ଟ୍ରାକ୍ଟର ଓଲଟି ଚାଲିଗଲା ବାପ ପୁଅଙ୍କ ଜୀବନ

କଲ୍ୟାଣସିଂହପୁର : ରାୟଗଡ ଜିଲ୍ଲା କଲ୍ୟାଣସିଂହପୁର ବ୍ଲକ ଅନ୍ତର୍ଗତ ଜ.କାତିପାଡୁ ଛକଠାରେ ମଙ୍ଗଳବାର ଟ୍ରାକ୍ଟର ଭାରସାମ୍ୟ ହରାଇ ଓଲଟି ପଡ଼ିଛି। ଏଥିରେ ଟ୍ରାକ୍ଟରେ ବସିଥିବା ବାପା ଓ ପୁଅଙ୍କ ମୃତ୍ୟୁ ଘଟିଛି। ବାପାଙ୍କ ନାମ ଜନାର୍ଦ୍ଦାନ ଓ ପୁଅ ତିଲେଶ୍ବର ବୋଲି ଜଣାପଡ଼ିଛି।
ସୂଚନା ଅନୁଯାୟୀ, ବାପ ଓ ପୁଅ ମଙ୍ଗଳବାର ଅପରାହ୍ନରେ ବୁଡାଗୁଡା ଠାରୁ ନିଜ ଗ୍ରାମ ବିଲୁଣ୍ଡାକୁ ଟ୍ରାକ୍ଟର ନେଇ ଯାଉଥିବା ସମୟରେ ଜ.କାତିପାଡ଼ୁ ଛକ ଠାରେ ଭାରସାମ୍ୟ ହରାଇ ଟ୍ରାକ୍ଟରଟି ଓଲଟି ପଡ଼ିଥିଲା। ଟ୍ରାକ୍ଟଟରରେ ବସିଥିବା ବାପା ଜନାର୍ଦ୍ଦାନ ଓ ପୁଅ ତିଲେଶ୍ବରଙ୍କ ଉପରେ ଟ୍ରାକ୍ଟରଟି ମାଡିଯାଇଥିବା ଜଣାପଡ଼ିଛି। ଘଟଣା ସ୍ଥଳରେ ବପାଙ୍କ ମୃତ୍ୟୁ ହୋଇଥିବାବେଳେ ପୁଅକୁ ଗୁରୁତର ଅବସ୍ଥାରେ ସ୍ଥାନୀୟଲୋକେ ଉଦ୍ଧାର କରି ରାୟଗଡା ଜିଲ୍ଲା ଚିକିତ୍ସାଳୟକୁ ନେବାସମୟରେ ବାଟରେ ମୃତ୍ୟୁ ଘଟିଥିଲା। ଖବର ପାଇ ସ୍ଥାନୀୟ ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରିଛନ୍ତି।
https://onakhabar.com/2020/01/14/traffic-cops-rto-officials-impose/