କୋଲକାତା : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଲୋକଙ୍କୁ ନିଶୁକ୍ଲ ଚାଉଳ ଦେବାପାଇଁ କହିବା ପରେ , ସୋମବାର ଦିନ ବାଙ୍କୁଡା ଜିଲ୍ଲାର କୋତୁଲପୁର ର୍ୟାଲିରେ ବିଜେପି ଉପରେ ବର୍ଷିଛନ୍ତି । ସେ କହିଛନ୍ତି , ବିଜେପି ନିର୍ବାଚନ ପୁର୍ବରୁ କେବଳ ବଡ ବଡ ପ୍ରତିଶୃତି ଦେଉଛି କିନ୍ତୁ ତାହା କେବେ ପୂରଣ କରେନାହିଁ । ସେ କହିଛନ୍ତି , ବିଜେପି ଲୋକ ମାନଙ୍କୁ ଧମକାଇବା ପାଇଁ ଗୁଣ୍ଡା ମାନଙ୍କ ପ୍ରୟୋଗ କରୁଛି । ଏହି ଗୁଣ୍ଡାମାନେ ଆପଣଙ୍କ ଘରକୁ ଆସି ହାତ ଯୋଡି ମହିଳା ମାନଙ୍କୁ ଭୋଟ ମାଗିପାରନ୍ତି । ବଜେପି ନିର୍ବାଚନ ପୁର୍ବରୁ ଚାଉଳ, ଡାଲି, ନିଯୁକ୍ତି ଆଦିର ପ୍ରତିଶୃତି ଦେବ । କିନ୍ତୁ ନିର୍ବାଚନ ସରିବା ପରେ ସେମାନଙ୍କର ଦେଖା ମିଳିବ ନାହିଁ ।
୨୦୧୪ ଲୋକସଭା ନିର୍ବାଚନ ବେଳକୁ ପ୍ରତ୍ୟେକଙ୍କ ବ୍ୟାଙ୍କ ଖାତାକୁ ୧୫-୧୫ ଲକ୍ଷ ଟଙ୍କା ଆସିବାର ଥିଲା କୁଆଡେ ଗଲା ସେ ଟଙ୍କା ବୋଲି ମମତା ପ୍ରଶ୍ନ କରିଛନ୍ତି । ମହିଳାମାନଙ୍କୁ ସମ୍ବୋଧିତ କରି ମମତା ବାନାର୍ଜୀ କହିଛନ୍ତି ଯେ ଯଦି ଏହି ଲୋକମାନେ ଆପଣଙ୍କୁ ଆସି ଧମକ ଦିଅନ୍ତି, ତେବେ ରୋଷେଇ ଘର ବାସନକୁସନକୁ ତାଙ୍କ ବିରୁଦ୍ଧରେ ପ୍ରୟୋଗ କରିବାକୁ ପ୍ରସ୍ତୁତ ରୁହନ୍ତୁ ।
ବାନାର୍ଜୀ ଅଭିଯୋଗ କରିଛନ୍ତି ଯେ ଭୋଟରଙ୍କୁ ଲୁଟିବା ପାଇଁ ଦଳ ବାହାରୁ ଗୁଣ୍ଡା ଡାକିଛନ୍ତି । ସରକାରୀ ଚାକିରିରେ ମହିଳାଙ୍କ ପାଇଁ ୩୩ ପ୍ରତିଶତ ସଂରକ୍ଷଣର ପ୍ରତିଶ୍ରୁତି ଦେଇ ସେ କହିଛନ୍ତି, “ବିଭିନ୍ନ ଫୋରମ୍ରେ ନିର୍ବାଚିତ ପ୍ରତିନିଧିମାନଙ୍କ ମଧ୍ୟରେ ମହିଳାଙ୍କ ୩୩ ପ୍ରତିଶତ ପ୍ରତିନିଧିତ୍ୱ ନିଶ୍ଚିତ କରିବା ପାଇଁ ସେମାନେ ପଦକ୍ଷେପ ନେଇପାରିଲେ ନାହିଁ । ପଞ୍ଚାୟତ ତଥା ସ୍ଥାନୀୟ ଶରୀର ନିର୍ବାଚନରେ ମହିଳାମାନେ ୫୦ ପ୍ରତିଶତ ପ୍ରତିନିଧିତ୍ୱ ପାଇବାକୁ ତୃଣମୁଳ କଂଗ୍ରେସ ସର୍ବଦା ସୁନିଶ୍ଚିତ କରିଛି । ଏହା ବ୍ୟତୀତ ସଂସଦରେ ତୃଣମୁଳ ସଦସ୍ୟଙ୍କ ମଧ୍ୟରୁ୪୦ ପ୍ରତିଶତ ମହିଳା ଅଟନ୍ତି ।
