ନୂଆଦିଲ୍ଲୀ: ଏବେ ସମଗ୍ର ଆତଙ୍କିତ କରିଥିବା କରୋନା ଭାଇରସରୁ ମୁକ୍ତି ପାଇବା ପାଇଁ ଏକ ଆଶ୍ୱସ୍ତି ମୂଳକ ଖବର ରହିଛି । ଖବରଟି ହେଲା, ପ୍ରାରମ୍ଭିକ ଅନୁସନ୍ଧାନରୁ ଏକ ମେଡିସିନର ଆବିଷ୍କାର କରାଯାଇଛି ଯାହାଦ୍ୱାରା କରୋନା ରୋଗୀ ଏଥିରୁ ମୁକ୍ତି ପାଇପାରିବେ । କିଛି କରୋନା ରୋଗୀଙ୍କ ଉପରେ ପ୍ରଥମେ ଏହାକୁ ଅଧ୍ୟୟନ କରାଯାଇଥିଲା । ଆଉ ଏହି ମେଡିସିନ ଦ୍ୱାରା ସେମାନେ ନିଃଶ୍ୱାସ ପ୍ରଶ୍ୱାସ ନେବାରେ ଏତେମାତ୍ରାରେ କଷ୍ଟ ଅନୁଭବ କରିନଥିଲେ । ତେବେ ଏହାକୁ କୌଣସି କରୋନା ରୋଗୀ ବ୍ୟବହାର କରିବା ପୂର୍ବରୁ ଏବେ ଏହାକୁ ଆହୁରି ଅଧ୍ୟୟନ କରିବା ଆବଶ୍ୟକ ବୋଲି ସୂଚନା ଦିଆଯାଇଛି । ଶୁକ୍ରବାର, ‘ଦ ନ୍ୟୁ ଇଂଲଣ୍ଡ ଜର୍ନାଲ ଅଫ୍ ମେଡିସିନ’ ରେ ଏହା ପ୍ରକାଶ ପାଇଛି । ଏହାର ନାଁ ରହିଛି ରେମଡେସିଭର ।
ଅଧିକାଂଶ ରୋଗୀଙ୍କ ମଧ୍ୟରେ – ୬୮ ପ୍ରତିଶତ – ଡାକ୍ତରମାନେ ଆବଶ୍ୟକ ଅମ୍ଳଜାନ ସହାୟତା ହ୍ରାସ କରିବାରେ ସକ୍ଷମ ହୋଇଥିଲେ। ଖାଲି ସେତିକି ନୁହେଁ, ଭେଣ୍ଟିଲେଟରରେ ଥିବା ୩୦ ରୋଗୀଙ୍କ ମଧ୍ୟରୁ ୧୭ ଜଣ ସେହି ମେସିନରୁ ବାହାରକୁ ଆସିବାକୁ ସକ୍ଷମ ହୋଇଥିଲେ।