ଢେଙ୍କାନାଳ : ଭୁବନ ବ୍ଲକ୍ ନିଖିଳୋତ୍କଳ ପାଲା ଗାୟକ ପରିଷଦ ପକ୍ଷରୁ ସୁରପ୍ରତାପୁର ଗ୍ରାମରେ ୨୮ତମ ବାର୍ଷିକ ସମ୍ମିଳନୀ ଉଦଘାଟିତ ହୋଇଯାଇଛି । ଏହି ଉତ୍ସବରେ ମୁଖ୍ୟ ଅତିଥି ଭାବେ ଏମ୍ପି ଶ୍ରୀଯୁକ୍ତ ମହେଶ ସାହୁ ଯୋଗଦେଇ ପାଲା ବଂଚିଲେ ପରମ୍ପରା ବଂଚିରହିବ ବୋଲି ସେ କହିଥିଲେ । ମାତ୍ର ଓଡିଶାରେ ପାଲାଗାୟକ ମାନେ କଳାସଂସ୍କୃତିକୁ ବଂଚାଇ ରଖିଛନ୍ତି । ଓଡିଶାରେ ଲୋକକଳା ସମାଜକୁ ଦିଗଦର୍ଶନ ଦେଇଛି । ସରକାର ପାଲା ବଂଚି ରହିଲେ ଆମର ଐତିହ୍ୟ ଓ ପରଂପରା ବଂଚିରହିବ ବୋଲି ପ୍ରକାଶ କରିଥିଲେ । ଭୁବନ ପାଲା ଗାୟକ ପରିଷଦର ସଭାପତି ଧ୍ରୁବଚରଣ ସ୍ୱାଇଁ ଏଥିରେ ଅଧ୍ୟକ୍ଷତା କରିଥିଲେ । ଏହି ଉତ୍ସବକୁ ଭୁବନ, ସୁରପ୍ରତାପପୁର ଗ୍ରାମର ବହୁ ବୁଦ୍ଧିଜୀବିମାନେ ସହଯୋଗ କରିଥିଲେ ।