରହଣ କରନ୍ତୁ ବୋଲି ଶ୍ରୀ ପ୍ରଧାନ କହିଥିଲେ l

The post ରାହୁଲ ଗାନ୍ଧୀ ଯୁବପିଢିଙ୍କ ଆଦର୍ଶ, ସମ୍ବିତ ପାତ୍ରଙ୍କ ଭଣ୍ଡାମୀ ଜନତା ପ୍ରତ୍ୟାଖ୍ୟାନ କରିଛନ୍ତି appeared first on ONA KHABAR.

ଭୁବନେଶ୍ୱର, ମେ ୧୬ : ପୁରାତନ ପୋଥିର ଗନ୍ତାଘର ଭାରତରେ ଏହି ଅମୂଲ୍ୟ ସମ୍ପତି ଉପରେ ବିଶେଷ ଗୁରୁତ୍ୱ ଦିଆଯିବା ଆବଶ୍ୟକ ବୋଲି ବିଶିଷ୍ଟ ଶିଳାଲେଖ ବିଶାରଦ ଓ ପ୍ରାଚୀନ ଲିପି ଗବେଷକ ଡକ୍ଟର ସୁବ୍ରତ କୁମାର ଆଚାର୍ଯ୍ୟ କହିଛନ୍ତି । ଶିକ୍ଷା ଅନୁସନ୍ଧାନ (ସୋଆ) ବିଶ୍ୱବିଦ୍ୟାଳୟ ପରିଚାଳିତ ସେଂଟର ଫର ପ୍ରୋପାଗେସନ୍, ପି୍ରଜରଭେସନ୍ ଆଣ୍ଡ ରେେଷ୍ଟୋରେସନ୍ ଅଫ୍ ଆନ୍ସିଏଂଟ କଲ୍ଚର ଆଣ୍ଡ ହେରିଟେଜ ଅଫ୍ ଇଣ୍ଡିଆନ (ପ୍ରାଚୀନ) ଦ୍ୱାରା ଶୁକ୍ରବାର ଆୟୋଜିିତ ଏକ ସପ୍ତାହ ବ୍ୟାପୀ ଲେଖା ସମ୍ପାଦନା କର୍ମଶାଳାର ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇ ଡକ୍ଟର ଆଚାର୍ଯ୍ୟ ଏହା କହିଛନ୍ତି । ଡକ୍ଟର ଆଚର୍ଯ୍ୟ କହିଥିଲେ ଯେ ଭାରତର ଅସରନ୍ତି ସାହିତ୍ୟ ଭଣ୍ଡାର ବିଶେଷ ଭାବେ ସଂସ୍କୃତରେ ଲିଖିତ ପୋଥି ଗୁଡ଼ିକ ଉପରେ ଗବେଷଣା ହେବା ଆବଶ୍ୟକ । ଦେଶରେ ଉପଲବ୍ଧ ଏହି ସାହିତ୍ୟ ନିଧିର ମାତ୍ର ୨୦ ପ୍ରତିଶତର ଏପର୍ଯ୍ୟନ୍ତ ସଂପାଦନା ହୋଇପାରିଛି ବୋଲି ସେ କହିଥିଲେ । ଏହି କର୍ମଶାଳାରେ ୪୧ ଜଣ ଗବେଷକ ଯୋଗ ଦେଇଛନ୍ତି । ସେମାନଙ୍କୁ ପ୍ରାଚୀନର ୪ ଜଣ ବିଶେଷଜ୍ଞ ପ୍ରଫେସର ଜଗନ୍ନାଥ ଦାସ, ପ୍ରଫେସର ଗୋ÷ରାଙ୍ଗ ଚରଣ ଦାସ, ପ୍ରଫେସର ପ୍ରଦୀପ୍ତ କୁମାର ପଣ୍ଡା ଓ ପ୍ରଫେସର ସନ୍ତୋଷ କୁମାର ରଥ ପ୍ରଶିକ୍ଷଣ ପ୍ରଦାନ କରୁଛନ୍ତି । ଉଦ୍ଘାଟନୀ କାର୍ଯ୍ୟକ୍ରମରେ ପ୍ରାଚୀନର ମୁଖ୍ୟ ପ୍ରଫେସର ଗାୟତ୍ରୀବାଳା ପଣ୍ଡା ଯୋଗ ଦେଇ କର୍ମଶାଳାର ଉଦେ୍ଦଶ୍ୟ ସମ୍ପର୍କରେ ଆଲୋକପାତ କରିଥିଲେ ।

