ହାଇଦ୍ରାବାଦରେ ସ୍କୁଟିକୁ ଧକ୍କାଦେଲା କାର୍‌: ନିଶାସକ୍ତ ମହିଳା କାର୍ ଡ୍ରାଇଭର୍ ଫେରାର୍‌

ହାଇଦ୍ରାବାଦ: ତେଲେଙ୍ଗାନା ରାଜଧାନୀ ହାଇଦ୍ରାବାଦରେ ଏକ ଦ୍ରୁତଗାମୀ କାର୍ ଜଣେ ସ୍କୁଟି ଚାଳକଙ୍କ ଧକ୍କା ଦେଇଛି । କାର୍‌କୁ ନିଶାସକ୍ତ ଅବସ୍ଥାରେ ଜଣେ ମହିଳା ଡ୍ରାଇଭ୍ କରୁଥିଲେ । ଦୁର୍ଘଟଣା ପରେ କାର୍ ନେଇ ସେ ଫେରାର୍ ହୋଇଯାଇଛନ୍ତି । ଦୁର୍ଘଟଣାରେ ସ୍କୁଟି ଚାଳକ ଗୁରୁତର ଭାବେ ଆହତ ହୋଇଛନ୍ତି । ଦୁର୍ଘଟଣା ବଞ୍ଜାରା ହିଲ୍ ଅଞ୍ଚଳରେ ହୋଇଥିବା ବେଳେ ଆହତଙ୍କୁ ଜିଏଚ୍‌ଏମ୍‌ସି ହସ୍ପିଟାଲ୍‌ରେ ଭର୍ତ୍ତି କରାଯାଇଥିବା ପୁଲିସ କହିଛି । ହାଇଦ୍ରାବାଦ ନିବାସୀ ଆହତ ବ୍ୟକ୍ତି ଜଣେ ନିଗମ କର୍ମଚାରୀ ବୋଲି ଜଣାପଡ଼ିଛି । ଅଭିଯୁକ୍ତ ଡ୍ରାଇଭର୍‌ର ପୁଲିସ ତଲାସ ଜାରି ରଖିଛି । ଦୁର୍ଘଟଣାର ସିସିଟିଭି ଫୁଟେଜ୍ ସୋସିଆଲ୍ ମିଡିଆରେ ଭାଇରାଲ୍ ହେଉଛି । ଜଣେ ବ୍ୟକ୍ତି ସ୍କୁଟିରେ ଯାଉଥିବା ବେଳେ ସାମ୍ନାକୁ ଆସୁଥିବା କାର୍ ତାଙ୍କୁ ଧକ୍କା ଦେଇଥିବା ଏଥିରେ ଦେଖିବାକୁ ମିଳୁଛି । ଏହାପରେ କାର୍‌ଟି କିଛି ଦୂର ଯାଇ ଅଟକିଥିବା ବେଳେ ସ୍ଥାନୀୟ ଲୋକଙ୍କ ପାଟିତୁଣ୍ଡ ଶୁଣିବା ପରେ ମହିଳା କାର୍ ନେଇ ଫେରାର୍ ହୋଇଯାଇଥିାଲେ ।