ଡ଼ାଇରିଆ ମହାମାରୀ ପ୍ରତି ସତର୍କ ରହିବାକୁ ପରାମର୍ଶ ଦେଲେ ସମାଜସେବୀ

ରାଉରକେଲା : ପ୍ରବଳ ଶୀତରେ ସମଗ୍ର ଷ୍ଟିଲ ସିଟି ଥରୁଥିବା ବେଳେ ଗରିବ ବସ୍ତି ବାସିନ୍ଦାଙ୍କ ସାହାରା ପାଲଟିଛନ୍ତି ପ୍ରାକ୍ତନ ବିଧାୟକ ପ୍ରାର୍ଥୀ ପ୍ରଶାନ୍ତ ସେଠୀ ରଘୁନାଥପାଲ୍ଲୀ ନିର୍ବାଚନ ମଣ୍ଡଳୀ ଅନ୍ତର୍ଗତ ସେକ୍ଟର -୭ ପାଖ ମୁଣ୍ଡାରୀ ବସ୍ତିରେ ବସବାସ କରୁଥିବା ଗରିବ ଆଦିବାସୀ ପରିବାରଙ୍କ ସମସ୍ୟା ବୁଝିବାକୁ ଆଜି ବସ୍ତିରେ ପହଂଚି ଥିଲେ ପ୍ରଶାନ୍ତ l ପ୍ରବଳ ଶୀତ ଯୋଗୁ ନାହିଁ ନଥିବା ଦୁର୍ଦଶା ଭୋଗ କରୁଥିବା ପରିବାର ସଦସ୍ୟଙ୍କୁ ଶୀତ ବସ୍ତ୍ର ବଣ୍ଟନ କରିଥିଲେ l ଏହି ଅବସରରେ ମାନବିକତା ପରିବାରର ଅଧ୍ୟକ୍ଷ ପ୍ରଶାନ୍ତ ସେଠୀ ସମ୍ପୃକ୍ତ ପରିବାର ସଦସ୍ୟ ମାନଙ୍କୁ ଏକତ୍ରିତ କରି ଡ଼ାଇରିଆ ମହାମାରୀ ପ୍ରତି ସତର୍କ ରହିବାକୁ ପରାମର୍ଶ ଦେଇଥିଲେ l ପାନୀୟ ଉପଯୋଗୀ ଜଳକୁ ଫୁଟାଇ ପିଇବା ସହ ସ୍ୱାସ୍ଥ୍ୟ ସଚେତନ ରହିବାକୁ କହିଥିଲେ l ବସ୍ତି ଏବଂ ଘର ଉଭୟ ପରିଷ୍କାର ପରିଚ୍ଛନ୍ନ ରଖିବାକୁ ସତର୍କ କରାଇଥିଲେ l ଏହା ବ୍ୟତୀତ ଖାଦ୍ୟ ଏବଂ ବାସନକୁଶନ ପ୍ରତି ଦୃଷ୍ଟି ରଖିବାକୁ ମଧ୍ୟ ବୁଝାଇ ଥିଲେ l ଯେ କୌଣସି ଅଭାବ ଅସୁବିଧାରେ ମାନବିକତା ପରିବାର ବସ୍ତି ବାସିନ୍ଦାଙ୍କ ସହ ଛିଡା ହେବ ବୋଲି ପ୍ରଶାନ୍ତ ଭରଷା ଦେଇଛନ୍ତି l