କରାଚି : ପାକିସ୍ତାନ କ୍ରିକେଟ୍ ବୋର୍ଡ (ପିସିବି) ପୂର୍ବତନ ଫାଷ୍ଟ୍ ବୋଲର୍ ୟାସିର ଆରାଫତ୍ଙ୍କୁ ଜାତୀୟ ଟିମ୍ର ହାଇପର୍ଫର୍ମାନ୍ସ କୋଚ୍ ନିଯୁକ୍ତ କରିଛି ।
ଆରାଫତ୍ ନ୍ୟୁଜିଲାଣ୍ଡ ବିପକ୍ଷ ୫ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ରେ ଟିମ୍ ସହିତ ରହିବେ । ଟିମ୍ର ହାଇପରଫର୍ମାନ୍ସ କୋଚ୍ ସାଇମନ୍ ହେଲ୍ମୋଟ୍ ବ୍ୟକ୍ତିଗତ କାରଣରୁ ଟିମ୍ ସହ ନ୍ୟୁଜିଲାଣ୍ଡ ଗସ୍ତ କରିପାରିବେ ନାହିଁ । ତାଙ୍କୁ ଅଷ୍ଟ୍ରେଲିଆ ବିପକ୍ଷରେ ତିନି ମ୍ୟାଚ୍ ବିଶିଷ୍ଟ ଟେଷ୍ଟ୍ ସିରିଜ୍ ପାଇଁ ଟିମ୍ର ହାଇ ପରଫର୍ମାନ୍ସ କୋଚ୍ ନିଯୁକ୍ତ କରାଯାଇଥିଲା ।
ପାକିସ୍ତାନ ପାଇଁ ୧୩ ଟି-୨୦ ସହିତ ୨୭ ଅନ୍ତର୍ଜାତୀୟ ମ୍ୟାଚ୍ ଖେଳିଥିବା ଆରାଫତ୍ଙ୍କର ନ୍ୟୁଜିଲାଣ୍ଡ ସହିତ ଇଂଲଣ୍ଡରେ ମଧ୍ୟ କୋଚିଂର ଅନୁଭୂତି ରହିଛି । ନ୍ୟୁଜିଲାଣ୍ଡ ବିପକ୍ଷରେ ପ୍ରଥମ ଟି-୨୦ ମ୍ୟାଚ୍ ଜାନୁଆରୀ ୧୨ରେ ଏବଂ ଅନ୍ତି ମ୍ୟାଚ୍ ଜାନୁଆରୀ ୨୧ରେ ଖେଳାଯିବ ।
