ଭୁବନେଶ୍ଵର: ପୂର୍ବତନ ମନ୍ତ୍ରୀ ଶ୍ରୀ ଅଶ୍ଵିନୀ କୁମାର ଙ୍କ ରିଟ୍ ପିଟିସନ ର ଶୁଣାଣି ଅବସର ରେ ଗତ ତା୦୪.୦୮.୨୦୨୦ ରିଖରେ ମାନ୍ୟବର ସୁପ୍ରିମକୋର୍ଟ ବରିଷ୍ଠ ନାଗରିକ ଓ ପେନସନ ଧାରୀଙ୍କୁ ବର୍ତ୍ତମାନର କୋଭିଡ୍ ମହାମାରୀ ସମୟରେ ଅଗ୍ରାଧିକାର ଭିତରେ ଚିକିତ୍ସା ର ସୁବିଧା ଓ ସୁଯୋଗ ଯୋଗାଇ ଦେବା ପାଇଁ ସରକାରଙ୍କୁ ନିର୍ଦେଶ ଦେବା ପରିପ୍ରେକ୍ଷୀରେ ଓଡ଼ିଶା ଅବସର ପ୍ରାପ୍ତ ପୋଲିସ ପଦାଧିକାରୀ କଲ୍ୟାଣ ସମିତି ତରଫରୁ ଆମ ରାଜ୍ୟର ପେନସନ ଧାରି ଙ୍କୁ ଚିକିତ୍ସା ଭତା ଓ ଚିକିତ୍ସା କ୍ଷେତ୍ର ରେ ଅନ୍ୟାନ୍ୟ ସୁବିଧା ସୁଯୋଗ ଅଗ୍ରାଧିକାର ଭିତରେ ଯୋଗାଇ ଦେବାକୁ ମାନ୍ୟବର ମୁଖ୍ୟ ମନ୍ତ୍ରୀ ଙ୍କୁ ନିବେଦନ କରା ଯାଇଛି । ଦେଶର ବହୁ ରାଜ୍ୟରେ ସେମାନ ଙ୍କ ର କର୍ମଚାରୀମାନେ ଚିକିତ୍ସା ଭତା ଆଦି ପାଉଥିଲେ ମଧ୍ୟ ଆମ ରାଜ୍ୟ ସରକାର ତାଙ୍କ ଅବସର ପ୍ରାପ୍ତ କର୍ମଚାରୀଙ୍କୁ ଏହି ସୁବିଧାରୁ ବଂଚିତ କରିଛନ୍ତି । ଏବେ କୋଭିଡ୍ -୧୯ ମହାମାରୀ ପରିପ୍ରେକ୍ଷୀରେ ରାଜ୍ୟ ସରକାରଙ୍କ ପେନସନ ଧାରି ମାନେ ଚିକିତ୍ସା କ୍ଷେତ୍ରରେ ନାନା ପ୍ରକାର ଅସୁବିଧା ର ସମୁଖୀନ ହେଉଛନ୍ତି । ମାନ୍ୟବର ମୁଖ୍ୟମନ୍ତ୍ରୀ ମହୋଦୟ ଅବସର ପ୍ରାପ୍ତ କର୍ମଚାରୀଙ୍କ ବହୁଦିନର ଚିକିତ୍ସା ଭତା ଦାବିକୁ ପୁରଣ କରି ଯଥା ଶୀଘ୍ର ଆବଶ୍ୟକ ନିର୍ଦେଶ ନାମା ଜାରି କରିବା ପାଇଁ କଲ୍ୟାଣ ସମିତି ତରଫରୁ ବିନମ୍ର ନିବେଦନ ପତ୍ର ଦିଆ ଯାଇଥିଲା । ସମିତିର ସଂଗଠନ ସମ୍ପାଦକ ଶ୍ରୀ ନିଳମୋହନ ତ୍ରିପାଠୀ ଜଣାଇଛନ୍ତି ।
ଓଡ଼ିଶା ଅବସର ପ୍ରାପ୍ତ ପୋଲିସ ପଦାଧିକାରୀ କଲ୍ୟାଣ ସମିତି ତରଫରୁ ମାନ୍ୟବର ମୁଖ୍ୟମନ୍ତ୍ରୀ ଙ୍କୁ ଚିକିତ୍ସା ଭତା ପାଇଁ ନିବେଦନ
