ପିପିଲି ପୋଲିସ ଅପରାଧୀଙ୍କୁ ଗିରଫ ନକରିବା କାରଣରୁ ବିଜେଡି ଗୁଣ୍ଡାଙ୍କ ମନୋବଳ ବୃଦ୍ଧି ପାଇଛି
ଡେଲାଙ୍ଗ ପୋଲିସ ତୁରନ୍ତ ବିଜେଡି ଗୁଣ୍ଡାଙ୍କୁ ଗିରଫ କରୁ
ମୁଖ୍ୟମନ୍ତ୍ରୀ ଓଡିଶାକୁ ଶାନ୍ତିପ୍ରିୟ ରାଜ୍ୟ ବୋଲି କହି ବୁଲୁଥିବାବେଳେ ତାଙ୍କରି ଦଳର ଗୁଣ୍ଡାମାନେ ପିପିଲିି-ଡେଲାଙ୍ଗରେ
ଆତଙ୍କ ଖେଳାଇ ଚାଲିଛନ୍ତି
ଶାନ୍ତିପ୍ରିୟ ରାଜ୍ୟରେ ଅଶାନ୍ତି କରୁଛି କିଏ?
ପିପିଲି ଉପନିର୍ବାଚନରେ ଶାସକ ବିଜେଡିକୁ ନିର୍ବାଚନ ପରାଜୟର ଭୟ ଘାରିଛି
ପୋଲିସ ପେଟ୍ରୋଲିଂକୁ ଜୋରଦାର କରିବା ନେଇ ଦାବି କରିବା ପରେ ବି ପୋଲିସ ଶାସକ ଦଳକୁ ସୁହାଇଲା ଭଳି
ଆଚରଣ ଦେଖାଉଛି ।
ବିଜେଡି କର୍ମୀମାନଙ୍କର ଗୁଣ୍ଡାଗର୍ଦ୍ଦି, ଦିନ ଦ୍ୱିପ୍ରହରରେ ବିରୋଧୀଙ୍କୁ ଆକ୍ରମଣ କରିବା, ପିପିଲି–ଡେଲାଙ୍ଗରେ ଆତଙ୍କ ଓ
ଭୟର ବାତାବରଣ ସୃଷ୍ଟି କରିବା ବିରୁଦ୍ଧରେ ପିପିଲି-ଡେଲାଙ୍ଗବାସୀ ଉପନିର୍ବାଚନରେ ଏହାର ଜବାବ ଦେବେ
ଭୁବନେଶ୍ୱର,/ପିପିଲି-ଡେଲାଙ୍ଗ: ଗତକାଲି ବିଜେଡିର ଗୁଣ୍ଡାମାନେ ବିଜେପି ମହିଳା ମୋର୍ଚ୍ଚା ରାଜ୍ୟ ସଂପାଦିକା
ରଶ୍ମିରେଖା ଦାସ ଏବଂ ବୁଥ ସଭାପତି ସରୋଜ ସେଠୀଙ୍କୁ ମରଣାନ୍ତକ ଆକ୍ରମଣ କରିଥିଲେ । ଆଜି ପୁଣିଥରେ ବିଜେଡି କର୍ମୀମାନେ
ବିଜେପିର ୩ ଜଣ କର୍ମୀଙ୍କୁ ମରଣାନ୍ତକ ଆକ୍ରମଣ କରଛନ୍ତି । ନିର୍ବାଚନ ହାରିବା ଭୟରେ ଶାସକ ବିଜେଡି ରକ୍ତମୁଖା ସାଜିଛି । ଖୋଦ ମୁଖ୍ୟମନ୍ତ୍ରୀ ଓଡିଶାକୁ ଶାନ୍ତିପ୍ରିୟ ରାଜ୍ୟ ବୋଲି କହି ବୁଲୁଥିବାବେଳେ ତାଙ୍କରି ଦଳର ଗୁଣ୍ଡାମାନେ ପିପିଲି ଡେଲାଙ୍ଗରେ ଆତଙ୍କ ଖେଳାଇ
ଚାଲିଛନ୍ତି ବୋଲି ରାଜ୍ୟ ସାଧାରଣ ସଂପାଦିକା ଡ.ଲେଖାଶ୍ରୀ ସାମନ୍ତସିଂହାର କହିଛନ୍ତି ।
ଆଜି ପିପିଲି ନିର୍ବାଚନ ମଣ୍ଡଳୀର ଡେଲାଙ୍ଗ ଥାନା ଅନ୍ତର୍ଗତ ବେନାପୁଡ ପଂଚାୟତର ବାହ୍ଣଣବାଡ ଗ୍ରାମରେ ବିଜେପି କର୍ମୀ ଅଶ୍ୱିନ
କୁମାର ସାହୁ ଏବଂ ତାଙ୍କର ୪ ଜଣ ସହଯୋଗୀ ବିଜେପି ପ୍ରାର୍ଥୀଙ୍କ ପାଇଁ ପ୍ରଚାର କରୁଥିବା ସମୟରେ ବିଜେଡି କର୍ମୀ ପନ୍ଧେଇ ଜେନା, କୁଶା
