31.1 C
Bhubaneswar
Tuesday, September 27, 2022
Homeଦେଶ ବିଦେଶପ୍ରଶାସନ ପକ୍ଷରୁ ଗାଇଡଲାଇନ୍ ;ଆଉ ସ୍କୁଲ ସାମ୍ନାରେ ବିକ୍ରି ହେବନି ଆଇସକ୍ରିମ୍, ଚାଟ୍, ଗୁପଚୁପ୍

ପ୍ରଶାସନ ପକ୍ଷରୁ ଗାଇଡଲାଇନ୍ ;ଆଉ ସ୍କୁଲ ସାମ୍ନାରେ ବିକ୍ରି ହେବନି ଆଇସକ୍ରିମ୍, ଚାଟ୍, ଗୁପଚୁପ୍

ନୂଆଦିଲ୍ଲୀ : ଆଉ ସ୍କୁଲ ସାମ୍ନାରେ ବିକ୍ରି ହେବନି ଆଇସକ୍ରିମ୍ ଓ ଫାଷ୍ଟ ଫୁଡ୍। ଟ୍ରାଫିକ୍ ଜାମ୍ ହେଉଥିବାରୁ ଏସବୁ ଦୋକାନକୁ ସ୍କୁଲ ସାମ୍ନାରେ ବିକ୍ରି ବନ୍ଦ କରିବାକୁ ପ୍ରଶାସନ ନିଷ୍ପତ୍ତି ନେଇଛି। ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌରେ ପ୍ରଶାସନ ଏଭଳି ଘୋଷଣା କରିଛନ୍ତି। ପ୍ରଶାସନ ପକ୍ଷରୁ ସ୍କୁଲ ସାମ୍ନାରେ ଠେଲା ଲଗାଇ ଆଇସକ୍ରିମ୍ ଓ ଫାଷ୍ଟଫୁଡ୍ ବିକୁଥିବା ଦୋକାନୀଙ୍କ ଉପରେ ରୋକ୍ ଲଗାଯାଇଛି। ବୁଧବାର ଠାରୁ ଏହି ନିର୍ଦ୍ଦେଶ ଲାଗୁ ହୋଇଛି। ବିଭିନ୍ନ ସ୍କୁଲର ନୋଡାଲ ଅଧିକାରୀ, ସହରର ଟ୍ରାଫିକ୍ ପୋଲିସ ଓ ଜିଲ୍ଲା ପ୍ରଶାସନ ମଧ୍ୟରେ ଆଲୋଚନା ହେବା ପରେ ଏଭଳି ଗାଇଡ୍ଲାଇନ୍ ଜାରି କରାଯାଇଛି।
ଗାଇଡଲାଇନ୍ ମୁତାବକ, ସ୍କୁଲ ଆଖପାଖରେ କୌଣସି ଦୋକାନ କିମ୍ବା ଗାଡ଼ିକୁ ଆଇସକ୍ରିମ୍, ଚାଟ୍, ବେଲୁନ୍ ଓ ଅନ୍ୟ ସାମଗ୍ରୀ ବିକ୍ରି କରିବାକୁ ଅନୁମତି ଦିଆଯାଇନାହିଁ। ଏମାନେ ସ୍କୁଲ ସମୟ ପରେ ଟ୍ରାଫିକ୍ ଜାମ୍ କରାଉଛନ୍ତି। ସ୍କୁଲରୁ ବାହାରିବା ପରେ ଛାତ୍ରଛାତ୍ରୀଙ୍କୁ ରାସ୍ତାରେ ବୁଲାବୁଲି କରିବା ପରିବର୍ତ୍ତେ ସିଧା ସ୍କୁଲ କ୍ୟାବ୍ କିମ୍ବା ବସ୍ ଭିତରେ ବସିବାକୁ ହେବ। ଯେଉଁ ଅଭିଭାବକ ନିଜ ପିଲାଙ୍କୁ ନେବା ପାଇଁ ସ୍କୁଲ ଛୁଟି ହେବା ପୂର୍ବରୁ ପହଞ୍ଚୁଛନ୍ତି, ସେମାନଙ୍କୁ ନିଜ ଗାଡ଼ିକୁ ସ୍କୁଲ ଠାରୁ ଏକ କିଲୋମିଟର ଦୂରରେ ପାର୍କିଂ କରିବା ଆବଶ୍ୟକ। ସ୍କୁଲ ଛୁଟି ହେବା ପରେ ଅଭିଭାବକ ସ୍କୁଲ ଯାଏଁ ଗାଡ଼ି ନେଇ ଆସିବା ଆବଶ୍ୟକ ଓ ନିଜ ପିଲାକୁ କମ୍ ସମୟ ମଧ୍ୟରେ ନେଇ ଏହି ପରିସରରୁ ଚାଲିଯିବା ଉଚିତ୍। ଫଳରେ ଗହଳି ହେବ ନାହିଁ କି ଶବ୍ଦ ବି ଅଧିକ ହେବ ନାହିଁ। ସ୍କୁଲ ଆଡ଼କୁ ଆସୁଥିବା କୌଣସି ରାସ୍ତାରେ କାହାକୁ ବି ଗାଡ଼ି ପାର୍କିଂ କରିବାର ଅଧିକାର ନାହିଁ। ଏଥିପାଇଁ ପ୍ରଶାସନ ପକ୍ଷରୁ ଅନୁମତି ଦିଆଯାଇନାହିଁ ବୋଲି ଗାଇଡଲାଇନରେ ସ୍ପଷ୍ଟ ଭାବେ ଉଲ୍ଲେଖ ରହିଛି। ଅଭିଭାବକ-ଶିକ୍ଷକ ବୈଠକରେ ସ୍କୁଲ ପକ୍ଷରୁ ପିଲାଙ୍କ ବାପା-ମାଙ୍କୁ ଏ ନେଇ ସୂଚନା ଦିଆଯାଇଥିବା ନେଇ ଜଣାଯାଇଛି।

LEAVE A REPLY

Please enter your comment!
Please enter your name here

5,005FansLike
2,475FollowersFollow
12,700SubscribersSubscribe

Most Popular

HOT NEWS

Breaking