ଡକ୍ଟର ଆଚାର୍ଯ୍ୟ କହିଥିଲେ ଯେ ଅଷ୍ଟବିଂଶ ଓ ଊନବିଂଶ ଶତାବ୍ଦୀରେ ଇଉରୋପର ଐତିହାସିକମାନେ ଭାରତରେ ପହଂଚିବା ପରେ ମନେ କରିଥିଲେ ଯେ ଏହି ଦେଶର କୋ÷ଣସି ଇତିହାସ ଓ ସଂସ୍କୃତି ନାହିଁ । ସେମାନଙ୍କ ମଧ୍ୟରେ ଭାଷାବିତ ସାର ଉଇଲିୟମ ଜୋନସ୍ ଭାରତରେ ପୁରାତନ ପୋଥି ଓ ଶିଳାଲେଖ ସଂଗ୍ରହ କରିବାକୁ ଆରମ୍ଭ କରିଥିଲେ ଏବଂ ଏଥିରେ ତାଙ୍କୁ ଆଉ ଜଣେ ଗବେଷକ ଚାର୍ଲସ ଉଇଲକିନସ ସହାୟତା କରିଥିଲେ । ୧୭୮୪ ମସିହାରେ ସାର ଜୋନସ କୋଲକାତା ଠାରେ ଏସିଆଟିକ୍ ସୋସାଇଟି ଅଫ୍ ବେଙ୍ଗଲ ସ୍ଥାପନ କରି ଏହି କାର୍ଯ୍ୟକୁ ତ୍ୱରାନ୍ୱିତ କରିଥିଲେ । ଏଥିରେ ସେମାନେ ସେତେବେଳର ଭାରତୀୟ ପଣ୍ଡିତ ମାନଙ୍କ ସହାୟତା ନେଇଥିଲେ । ୧୮୦୮ ମସିହା ବେଳକୁ ସାର ଜୋନସ୍ ଓ ଉଇଲକିନସ କାଳିଦାସଙ୍କ ଶକୁନ୍ତଳା କାବ୍ୟକୁ ଇଂରାଜୀ ଭାଷାରେ ଅନୁବାଦ କରିସାରିଥିଲେ । କାଳକ୍ରମେ ଇଂରେଜମାନେ ଭାରତର ଉନ୍ନତ ସାହିତ୍ୟ ଓ ସଂସ୍କୃତିର ପରିଚୟ ପାଇ ପାରିଥିଲେ ବୋଲି ଡକ୍ଟର ଆଚାର୍ଯ୍ୟ କହିଥିଲେ । ଇଂରେଜମାନଙ୍କ ପରେ ଜର୍ମାନୀର ବିଶାରଦମାନେ ଭାରତର ସାହିତ୍ୟ ପ୍ରତି ଆକର୍ଷିତ ହୋଇଥିଲେ ।

