କରୋନା ରୋଗୀଙ୍କୁ ଚିକିତ୍ସା କରୁଥିବା ସ୍ୱାସ୍ଥ୍ୟକର୍ମୀ ହେଉଛନ୍ତି ଯୋଦ୍ଧା, ସେବା ସମୟରେ କେହି ମଲେ ସେହି ଯୋଦ୍ଧାଙ୍କ ପରିବାରକୁ ମିଳିବ 1 କୋଟି ଟଙ୍କା : ଦିଲ୍ଲୀ ମୁଖ୍ୟମନ୍ତ୍ରୀ

 
ନୂଆଦିଲ୍ଲୀ: କରୋନାଭାଇରସ୍ ରୋଗୀଙ୍କୁ ସେବା କରୁଥିବା ଲୋକମାନେ “ଦେଶ ସୁରକ୍ଷା କରୁଥିବା ସୈନିକଙ୍କ ଠାରୁ କମ୍ ନୁହଁନ୍ତି” ବୋଲି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି । ଏଣୁ ଯଦି କୋଭିଡି-19 ମାମଲାର ମୁକାବିଲା କରିବା ସମୟରେ କୌଣସି ସ୍ୱାସ୍ଥ୍ୟ କର୍ମଚାରୀଙ୍କ ମୃତ୍ୟୁ ହୁଏ ତେବେ ତାଙ୍କ ପରିବାର ପାଇଁ 1 କୋଟି ଟଙ୍କା ସହାୟତା ଦିଆଯିବ ବୋଲି ଶ୍ରୀ କେଜ୍ରିୱାଲ ଘୋଷଣା କରିଛନ୍ତି ।
ମୁଖ୍ୟମନ୍ତ୍ରୀ କହିଛନ୍ତି “ଯୁଦ୍ଧ ସମୟରେ ଜଣେ ସୈନିକ ନିଜ ଜୀବନକୁ ବିପଦରେ ପକାଇ, ନିଜ ଦେଶକୁ ସୁରକ୍ଷା ଦେଇଥାଏ । ଆମର ସମଗ୍ର ଦେଶ ସେମାନଙ୍କ ନିକଟରେ ୠଣୀ । ଆଜି ଆପଣ (ସ୍ୱାସ୍ଥ୍ୟ କର୍ମୀ) ଯେଉଁ କାମ କରୁଛନ୍ତି ତାହା ଜଣେ ସୈନିକଙ୍କ ତୁଳନାରେ କମ୍ ନୁହେଁ। ଆପଣ ଏହି ଦେଶର ଲୋକଙ୍କୁ ବଞ୍ଚାଇବା ପାଇଁ ଆପଣଙ୍କ ଜୀବନ ପ୍ରତି ବିପଦ ଥିବା ଶ୍ରୀ କେଜ୍ରିୱାଲ କହିଛନ୍ତି।
ଶ୍ରୀ କେଜ୍ରିୱାଲ “ଦିଲ୍ଲୀ ସରକାର ପୂର୍ବରୁ ଘୋଷଣା କରିଥିଲେ ଯେ ଯଦି ଦେଶର ସୁରକ୍ଷା ସମୟରେ କୌଣସି ସୈନିକ ମୃତ୍ୟୁବରଣ କରନ୍ତି, ତେବେ ତାଙ୍କ ପରିବାରକୁ ୧ କୋଟି ଟଙ୍କା ଦିଆଯିବ। ଆଜି ସମ୍ମାନର ଚିହ୍ନ ସ୍ୱରୂପ ମୁଁ ଘୋଷଣା କରିବାକୁ ଚାହୁଁଛି ଯେ ଦୁର୍ଭାଗ୍ୟବଶତ ,, ଯଦି କୌଣସି ସ୍ୱାସ୍ଥ୍ୟ କର୍ମୀ – ପରିମଳ କର୍ମଚାରୀ, ଡାକ୍ତର କିମ୍ବା ନର୍ସ କୋଭିଡ -19 ରୋଗୀଙ୍କୁ ସେବା କରିବା ସମୟରେ ଶହୀଦ ହୁଅନ୍ତି , ତେବେ ସେମାନଙ୍କ ପରିବାରକୁ 1 କୋଟି ଟଙ୍କା ଦିଆଯିବ । ସେମାନେ ଘରୋଇ କିମ୍ବା ସରକାରୀ କ୍ଷେତ୍ରରେ ଯେଉଁଠି କାମ କରୁଥିଲେ ବି ସେଥିରେ କିଛି ଫରକ ପଡ଼ିବ ନାହିଁ ।”
କିନ୍ତୁ ଗତ ସପ୍ତାହରେ ଏହି ମାରାତ୍ମକ ଜୀବାଣୁ ବିରୋଧରେ ଲଢେଇ କରୁଥିବା ସ୍ୱାସ୍ଥ୍ୟ କର୍ମଚାରୀଙ୍କ ପାଇଁ କେନ୍ଦ୍ର ସରକାର 50 ଲକ୍ଷ ଟଙ୍କା ବୀମା ରାଶି ଘୋଷଣା କରିଥିଲେ । ଡାକ୍ତରୀ ବୀମା କଭର ଅର୍ଥମନ୍ତ୍ରୀ ନିର୍ମଳା ସୀତାରମଣ ଘୋଷଣା କରିଥିଲେ ଓ ଦେଶ ପାଇଁ ୧ଲକ୍ଷ ୭୫ ହଜାର କୋଟି ଟଙ୍କାର ପ୍ୟାକେଜ ମଧ୍ୟ ଘୋଷଣା କରିଥିଲେ । ହେଲେ ଶ୍ରୀ କେଜ୍ରିୱାଲ ପାଦେ ଆଗକୁ ଯାଇ ସେବାକାରୀମାନଙ୍କୁ ସହିଦ କହିବା ସହ ୧ କୋଟି ଟଙ୍କା ସହାୟତା ଘୋଷଣା କରିଛନ୍ତି ।
ଦିଲ୍ଲୀରେ ଏପର୍ଯ୍ୟନ୍ତ ୧୨୦ଜଣ କୋଭିଡ- ୧୯ଆକ୍ରାନ୍ତ ବୋଲି ଚିହ୍ନଟ ହୋଇଛନ୍ତି ଓ ୨ ଜଣଙ୍କ ମୃତ୍ୟ ଘଟିଛି । ସମଗ୍ର ଭାରତରେ ସଂକ୍ରମଣ ହୋଇଥିବା ଲୋକଙ୍କ ସଂଖ୍ୟା 1600 ଅତିକ୍ରମ କରିଛି ଓ ମୃତ୍ୟ ସଂଖ୍ୟା 45ରେ ପହିଞ୍ଚିଛି । ଫ୍ରଣ୍ଟଲାଇନ କର୍ମଚାରୀମାନେ ଏହି ରୋଗରେ ଆକ୍ରାନ୍ତ ହେବାର ସବୁଠାରୁ ବଡ ବିପଦର ସମ୍ମୁଖୀନ ହୁଅନ୍ତି ।