ଉତ୍କଳ ଦିବସରେ ସାଂସ୍କୃତିକ କାର୍ଯ୍ୟକ୍ରମ ମନା, ଧର୍ମାନୁଷ୍ଠାନ ପ୍ରବଶେ, ସବୁ ପର୍ବ ପର୍ବାଣୀ ଉପରେ ଲାଗିଲା କଟକଣା

ଭୁବନେଶ୍ୱର : କରୋନାର ପୁଣି ମାଡ଼ିବା ଆରମ୍ଭ କରିଥିବାରୁ ସରକାରଙ୍କ ପକ୍ଷରୁ କୋଭିଡ୍ କଟକଣାକୁ କଡ଼ାକଡ଼ି କରାଯାଇଛି । ଏଥିରେ ଏପ୍ରିଲ୍ ୧ ଉତ୍କଳ ଦିବସରେ କୌଣସି ପ୍ରକାର ସାଂସ୍କୃତିକ କାର୍ଯ୍ୟକ୍ରମ ନକରିବା ପାଇଁ ନିର୍ଦ୍ଦେଶନାମା ସରକାରଙ୍କ ପକ୍ଷରୁ ଜାରି କରାଯାଇଛି। ଉତ୍କଳ ଦିବସ ଓ ସେହିପରି କାର୍ଯ୍ୟକ୍ରମ ପାଇଁ ସାଂସ୍କୃତିକ କାର୍ଯ୍ୟକ୍ରମକୁ ବାରଣ କରାଯାଇଛି । ସମଗ୍ର ରାଜ୍ୟ ପାଇଁ ଏହି ନିୟମ ଲାଗୁ ହେବ । ଏ ନେଇ ଆଜି ରାଜ୍ୟ ସରକାରଙ୍କ ପକ୍ଷରୁ ବିଜ୍ଞପ୍ତି ଜାରି ହୋଇଛି ।

ଓଡ଼ିଶା ସ୍ୱତନ୍ତ୍ର ରାଜ୍ୟ ଭାବେ ଏପ୍ରିଲ୍ ୧ରେ ମାନ୍ୟତା ପାଇଥିଲା । ଏହି ଦିନକୁ ଉତ୍କଳ ଦିବସ ଭାବରେ ପାଳନ କରାଯାଇଆସୁଛି । ଏଥର କରୋନା କଟକଣା ପାଇଁ କୌଣସି ସାଂସ୍କୃତିକ କାର୍ଯ୍ୟକ୍ରମ ଓ ସମାବେଶ ନକରିବାକୁ ବାରଣ କରାଯାଇଛି । କେବଳ ସରକାରୀ ସଭା ଓ ଉତ୍ସବକୁ ଅନୁମତି ମିଳିଛି । କିନ୍ତୁ ଏହି କାର୍ଯ୍ୟକ୍ରମରେ ସର୍ବାଧିକ ୨୦୦ରୁ ଅଧିକ ଲୋକଙ୍କ ସମାବେଶ ହୋଇପାରିବ ନାହିଁ ବୋଲି କୁହାଯାଇଛି । କୋଭିଡ୍ କଟକଣା ଭିତରେ ପାଳନ କରାଯାଇପାରିବ । କୌଣସି ସରକାରୀ ସଂସ୍ଥା ବା ବେସରକାରୀ ସଂସ୍ଥା ଉତ୍କଳ ଦିବସ ପାଳନ କରିବାକୁ ଚାହିଁଲେ ସ୍ଥାନୀୟ ପ୍ରଶାସନ ବା ମ୍ୟୁନିସିପାଲ୍ କମିଶନରଙ୍କ ଠାରୁ ଅନୁମତି ନେବାକୁ ହେବ । ଏହି ନିୟମ ଉଲ୍ଲଘଂନ କଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ବିଜ୍ଞପ୍ତିରେ ଦର୍ଶାଯାଇଛି ।

ଏହାଛଡ଼ା ଧାର୍ମିକ କାର୍ଯ୍ୟକ୍ରମ ଓ ଧର୍ମାନୁଷ୍ଠାନରେ କେତେ ସଂଖ୍ୟକ ଭକ୍ତ ପ୍ରବେଶ କରିବେ ସେ ସମ୍ପର୍କରେ ସ୍ଥାନୀୟ ସ୍ଥିତିକୁ ଅନୁଧ୍ୟାନ କରି ଜିଲ୍ଲାପାଳ ଓ ମ୍ୟୁନିସିପାଲ୍ କମିଶନର ନିଷ୍ପତି ନେବେ । ଚର୍ଚ୍ଚ, ମନ୍ଦିର, ଧାର୍ମିକସ୍ଥଳ ସମ୍ପର୍କରେ ଜିଲ୍ଲାପାଳ ଓ ମ୍ୟୁନିସିପାଲ୍ କମିଶନରଙ୍କୁ ନିଷ୍ପତି ନେବା ପାଇଁ କ୍ଷମତା ଦିଆଯାଇଛି । ଏପରିକି ଗୁଡ୍‌ଫ୍ରାଇଡେ, ପଣାସଂକ୍ରାନ୍ତି, ଝାମୁଯାତ୍ରା, ଦଣ୍ଡଯାତ୍ରା, ଶ୍ରୀନାମନବମୀ ପ୍ରଭୃତି ଧାର୍ମିକ କାର୍ଯ୍ୟକ୍ରମରେ କୌଣସି ସାଂସ୍କୃତିକ ସମାବଶେ ହୋଇପାରିବ ନାହିଁ । ଏହି ନିୟମ ସମଗ୍ର ରାଜ୍ୟ ପାଇଁ ଲାଗୁ ହେବ ବୋଲି କୁହାଯାଇଛି । ହୋଲି, ବିହୁ, ସବ୍ ଏ ବରତ, ଇଦୁଲ୍ ଫିତର୍ ଭଳି କାର୍ଯ୍ୟକ୍ରମକୁ କଟକଣା ମଧ୍ୟରେ କରାଯାଇଛି । ବହୁ ସଂଖ୍ୟାରେ ଲୋକଙ୍କ ସମାବଶେକୁ ବାରଣ କରାଯାଇଛି ।

LEAVE A REPLY

Please enter your comment!
Please enter your name here