ପ୍ରଫେସର ଗାୟତ୍ରୀବାଳା ପଣ୍ଡା ପ୍ରାଚୀନର ବିଭିନ୍ନ କାର୍ଯ୍ୟକ୍ରମ ବିଷୟରେ ତଥ୍ୟ ଉପସ୍ଥାପନା କରି ଏହା ସାରୋଳଦାସଙ୍କ ମହାଭାରଥକୁ ସମ୍ପାଦନା କରି ଅନେକ ଗୁଡ଼ିଏ ସଂଖ୍ୟା ପ୍ରକାଶିତ କରିଥିବା ଜଣାଇଥିଲେ । ଏହା ଛଡ଼ା ପ୍ରାଚୀନ ପକ୍ଷରୁ ୭ ଲକ୍ଷରୁ ଊଦ୍ଧ୍ୱର୍ ପୁରାତନ ପୋଥିର ପୃଷ୍ଠାକୁ ଡିଜିଟାଲାଇଜ୍ଡ କରାଯାଇଥିବା ପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ ପ୍ରଫେସର ଗୋ÷ରାଙ୍ଗ ଚରଣ ଦାସ ବକ୍ତବ୍ୟ ରଖି ପ୍ରାଚୀନ ଦ୍ୱାରା ଦ୍ୱିତୀୟ ଥର ପାଇଁ ଏପରି ଲେଖା ସମ୍ପାଦନା ଉପରେ କର୍ମଶାଳା ଆୟୋଜିତ ହୋଇଥିବା କହିଥିଲେ । କାର୍ଯ୍ୟକ୍ରମରେ ଡକ୍ଟର ନିହାର ରଞ୍ଜନ ମିଶ୍ର, ଆସୋସିଏଟ୍ ପ୍ରଫେସର, ଶ୍ରୀ ଜୀବନ କୁମାର ପଣ୍ଡା, ଶ୍ରୀ ବିଭୁତି ପ୍ରସାଦ ସାହୁ ଏବଂ ଶ୍ରୀ ସମ୍ବିତ ପଟ୍ଟନାୟକ ଉପସ୍ଥିତ ଥିଲେ ।

The post ସୋଆରେ ପୁରାତନ ଲେଖା ସମ୍ପାଦନା ସମ୍ପର୍କିତ ସପ୍ତାହ ବ୍ୟାପୀ କର୍ମଶାଳା ଆରମ୍ଭ appeared first on ONA KHABAR.

ଭୁବନେଶ୍ୱର: କାଲି ଓଡିଶା ଆସିବେ ବିଜେପି ରାଷ୍ଟ୍ରୀୟ ସଭାପତି ନିତିନ ନବୀନ । କାଲି ରାତି ୧୦ଟା ୩୫ରେ ଭୁବନେଶ୍ୱର ବିମାନବନ୍ଦରରେ ପହଞ୍ଚିବେ । କୋର କମିଟି ବୈଠକରେ ଯୋଗ ଦେବା କାର୍ଯ୍ୟକ୍ରମ ରହିଛି । ଖୋର୍ଦ୍ଧାରେ ଭୁବନେଶ୍ୱର ଜିଲ୍ଲା ସାଂଗଠନିକ ପ୍ରଶିକ୍ଷଣକୁ ଉଦଘାଟନ କରିବେ । ୧୮ ତାରିଖ ରାତିରେ ଦିଲ୍ଲୀ ଫେରିବା ନେଇ ଦଳୀୟ ମୁଖପାତ୍ର ସୂଚନା ଦେଇଛନ୍ତି ।

The post ଆସନ୍ତାକାଲି ଓଡିଶା ଆସିବେ ନିତିନ ନବୀନ appeared first on ONA KHABAR.

ଭବାନୀପାଟଣା : ଶନିବାର ଅପରାହ୍ନରେ କାଳବୈଶାଖୀ ବର୍ଷା ଏବଂ ପବନ ଯୋଗୁଁ କଳାହାଣ୍ଡି ଜିଲ୍ଲା ଭବାନୀପାଟଣା ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଛି।ଝଡ଼ ତୋଫାନ ଯୋଗୁଁ ସ୍ଥାନୀୟ ଟେଲିଫୋନ ଭବନ ସମ୍ମୁଖରେ ଥିବା ଏକ କାର ଏବଂ ବୋଲେରୋ ଉପରେ ଗଛ ପଡ଼ିବାରୁ ଉଭୟ ଗାଡି କ୍ଷତିଗ୍ରସ୍ତ ହେଇଛି। ସହରର ବିଭିନ୍ନ ସ୍ଥାନରେ ବିରାଟ ଗଛ ସବୁ ପଡ଼ିଯାଇଛି। ଝଡ ତୋଫାନ ଯୋଗୁଁ ଲାଲ ବାହାଦୁର ଷ୍ଟାଡିୟମରେ ଚାଲିଥିବା ଖେଳ ଉପରେ ପ୍ରଭାବିତ ହେଇଛି। ଅସ୍ଥାୟୀ ଭାବେ ଲାଗିଥିବା ଫ୍ଲଡ ଲାଇଟ୍, ଏବଂ ଅନ୍ୟ ସରଞ୍ଜାମ କ୍ଷତିଗ୍ରସ୍ତ ହେଇଛି।

The post କାଳବୈଶାଖୀ ପ୍ରଭାବ: ଭବାନୀପାଟଣାରେ ବ୍ୟାପକ କ୍ଷୟକ୍ଷତି appeared first on ONA KHABAR.

