ନୂଆଦିଲ୍ଲୀ: ଲାଞ୍ଚ ମାମଲାରେ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ ବିଭାଗୀୟ ଇଞ୍ଜିନିୟର ଏମଏଲ ଗୁପ୍ତା ଏବଂ ସରକାରୀ ସଞ୍ଜୀବ ରେଡଙ୍କୁ ଗିରଫ କରିଛି । ସେମାନେ ଦୁହେଁ ମହାରାଷ୍ଟ୍ରର ଭୁସାୱାଲ ଡିଭିଜନରେ ସେଣ୍ଟ୍ରାଲ ରେଲୱେରେ କାମ କରନ୍ତି ।
ଅଭିଯୋଗ ଆଧାରରେ ଡିଭିଜନାଲ ଇଞ୍ଜିନିୟର ଏବଂ କିରାଣୀଙ୍କ ବିରୋଧରେ ଏକ ମାମଲା ରୁଜୁ କରାଯାଇଥିଲା ଯେଉଁଥିରେ ଅଭିଯୋଗକାରୀଙ୍କୁ ଦିଆଯାଇଥିବା ଦୁଇଟି ଟେଣ୍ଡର ସମ୍ବନ୍ଧରେ ଗ୍ରହଣ ପତ୍ର ପ୍ରଦାନ ପାଇଁ ସେମାନେ ୪ ଲକ୍ଷ ୫୦ହଜାର ଟଙ୍କା ମାଗିଥିଲେ ।
ପ୍ରକାଶ ଯେ, ଭୁସାୱାଲର କେନ୍ଦ୍ରୀୟ ଜୋନ୍ ଅଞ୍ଚଳରେ ଷ୍ଟାଫ୍ କ୍ୱାର୍ଟର୍ସ ଏବଂ ସେବା ବିଲ୍ଡିଂର ମରାମତି କାର୍ଯ୍ୟ ପାଇଁ ଟେଣ୍ଡର ପ୍ରକ୍ରିୟାରେ ଅଭିଯୋଗକାରୀଙ୍କ ଅନୁଷ୍ଠାନ ଜୁଲାଇ ମାସରେ ସର୍ଟଲିଷ୍ଟ କରାଯାଇଥିଲା । ଭୁସାୱାଲର ୧କୋଟି ୧୩ ଲକ୍ଷ ୩୫ ହଜାର ୭୪୪ ଟଙ୍କା ମୂଲ୍ୟର କୋଚ୍ କେୟାର ସେଣ୍ଟରର ନବୀକରଣ ପାଇଁ ଟେଣ୍ଡର ପ୍ରକ୍ରିୟାରେ ଏହି ସଂସ୍ଥାକୁ ସର୍ଟଲିଷ୍ଟ କରାଯାଇଥିଲା ।
ସିବିଆଇ ଏକ ଜାଲ ପକାଇ ଅଭିଯୋଗକାରୀଙ୍କଠାରୁ ଯଥାକ୍ରମେ ୨ ଲକ୍ଷ ଏବଂ ୪୦ ହଜାର ଟଙ୍କା ଲାଞ୍ଚ ଦାବୀ ଏବଂ ଲାଞ୍ଚ ନେବା ଅଭିଯୋଗରେ ଅଭିଯୁକ୍ତମାନଙ୍କୁ ଗିରଫ କରିଛି ।
ସୋମବାର ଉଭୟ ଅଭିଯୁକ୍ତଙ୍କ ଘରେ ସିବିଆଇ ରେଡ୍ କରିଥିଲା । ଡିଭିଜନାଲ ଇଞ୍ଜିନିୟରଙ୍କ ପରିସରରୁ ଏପର୍ଯ୍ୟନ୍ତ ୧୫ ଲକ୍ଷ ଟଙ୍କା ଜବତ କରାଯାଇଛି । ଗିରଫ ଉଭୟ ଅଭିଯୁକ୍ତଙ୍କୁ କୋର୍ଟରେ ହାଜର କରାଯାଇଛି ।
