ଭାରତରେ ପହଞ୍ଚିଲା ଆଉ ୩ ରାଫେଲ୍‌

ନୂଆଦିଲ୍ଲୀ : ଭାରତୀୟ ବାୟୁସେନାର ଶକ୍ତି ବୁଧବାର ଆହୁରି ବୃଦ୍ଧି ପାଇଛି । ଦ୍ୱିତୀୟ ପର୍ଯ୍ୟାୟରେ ଆକାଶର ବାହୁବଳୀ କୁହାଯାଉଥିବା ଆଉ ୩ଟି ରାଫେଲ୍ ଯୁଦ୍ଧବିମାନ ଫ୍ରାନ୍ସରୁ ଆସି ବୁଧବାର ରାତିରେ ଭାରତରେ ପହଞ୍ଚିଛି । ଚଳିତ ବର୍ଷ ଜୁଲାଇ ୨୯ ତାରିଖରେ ଭାରତକୁ ଫ୍ରାନ୍ସରୁ ୫ଟି ଅତ୍ୟାଧୁନିକ ଯୁଦ୍ଧବିମାନ ରାଫେଲ୍ ଆସିଥିଲା । ବୁଧବାର ରାତିରେ ଏହି ୩ଟି ରାଫେଲ୍ ଯୁଦ୍ଧବିମାନ ଆସିବା ପରେ ଭାରତରେ ଏହି ଅତ୍ୟାଧୁନିକ ଯୁଦ୍ଧବିମାନ ରାଫେଲ୍‌ ସଂଖ୍ୟା ଏବେ ୮ରେ ପହଞ୍ଚିଛି । ଫଳରେ ଭାରତର ଶତ୍ରୁରାଷ୍ଟ୍ର ଚୀନ୍ ଓ ପାକିସ୍ତାନ ଏବେ ଭୟଭୀତ ହୋଇ ପଡ଼ିଛନ୍ତି । ବୁଧବାର ଫ୍ରାନ୍ସରୁ ରାଫେଲ୍ ବାହାରିବା ପରେ ଏହା କୌଣସିଠାରେ ନରହି ସିଧାସଳଖ ଗୁଜୁରାଟର ଜାମ୍‌ନଗର ଏୟାରବେସ୍‌ରେ ପହଞ୍ଚିଛି। ରାଫେଲ୍ ଉଡାଣ ସମୟରେ ହିଁ ଏଥିରେ ଇନ୍ଧନ ଭରିବାର ବ୍ୟବସ୍ଥା ଥିବାରୁ ଆକାଶରେ ହିଁ ଏଥିରେ ଇନ୍ଧନ ଭରା ଯାଇଥିଲା ।

LEAVE A REPLY

Please enter your comment!
Please enter your name here