ନୂଆଦିଲ୍ଲୀ : ଆନ୍ଧ୍ର ପ୍ରଦେଶର ଜନସଂଖ୍ୟା ବୃଦ୍ଧି ପାଇଁ ଶନିବାର ଦିନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଏକ ଆକର୍ଷଣୀୟ ଯୋଜନା ଘୋଷଣା କରିଛନ୍ତି। ନରସନ୍ନପେଟାରେ ଏକ ସାର୍ବଜନୀନ କାର୍ଯ୍ୟକ୍ରମରେ ଜନସଂଖ୍ୟା ବୃଦ୍ଧିକୁ ପ୍ରୋତ୍ସାହିତ କରିବା ପାଇଁ ପ୍ରୟାସ ସ୍ୱରୂପ, ସରକାର ତୃତୀୟ ସନ୍ତାନ ଜନ୍ମ ହେଲେ ପରିବାର ପାଇଁ 30,000 ଟଙ୍କା ଏବଂ ଚତୁର୍ଥ ସନ୍ତାନ ଜନ୍ମ ହେଲେ 40,000 ଟଙ୍କା ପ୍ରଦାନ କରିବେ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି। ପୂର୍ବ ଦିନରେ ସ୍ୱର୍ଣ୍ଣ ଆନ୍ଧ୍ର-ସ୍ୱଚ୍ଛ ଆନ୍ଧ୍ର କାର୍ଯ୍ୟକ୍ରମରେ, ସେ ଆନ୍ଧ୍ର ପ୍ରଦେଶର ହ୍ରାସ ପାଉଥିବା ଜନସଂଖ୍ୟା ଉପରେ ଚିନ୍ତା ପ୍ରକାଶ କରିଥିଲେ, ଶିଶୁମାନଙ୍କୁ ବୋଝ ଭାବରେ ନୁହେଁ ବରଂ ଦେଶର ସମ୍ପତ୍ତି ଭାବରେ ଦେଖାଯିବା ଉଚିତ ବୋଲି ଗୁରୁତ୍ୱାରୋପ କରିଥିଲେ।ସେ କହିଛନ୍ତି ଯେ ଏହି ଯୋଜନା ରାଜ୍ୟ ସରକାରଙ୍କ ଜନସଂଖ୍ୟା ବୃଦ୍ଧିକୁ ପ୍ରୋତ୍ସାହିତ କରିବା ଯୋଜନାର ଏକ ଅଂଶ।ଜନ୍ମହାର ହ୍ରାସ ଏବଂ ବୟସ୍କ ଜନସଂଖ୍ୟା ସମେତ ପରିବର୍ତ୍ତିତ ଜନସଂଖ୍ୟା ଢାଞ୍ଚା ଉପରେ ବିଭିନ୍ନ ରାଜ୍ୟରେ ବ୍ୟାପକ ବିତର୍କ ମଧ୍ୟରେ ନାଇଡୁଙ୍କ ମନ୍ତବ୍ୟ ଆସିଛି।

The post ଆନ୍ଧ୍ରରେ ୪ର୍ଥ ସନ୍ତାନ ପାଇଁ ୪୦ହଜାର appeared first on ONA KHABAR.

