ଆରଏମଆରସି, ଆଇସିଏଫଏମଡି,ଏମ୍ସ, ଆଇଏଲଏସର ନିର୍ଦେଶକଙ୍କ ସହ ଆଲୋଚନା କଲେ ଧର୍ମେନ୍ଦ୍ର ପ୍ରଧାନ

dharmendra pradhana discussed about covid situation

ଭୁବନେଶ୍ୱର: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରବିବାର ରାଜ୍ୟର ପ୍ରମୁଖ ଚାରି ସ୍ୱାସ୍ଥ୍ୟାନୁଷ୍ଠାନ ଯଥା ଭୁବନେଶ୍ୱର ଏମ୍ସର ନିର୍ଦେଶିକା ଡା. ଗୀତାଞ୍ଜଳି, ଆଞ୍ଚଳିକ ସ୍ୱାସ୍ଥ୍ୟ ଗବେଷଣା କେନ୍ଦ୍ର (ଆରଏମଆରସି)ର ନିର୍ଦେଶିକା ଡା. ସଂଘମିତ୍ରା ପତି, ଇନଷ୍ଟିଚୁ୍ୟଟ୍ ଅଫ ଲାଇଫ ସାଇନ୍ସ(ଆଇଏଲଏସ)ର ନିର୍ଦେଶକ ଅଜୟ କୁମାର ପରିଡ଼ା ଓ ପଶୁ ସମ୍ପଦ ମନ୍ତ୍ରଣାଳୟର ଅଧୀନରେ ଥିବା ଇଣ୍ଟର ନ୍ୟାସନାଲ ସେଣ୍ଟର ଫର୍ ଫୁଟ୍ ଆଣ୍ଡ ମାଉଥ ଡିଜିଜ୍(ଆଇସିଏଫଏମଡି)ର ବିଶେଷଜ୍ଞଙ୍କ ସହ ଓଡ଼ିଶାରେ କୋଭିଡ-୧୯ର ପରିଚାଳନା ଓ ମୁକାବିଲା ଏବଂ ଏ ଦିଗରେ ନିଆଯାଇଥିବା ପଦକ୍ଷେପ ଉପରେ ଆଲୋଚନା କରିଛନ୍ତି । ବୈଠକ ପରେ ଗଣମାଧ୍ୟମକୁ ଶ୍ରୀ ପ୍ରଧାନ କହିଛନ୍ତି ଯେ ଏହି ଚାରୋଟି ସଂସ୍ଥା ରାଜ୍ୟ ସରକାରଙ୍କ ସହ ମିଶି ଭଲ କାମ କରୁଛନ୍ତି ।

ଓଡ଼ିଶାରେ ବିଭିନ୍ନ କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ ଯଥା ଆଇଓସିଏଲ, ଏମସିଏଲ, ଏନଟିପିସି, ସେଲ୍, ପାରାଦୀପ ପୋର୍ଟ ରାଜ୍ୟରେ କୋଭିଡ୍ ହସ୍ପିଟାଲ ଏବଂ ଲାବ୍ରୋଟୋରୀ ଟେଷ୍ଟିଂ ଉଭୟରେ ପ୍ରତିଷ୍ଠା କରିବା ଦିଗରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛନ୍ତି । ଓଡ଼ିଶାରେ କୋଭିଡ୍-୧୯ ପରିଚାଳନାରେ ଭାରତ ସରକାରଙ୍କ ବିଭିନ୍ନ ଅନୁଷ୍ଠାନ ଭଲ କାମ କରୁଛନ୍ତି ଏବଂ ରାଜ୍ୟର ଅପେକ୍ଷାକୁ ପୂରଣ କରୁଛନ୍ତି । କରୋନା ଯୋଦ୍ଧାମାନେ ବହୁତ ଭଲ କାମ କରୁଛନ୍ତି । ସେମାନେ ଧନ୍ୟବାଦର ପାତ୍ର । ବର୍ତ୍ତମାନ ସମୟରେ କରୋନା ଟୀକା ନଆସିବା ପର୍ଯ୍ୟନ୍ତ ମାସ୍କ ପିନ୍ଧିବା, ଦୁଇ ମିଟର ସାମାଜିକ ଦୂରତା ବଜାୟ ରଖିବା, ନିୟମିତ ବ୍ୟବଧାନରେ ହାତ ଧୋଇବା ପାଇଁ ଶ୍ରୀ ପ୍ରଧାନ ଓଡ଼ିଶାବାସୀଙ୍କୁ ନିବେଦନ କରିଛନ୍ତି ।

 

LEAVE A REPLY

Please enter your comment!
Please enter your name here