ନୂଆଦିଲ୍ଲୀ : ବାପା-ଝିଅର ସସମ୍ପର୍କରେ ଲାଗିଛି କଳଙ୍କ । କ୍ଷଣିକ ଶାରୀରିକ ସୁଖ ପାଇଁ ନିଜ ଜନ୍ମ କଲା ଝିଅକୁ ଦୁଷ୍କର୍ମ କରିବା ପାଇଁ ପଛାଇଲା ନାହିଁ ଅଭିଯୁକ୍ତ ବାପା । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲାରେ । ନିଜ ୧୨ବର୍ଷର ଝିଅକୁ ଜନ୍ମ କଲା ବାପା ଦୁଷ୍କର୍ମ କରିଥିବା ଅଭିଯୋଗ ହୋଇଛି । ସୂଚନା ଅନୁଯାୟୀ, ନିଜ ଝିଅକୁ ବଳପୂର୍ବକ ଦୁଷ୍କର୍ମ କରିଥିବା ଅଭିଯୋଗରେ ଅଭିଯୁକ୍ତ ବାପାକୁ ଜେଲ ଯିବାକୁ ପଡିଛି। ଘଟଣାଟି ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଥିବା ବେଳେ ପୋଲିସର ତଦନ୍ତ ଜାରି ରହିଥିବା ସୂଚନା ମିଳିଛି ।
ପୋଲିସର କହିବାନୁସାରେ ଜିଲ୍ଲାର ଲାଞ୍ଜିଗଡ଼ ଥାନା ଅଞ୍ଚଳର ରମେଶ ହରିଜନ ଗତ ