ନୂଆଦିଲ୍ଲୀ: ଟିମ ଇଣ୍ଡିଆ ଚଳିତବର୍ଷ ୭ଟି ମ୍ୟାଚ ଖେଳିଥିବା ବେଳେ ୪ଟି ମ୍ୟାଚରେ ବିଜୟ ହାସଲ କରିଛି ଏବଂ ୩ଟି ମ୍ୟାଚ ହାତଛଡା କରିଛି । ତେବେ ଏହି ମ୍ୟାଚଗୁଡିକରେ ଅନେକ ଖେଳାଳି ଦଳରେ ସୁଯୋଗ ପାଇଛନ୍ତି । କିଛି ଖେଳାଳି ଦମଦାର ପ୍ରଦର୍ଶନ କରିଥିବା ବେଳେ କିଛି ଫ୍ଲପ ହୋଇଛନ୍ତି । ତେବେ ବିସିସିଆଇ ବର୍ଷର ଶେଷ ଦିନରେ ଏହାର ଏକ ଲିଷ୍ଟ ଜାରି କରିଛି । ୨୦୨୨ ମସିହାରେ ଟେଷ୍ଟରେ ସର୍ବଶ୍ରେଷ୍ଠ ପ୍ରଦର୍ଶନ କରିଥିବା ଭାରତୀୟ ଟିମର ଘୋଷଣା କରିଛି ବିସିସିଆଇ ।
ଚଳିତବର୍ଷ ଭାରତର ୱିକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ତ ସୀମିତ ଓଭର କ୍ରିକେଟରେ ବିଶେଷ ପ୍ରଦର୍ଶନ କରି ପାରିନାହାନ୍ତି । ତେବେ ଟେଷ୍ଟରେ ତାଙ୍କର ପ୍ରଦର୍ଶନ ଜାରି ରହିଛି । ସେ ହାରାହାରି ୬୧.୮୧ ଏବଂ ଷ୍ଟ୍ରାଇକ୍ ରେଟ୍ ୯୦.୯୦ ରେ ୭ ଟି ମ୍ୟାଚ୍ ରେ ମୋଟ ୬୮୦ ରନ୍ ଯୋଡିଥିଲେ । ସେ ଦୁଇ ଶତକ ଏବଂ ଚାରିଟି ଅର୍ଦ୍ଧଶତକ ହାସଲ କରିଥିଲେ। ତାଙ୍କର ସର୍ବାଧିକ ସ୍କୋର ୧୪୬ ରନ୍ ଥିଲା।
A look at #TeamIndia's Top Performers in Test cricket for the year 2⃣0⃣2⃣2⃣ 🫡@RishabhPant17 @Jaspritbumrah93 pic.twitter.com/YpUi2rjo3P
— BCCI (@BCCI) December 31, 2022
ତେବେ ୨୦୨୨ରେ ଜବରଦସ୍ତ ପ୍ରଦର୍ଶନ କରିଥିଲେ ଷ୍ଟାର ବୋଲର ଜଶପ୍ରୀତ ବୁମରାହ । ଅବଶ୍ୟ ପରେ ଆହତ ହୋଇସେ ଟିମରୁ ବାଦ ପଡିଛନ୍ତି, କିନ୍ତୁ ୫ଟି ମ୍ୟାଚରୁ ସେ ୨୨ଟି ୱିକେଟ ନିଜ ନାମରେ କରିଛନ୍ତି । ବୁମରାହଙ୍କ ଇକୋନୋମୀ ରେଟ ୪.୦୯ ରହିଥିବା ବେଳେ ୨ ଥର ୫ଟି ୱିକେଟ ନେଇଥିଲେ ।
ବିସିସିଆଇର ଟ୍ୱିଟ୍ ଅନୁଯାୟୀ, ଦିନିକିଆ କ୍ରିକେଟ୍ରେ ଶ୍ରେୟସ ଆୟର ଶ୍ରେଷ୍ଠ ବ୍ୟାଟର ଏବଂ ମହମ୍ମଦ ସିରାଜ ଶ୍ରେଷ୍ଠ ବୋଲର ଭାବେ ଘୋଷଣା ହୋଇଛି । ଶ୍ରେୟସ ଆୟର ୧୭ଟି ମ୍ୟାଚ୍ ଖେଳି ୫୫.୬୯ ଆଭ୍ରେଜ୍ରେ ସର୍ବାଧିକ ୭୨୪ ରନ୍ କରିଛନ୍ତି । ସେଥିରେ ତାଙ୍କର ସର୍ବାଧିକ ୧୧୩ ରନ୍ ରହିଛି । ୨୦୨୨ରେ ଶ୍ରେୟସ ୬ଟି ଅର୍ଦ୍ଧଶତକ କରିଥିବା ବେଳେ ଗୋଟିଏ ଶତକ ରହିଛି ।
🏏@ShreyasIyer15 & @mdsirajofficial lead the charts for the Top Performers in ODIs in 2⃣0⃣2⃣2⃣ 🫡#TeamIndia pic.twitter.com/ZQyNsen8kP
— BCCI (@BCCI) December 31, 2022
ସେହିପରି ଦିନିକିଆ ବୋଲିଂ ବିଭାଗରେ ଟପ୍ରେ ରହିଛନ୍ତି ମହମ୍ମଦ ସିରାଜ । ସେ ୧୫ଟି ମ୍ୟାଚ୍ ଖେଳି ୨୪ ଟି ଓ୍ୱିକେଟ୍ ନେଇଛନ୍ତି । ସିରାଜ ୨୦୨୨ରେ ୪.୬୨ ଇକୋନୋମିରେ ରନ୍ ଦେଇଛନ୍ତି । ଗୋଟିଏ ମ୍ୟାଚ୍ରେ ତାଙ୍କର ଶ୍ରେଷ୍ଠ ପ୍ରଦର୍ଶନ ୨୯ ରନ୍ ଦେଇ ୩ଟି ଓ୍ୱିକେଟ୍ ରହିଛି ।