ନୂଆଦିଲ୍ଲୀ : ଯଦି ବିଳାସବହୁଳତାକୁ ଆପଣ ଭଲପାଉଛନ୍ତି ଏବଂ ଏଥିରେ ବୁଡ଼ି ରହିବାକୁ ଚାହୁଁଛନ୍ତି, ତେବେ ଫ୍ୟାଶନ୍ ବ୍ରାଣ୍ଡ ବାଲେନ୍ସିଗା ଆପଣଙ୍କୁ ବିଳାସପୂର୍ଣ୍ଣତାର ମୂଲ୍ୟ ବୁଝାଇ ପାରିବ । ଏହା ସୁନିଶ୍ଚିତ କରିଛି ଯେ ଆପଣ ବ୍ୟବହାର କରୁଥିବା ଏକ ଅଳିଆ ବ୍ୟାଗ୍ର ବି ପ୍ରାଇସ୍ ଟ୍ୟାଗ୍ ରହିଛି । ଏହି ବ୍ରାଣ୍ଡ୍ ଅଳିଆ ବ୍ୟାଗ୍ ବିକ୍ରି କରୁଛି, ଯାହାର ମୂଲ୍ୟ ୧.୪ ଲକ୍ଷ ଟଙ୍କା । ତେବେ ଆପଣ ଚିନ୍ତା କରୁଥିବେ, ଏହି ଅଳିଆ ବ୍ୟାଗ୍ କେଉଁଥିରେ ପ୍ରସ୍ତୁତ ହୋଇଛି ।
ବାଲେନ୍ସିଗା ଏହି ଅଳିଆ ବ୍ୟାଗ୍କୁ ‘ତ୍ରାଶ୍ ପାଉଚ୍’ ବା ଅଳିଆ ପାଉଚ୍ ନାମରେ ସମ୍ବୋଧନ କରୁଛି । ବାଛୁରୀ ଚମଡ଼ାରେ ଏହା ପ୍ରସ୍ତୁତ ହୋଇଛି । ଏଥିରେ ଚିକ୍କଣ ପରସ୍ତ ମଧ୍ୟ ଦିଆଯାଇଛି । କଳା, ଧଳା, ନୀଳ ଓ ହଳଦିଆ ୪ଟି ରଙ୍ଗରେ ଏହା ଉପଲବ୍ଧ ହେଉଛି । ବ୍ୟାଗ୍ର ମୁହଁକୁ ଟାଣି ବନ୍ଦ କରିବାକୁ ଏଥିରେ ଏକ ଡ୍ରଷ୍ଟ୍ରିଙ୍ଗ ମଧ୍ୟ ରହିଛି । ବାଲେନ୍ସିଗାର ୨୦୨୨ ୱିଣ୍ଟର୍ ଫ୍ୟାଶନ୍ ଶୋ’ରେ ଏହି ବ୍ୟାଗ୍ ଜାରି କରାଯାଇଛି, ଯାହା ଇଣ୍ଟର୍ନେଟ୍ରେ ଚର୍ଚ୍ଚାର ବିଷୟ ହୋଇଛି ।
କିଛି ବିଳାସପ୍ରିୟ ବ୍ୟକ୍ତି ଡିଜାଇନର୍ ଅଳିଆ ବ୍ୟାଗ୍ ଧରିବାକୁ ଉତ୍ସାହିତ ଥିବାବେଳେ ଅନ୍ୟମାନଙ୍କୁ ଏହା ଚକିତ କରିଛି । ଗୋଟିଏ ଅଳିଆ ବ୍ୟାଗ୍ ପାଇଁ କେହି ଜଣେ ଏତେ ଭାରି ଅର୍ଥ କାହିଁକି ଖର୍ଚ୍ଚ କରିବ ବୋଲି ଲୋକେ ପଚାରିଛନ୍ତି । ସୂଚନାଯୋଗ୍ୟ, ବିବାଦୀୟ ବିଳାସପୂର୍ଣ୍ଣ ସାମଗ୍ରୀ ପାଇଁ ବାଲେନ୍ସିଗା ବେଶ ପରିଚିତ । ଗତ ମେ’ ମାସରେ ଏହା ଏକ ଡଷ୍ଟବିନ୍ ଜାରି କରିଥିଲା, ଯାହାର ମୂଲ୍ୟ ଥିଲା ୨ ଲକ୍ଷ ଟଙ୍କା ।
If you can afford to spend $1790 on a #Balenciaga fashion accessory that looks like a trash bag, you should have enough cash in the bank to fill it up with cash and donate it to your nearest charity… pic.twitter.com/e8bgN3vtPl
— Dino™ (@dinovdm) August 3, 2022
