ବିମାନକୁ ବୋମା ଧମକ ଦେଇ ୧୩ ବର୍ଷର ବାଳକ ଗିରଫ

ନୂଆଦିଲ୍ଲୀ : ଟରୋଣ୍ଟୋ ଅଭିମୁଖେ ଯାଉଥିବା ଏୟାର କାନାଡା ବିମାନରେ ଏକ ବୋମା ରଖାଯାଇଥିବା ଦାବି କରି ଦିଲ୍ଲୀ ବିମାନବନ୍ଦରକୁ ଧମକପୂର୍ଣ୍ଣ ମେଲ ପଠାଇଥିବା ଅଭିଯୋଗରେ ଜଣେ ୧୩ ବର୍ଷର ବାଳକକୁ ଗିରଫ କରାଯାଇଛି। ଉତ୍ତରପ୍ରଦେଶର ମିରଟର ବାଳକ ପୋଲିସକୁ କହିଛି ଯେ ସେ ମଙ୍ଗଳବାର ଦିନ ଏହି ଧମକପୂର୍ଣ୍ଣ ମେଲ ପଠାଇଛନ୍ତି। ସେ କହିଛନ୍ତି ଯେ ଟେଲିଭିଜନରେ ପୂର୍ବରୁ ଏହି ଧମକ ଶୁଣିବାପରେ ମୁଁ ଏମିତି ନକଲି ବୋମା ଧମକ ଦେଇଥିଲି , ଦେଖୁଥିଲି ଅଧିକାରୀମାନେ ମୋତେ ଟ୍ରାକ କରିପାରିବେ କି ନାହିଁ ପରୀକ୍ଷା କରୁଥିଲି ବୋଲି ଅଧିକାରୀ ସୂଚନା ଦେଇଛନ୍ତି। ମେଲ ପଠାଇବା ପାଇଁ ଯୁବକ ଜଣକ ଏକ ନକଲି ଇମେଲ ଆଇଡି ତିଆରି କରିଥିଲେ।ଅଧିକାରୀମାନେ କହିଛନ୍ତି ଯେ ସେ ତାଙ୍କ ଫୋନରୁ ମେଲ ପଠାଇଥିଲେ ଯେଉଁଥିପାଇଁ ସେ ତାଙ୍କ ମା’ଙ୍କ ୱାଇଫାଇ ସହ ତାଙ୍କ ଫୋନକୁ ସଂଯୋଗ କରିଥିଲେ। ମେଲ ପଠାଇବା ପରେ ସେ ତୁରନ୍ତ ଆକାଉଣ୍ଟ ଡିଲିଟ କରିଦେଲେ। “ସେ ଏହା ମଧ୍ୟ କହିଛନ୍ତି ଯେ ପରଦିନ ସେ ଗଣମାଧ୍ୟମରେ ଦିଲ୍ଲୀ ବିମାନବନ୍ଦରରେ ହୋଇଥିବା ହୋମ ବୋମା ଧମକ ଖବର ଦେଖି ଉତ୍ସାହିତ ଅନୁଭବ କରିଥିଲେ। ତଥାପି ସେ ଭୟଭୀତ ହୋଇ ନିଜ ପିତାମାତାଙ୍କ ସହ ଏ ବିଷୟରେ କୌଣସି କିଛି କରିନାହାଁନ୍ତି ବୋଲି ଡେପୁଟି କମିଶନର ଉଷା ରଙ୍ଗନାନି କହିଛନ୍ତି। ପୁଙ୍ଖାନୁପୁଙ୍ଖ ଯାଞ୍ଚ ପରେ ବିମାନରେ କିଛି ମିଳିଲା ନାହିଁ ଏବଂ ଧମକକୁ ଠକେଇ ଘୋଷଣା କରାଯାଇଥିଲା। ତେବେ ଦିଲ୍ଲୀ ଅନ୍ତର୍ଜାତୀୟ ବିମାନବନ୍ଦର ଲିମିଟେଡ୍ କାର୍ଯ୍ୟାଳୟରେ ମଙ୍ଗଳବାର (ଜୁନ୍ ୧୨) ଏକ ଇମେଲ୍ ଆସିଥିଲା । ପୋଲିସ ତାଙ୍କ ମୋବାଇଲ୍ ଫୋନ୍ ଜବତ କରିଛି ।