ଯୌତୁକ ପାଇଁ ମହିଳାଙ୍କ ଗଳାକାଟି ହତ୍ୟା : ସ୍ୱାମୀ,ଶାଶୂ ଗିରଫ

ଢେଙ୍କାନାଳ : ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ଅନ୍ତର୍ଗତ ନାଣ୍ଡିପୋଲିଆ ଗ୍ରାମରେ ମଙ୍ଗଳବାର ରାତିରେ ଏକ ଅଭାବନୀୟ ଘଟଣା ଘଟିଛି । ଗୁଡ଼ିଆକାଟେଣୀ ନିକଟସ୍ଥ ନାଣ୍ଡିପୋଲିଆ ଗ୍ରାମ ବାଉତୀରଗଡ଼ା ସାହିର ସୁବାସ ନାୟକ ତା’ର ପତ୍ନୀ ସବିତା ନାୟକ (୨୫)ଙ୍କ ତଣ୍ଟି କାଟି ହତ୍ୟା କରିଛି । ଏହି ଘଟଣାରେ ପୁଲିସ ସୁବାସ ଓ ତା’ର ମା’ ପ୍ରମିଳା ନାୟକଙ୍କୁ ଗିରଫ କରି କୋର୍ଟ ଚାଲାଣ କରିଛି । ସୁବାସ ତା’ର ସ୍ତ୍ରୀକୁ ହତ୍ୟା କରିଥିବା ନେଇ ପାଖପଡ଼ୋଶୀ ଜାଣିବାରେ ସେମାନେ ଝିଅ ଘରକୁ ଖବର ଦେଇଥିଲେ । ମୃତ ସବିତାଙ୍କ ଭାଇ ସୁଶାନ୍ତ ନାୟକ ଖବରପାଇ ଭଉଣୀ ଘରେ ପହଞ୍ôଚ ତାକୁ ମୃତ ଅବସ୍ଥାରେ ଦେଖିବାକୁ ପାଇଥିଲେ । ସେ ଏ ସମ୍ପର୍କରେ ମୋଟଙ୍ଗା ଥାନାରେ ଅଭିଯୋଗ କରିଥିଲେ । ସୁବାସଙ୍କ ଅଭିଯୋଗ ଅନୁଯାୟୀ ବର୍ଷକ ତଳେ ରାସୋଳ ଥାନା ଅନ୍ତର୍ଗତ ବାବନ୍ଧ ଗ୍ରାମର ସବିତାଙ୍କୁ ସୁବାସ ବିବାହ କରିଥିଲେ । ସବିତାଙ୍କର ଏହା ଦ୍ୱିତୀୟ ବିବାହ କରିଥିଲେ । ତାଙ୍କ ପ୍ରଥମ ସ୍ୱାମୀ ଅନ୍ୟ ଜଣେ ଯୁବତୀଙ୍କୁ ନେଇ ବାହାରେ ରହିବାରୁ ସବିତା ଏକୁଟିଆ ହୋଇଯାଇଥିଲେ । ତେବେ ସବିତା ଓ ସୁବାଷଙ୍କ ବାହାଘର ୧ ବର୍ଷ ହୋଇଥିଲେ ହେଁ ଉଭୟ ସ୍ୱାମୀ ସ୍ତ୍ରୀଙ୍କ ମଧ୍ୟରେ ଅଧିକାଂଶ ସମୟରେ ଝଗଡ଼ା ହେଉଥିଲା । ସୁଶାନ୍ତଙ୍କ କହିବାନୁଯାୟୀ ସୁବାସ ଯୌତୁକ ବାବଦ ଟଙ୍କା ଦାବି କରୁଥିଲେ । ତେବେ ସବିତାଙ୍କ ପରିବାର ସକ୍ଷମ ନଥିବାରୁ ତାଙ୍କୁ ଶାଶୁ ଘର ଲୋକ ମାନସିକ ଓ ଶାରିରୀକ ନିର୍ଯାତନା ଦେଉଥିଲେ । ମଙ୍ଗଳବାର ରାତିରେ ଦିନ ମଜୁରିଆ ଥିବା ସୁବାସ ମଦ୍ୟପାନ କରି ତାର ସ୍ତ୍ରୀ ସବିତା ସହିତ କୌଣସି କାରଣରୁ ବଚସା ହୋଇଥିଲା । ସୁବାସ ପାଖରେ ପଡିଥିବା ଏକ ପନିକି ସାହାଯ୍ୟରେ ପତ୍ନୀର ଗଳାକୁ କାଟି ଦେଇଥିଲା । ଫଳରେ ଘଟଣାସ୍ଥଳରେ ସବିତା ପ୍ରାଣ ହରାଇଥିଲା । ଖବର ପାଇ ମୋଟଙ୍ଗା ଥାନା ସବଇନସ୍ପେକ୍ଟର ସବିତା ପାତ୍ର ଓ ହିନ୍ଦୋଳ ରୋଡ ଫାଣ୍ଡି ଅଧିକାରୀ ଅକ୍ଷୟ ଦାସ ଘଟଣାସ୍ଥଳରେ ପହଞ୍ôଚ ଶବ ଜବତ କରିଥିଲେ ।