ଭୁବନେଶ୍ୱର: ଡି ବ୍ରଦର୍ସଙ୍କୁ ରିମାଣ୍ଡରେ ନେବ କମିଶନରେଟ ପୋଲିସ । ଏନେଇ ଆଡି ପୋଲିସ କମିଶନର ସୁଧାଂଶୁ ଷଡଙ୍ଗୀ ସୂଚନା ପ୍ରଦାନ କରିଛନ୍ତି । ରିମାଣ୍ଡରେ ନେବା ପରେ ସେମାନଙ୍କୁ ଅଧିକ ପଚରା ଉଚୁରା କରାଯିବ ବୋଲି ସେ କହିଛନ୍ତି । ଗତକାଲିର ଚଢାଉରେ ୧୬ଟି ଚୋରା ବନ୍ଧୁକ, ୧୦୯୫ ଗୁଳି ଜବତ କରାଯାଇଥିଲା । ଘର ଭିତରେ ଇଣ୍ଟେରିୟର ଡିଜାଇନ ଭିତରେ ତାକୁ ସବୁ ଲୁଚାଇ ରଖାଯାଇଥିଲା । ତେବେ ତଦନ୍ତ ବେଳେ ବିହାରର ମୁଙ୍ଗେରରୁ ଚୋରା ବନ୍ଧୁକ ଆସୁଥିବା ଜଣାପଡିଛି । ଅପରାଧୀ ପ୍ରକାଶ ବେହେରା ଗିରଫ ହେବା ପରେ ଏହି ତଥ୍ୟ ସେ ଦେଇଥିଲା । ଆଉ ସରୋଜ ସେଠୀ ବନ୍ଧୁକ ଦେଇଥିବା ପ୍ରକାଶ ବେହେରା କହିଥିଲା । ୪ଟି ବାଇକ ଜବତ । ଚଢାଉ ପରେ ୮ ଜଣ ଗିରଫ ହୋଇଛନ୍ତି ।