ନୂଆଦିଲ୍ଲୀ : ସୁସ୍ଥ ରହିବା ପାଇଁ ପ୍ରତିଦିନ କ୍ଷୀର ପିଇବା ଜରୁରୀ । କ୍ଷୀରରେ କ୍ୟାଲସିୟମ ସମେତ ଅନେକ ପୋଷକ ତତ୍ତ୍ୱ ରହିଥାଏ, ଯାହା ଆମ ହାଡ ଏବଂ ଦାନ୍ତକୁ ଶକ୍ତ କରିଥାଏ । ଅନେକ ଲୋକେ ରାତିରେ କ୍ଷୀର ପିଇବା ପାଇଁ ଭଲ ପାଆନ୍ତି । ଅଧିକାଂଶ ଲୋକେ ରାତିରେ କ୍ଷୀର ପିଇବା ଭଲ ବୋଲି କହୁଥିବା ଆପଣମାନେ ଶୁଣିଥିବେ ମଧ୍ୟ । ଆପଣ ବି ଯଦି ରାତିରେ କ୍ଷୀର ପିଇବା ଭଳି ଭୁଲ୍ କରୁଛନ୍ତି ତେବେ ସାବଧାନ । ଏହା ମାରାତ୍ମକ ହୋଇପାରେ । ରାତିରେ କ୍ଷୀର ପିଇବା ଦ୍ୱାରା ଆମକୁ ଅନେକ କ୍ଷତି ସହିବାକୁ ପଡିପାରେ ।
ଶରୀରର ଯେକୌଣସି ଅଙ୍ଗରେ ଆଘାତ ଲାଗିଲେ ହଳଦୀ ମିଶା କ୍ଷୀର ପିଇବାକୁ ପରାମର୍ଶ ଦିଆଯାଏ । କିନ୍ତୁ ଏହା ହାଡ ଫ୍ୟାକଚରର କାରଣ ମଧ୍ୟ ହୋଇପାରେ । ଏଥିରେ ଡି-ଗ୍ୟାଲେକ୍ଟୋଜ୍ ନାମକ ଏକ ମିଠା ଜାତୀୟ ଦ୍ରବ୍ୟ ଥାଏ । ଯଦି ଏହାକୁ ଅଧିକ ମାତ୍ରାରେ ସେବନ କରାଯାଏ ତେବେ ଏହା ଲାଭ ପରିବର୍ତ୍ତେ ହାଡକୁ କ୍ଷତି ପହଞ୍ଚାଏ ବୋଲି ବିଭିନ୍ନ ବିଶେଷଜ୍ଞମାନେ ମତ ଦେଇଛନ୍ତି ।
କ୍ୟାନସର ଆଶଙ୍କା ବଢ଼ାଇଥାଏ କ୍ଷୀର ତଥା ଅନ୍ୟ ଦୁଗ୍ଧଜାତ ଦ୍ରବ୍ୟ । କୁହାଯାଏ ଯେ କ୍ଷୀରରେ ଥିବା କ୍ୟାଲସିୟମ୍ ଏହି ପ୍ରକାର ପ୍ରୋଷ୍ଟେଟ୍ କ୍ୟାନର୍ସ ରୋଗକୁ ପ୍ରୋତ୍ସାହିତ କରିଥାଏ । କ୍ଷୀରକୁ ଅଧିକ ମାତ୍ରାରେ ସେବନ କରିବା ଦ୍ୱାରା ଓଭାରି କ୍ୟାନର୍ସ ହେବା ମଧ୍ୟ ଆଶଙ୍କା ରହିଥାଏ । ତେଣୁ ଏହାକୁ କମ୍ ମାତ୍ରାରେ ପିଇବା ଉଚିତ ଓ କ୍ୟାନ୍ସର ରୋଗୀ ଏହାଠାରୁ ଦୂରେଇ ରହିବା ଉଚିତ ।