ନୂଆଦିଲ୍ଲୀ: ସିବିଏସଇ ନବମ, ଦଶମରେ ୩ ଭାଷା ବାଧ୍ୟତାମୂଳକ । ଆସନ୍ତା ୧ ଜୁଲାଇ ୨୦୨୬ରୁ ଲାଗୁ ନେଇ ନିର୍ଦ୍ଦେଶାବଳୀ ଦିଆଯାଇଛି । ମାତ୍ର ଦଶମ ବୋର୍ଡ ପରୀକ୍ଷାରେ ତୃତୀୟ ଭାଷା ପରୀକ୍ଷା ଦେବାକୁ ପଡିବନି । ବାଧ୍ୟତାମୂଳକ ଘୋଷିତ ୩ ଭାଷାରୁ ୨ଟି ଭାରତୀୟ ନ୍ୟାଟିଭ ଭାଷା ରହିବ । ତୃତୀୟ ଆଞ୍ଚଳିକ ଭାଷାରେ ଓଡିଆ ସହିତ ୧୯ଟି ଭାଷା ସ୍ଥାନିତ କରାଯାଇଛି ।CBSE ସର୍କୁଲାର ଅନୁଯାୟୀ, ଜାତୀୟ ଶିକ୍ଷା ନୀତି (NEP) 2020 ଏବଂ ସ୍କୁଲ ଶିକ୍ଷା ପାଇଁ ଜାତୀୟ ପାଠ୍ୟକ୍ରମ ଢାଞ୍ଚା (NCF-SE) 2023 ଅନୁଯାୟୀ ତିନୋଟି ଭାଷା ମଧ୍ୟରୁ ଅତି କମରେ ଦୁଇଟି ମୂଳ ଭାରତୀୟ ଭାଷା ହେବା ଆବଶ୍ୟକ।

CBSE ମାଧ୍ୟମିକ ବିଦ୍ୟାଳୟ ପାଠ୍ୟକ୍ରମ ଅନୁଯାୟୀ, ଭାଷା ବିଷୟଗୁଡ଼ିକୁ ତିନୋଟି ସ୍ତରରେ ସଂଗଠିତ କରାଯିବ – R1, R2 ଏବଂ R3। R1 (ଭାଷା 1) ଛାତ୍ରଙ୍କ ମୁଖ୍ୟ ଭାଷା ହେବ, R2 ଏକ ଭିନ୍ନ ଭାଷା ଏବଂ R3 (ତୃତୀୟ ଭାଷା) ଏହି ଶିକ୍ଷାବର୍ଷ 2026-27 ରୁ 6ଷ୍ଠ ଶ୍ରେଣୀରୁ ବାଧ୍ୟତାମୂଳକ ହେବ ଏବଂ 2030-31 ସୁଦ୍ଧା 10 ଶ୍ରେଣୀ ପର୍ଯ୍ୟନ୍ତ ସମ୍ପୂର୍ଣ୍ଣ କାର୍ଯ୍ୟକ୍ଷମ ହେବ। R1 ଏବଂ R2 ରେ ବଛାଯାଇଥିବା ଭାଷା ସମାନ ହୋଇପାରିବ ନାହିଁ ଏବଂ ଏକାଧିକ ସ୍ତରରେ ଏକକାଳୀନ ପ୍ରଦାନ କରାଯିବା ଉଚିତ୍ ନୁହେଁ। “ଭାଷାଗୁଡ଼ିକ ଭାରତର ଦୁଇଟି ସରକାରୀ ଭାଷା ଯଥା ହିନ୍ଦୀ, ଇଂରାଜୀ ଏବଂ ଅନ୍ୟ 42ଟି ଭାଷା ଅନ୍ତର୍ଭୁକ୍ତ। ତେଣୁ, ଭାରତୀୟ ସମ୍ବିଧାନର 8ମ ସୂଚୀରେ ତାଲିକାଭୁକ୍ତ ସମସ୍ତ ଅନୁସୂଚିତ ଭାଷା, ଅନ୍ୟାନ୍ୟ ଭାରତୀୟ ଆଞ୍ଚଳିକ ଭାଷା ଏବଂ ବିଦେଶୀ ଭାଷା ବ୍ୟତୀତ ପ୍ରଦାନ କରାଯାଉଛି,” CBSE ବିଜ୍ଞପ୍ତିରେ ଉଲ୍ଲେଖ କରାଯାଇଛି।

The post ସିବିଏସଇ ନବମ,ଦଶମରେ ୩ ଭାଷା ବାଧ୍ୟତାମୂଳକ appeared first on ONA KHABAR.