ସ୍ୱାଇଁଙ୍କ ସମେତ ୪ ଜଣ ବିଜେଡିର ଗୁଣ୍ଡା ବିଜେପି କର୍ମୀଙ୍କୁ କାଠଫାଳିଆରେ ମାଡ ମାରିଥିଲେ । ପରେ ସେମାନେ ବନ୍ଧୁକ ଦେଖାଇ
ଜୀବନରୁ ମାରିଦେବା ଏବଂ ବୋମା ପକାଇ ହତ୍ୟା କରିବାର ଭୟ ଦେଖାଇଥିଲେ । ବିଜେଡି ଗୁଣ୍ଡାମାନେ ବିଜେପି କର୍ମୀ ସତ୍ୟବାଦୀ
ଚଇନି, ମନୋରଜଂନ ବରାଳ, ସାଗର ଦାସଙ୍କ ମୁଣ୍ଡକୁ ମାଡ ମାରିବା ସହ ଅଶ୍ୱିନ ସାହୁଙ୍କ ବେକରେ ଥିବା ୨ ଭରି ସୁନା ଚେନକୁ ଲୁଟି
ଲେଇଥିଲେ । ଏସମସ୍ତ କାର୍ଯ୍ୟ ଶାସକ ଦଳର ବିଧାୟକ ଓ ବରିଷ୍ଠ ନେତାଙ୍କ ଇଙ୍ଗିତରେ କରାଯାଉଛି ବୋଲି ଡ.ସାମନ୍ତସିଂହାର ଅଭିଯୋଗ କରିଛନ୍ତି ।
ପିପିଲି ଉପନିର୍ବାଚନରେ ଶାସକ ବିଜେଡିକୁ ନିର୍ବାଚନ ପରାଜୟର ଭୟ ଘାରିଛି । ପୂର୍ବରୁ ବିଭିନ୍ନ ଉପନିର୍ବାଚନକୁ ହାତେଇବା
ପାଇଁ ବିଜେଡି ଗୁଣ୍ଡାମାନେ ଯେପରି ଲୋକଙ୍କ ଭିତରେ ଆତଙ୍କ ଖେଳାନ୍ତି ଠିକ୍ ସମାନ ଢଙ୍ଗରେ ପିପିଲି ନିର୍ବାଚନମଣ୍ଡଳୀରେ ଆଜି ଶାସକ
ଦଳର କର୍ମୀମାନେ ବିରୋଧୀଙ୍କୁ ମରଣାନ୍ତକ ଆକ୍ରମଣ କରିଛନ୍ତି । ଏନେଇ ବିଜେପି ପକ୍ଷରୁ ପିପିଲି ଥାନାରେ ଏତଲା ଦିଆଯାଇଛି । ଗତକାଲି
ପିପିଲି ପୋଲିସ ଅପରାଧୀଙ୍କୁ ଗିରଫ ନକରିବା କାରଣରୁ ବିଜେଡି ଗୁଣ୍ଡାଙ୍କ ମନୋବଳ ବୃଦ୍ଧି ପାଇଛି । ବିଜେପି ପକ୍ଷରୁ ବାରମ୍ବାର ପୋଲିସ
ପେଟ୍ରୋଲିଂକୁ ଜୋରଦାର କରିବା ନେଇ ଦାବି କରିବା ପରେ ବି ପୋଲିସ ଶାସକ ଦଳକୁ ସୁହାଇଲା ଭଳି ଆଚରଣ ଦେଖାଉଛି । ବିଜେଡି
କର୍ମୀମାନଙ୍କର ଗୁଣ୍ଡାଗର୍ଦ୍ଦି, ଦିନ ଦ୍ୱିପ୍ରହରରେ ବିରୋଧୀଙ୍କୁ ଆକ୍ରମଣ କରିବା, ପିପିଲି–ଡେଲାଙ୍ଗରେ ଆତଙ୍କ ଓ ଭୟର ବାତାବରଣ ସୃଷ୍ଟି
କରିବା ବିରୁଦ୍ଧରେ ପିପିଲି-ଡେଲାଙ୍ଗବାସୀ ଉପନିର୍ବାଚନରେ ଏହାର ଜବାବ ଦେବେ । ଡେଲାଙ୍ଗ ପୋଲିସ ତୁରନ୍ତ ବିଜେଡି ଗୁଣ୍ଡାଙ୍କୁ ଗିରଫ
କରୁ ବୋଲି ଡ.ସାମନ୍ତସିଂହାର ଦାବି କରିଛନ୍ତି ।
ଶାସକ ଦଳର ବିଧାୟକ ଓ ବରିଷ୍ଠ ନେତାଙ୍କ ଇଙ୍ଗିତରେ ବିଜେପି କାର୍ଯ୍ୟକର୍ତାଙ୍କୁ କରାଯାଉଛି ମରଣାନ୍ତକ ଆକ୍ରମଣ :ବିଜେପି
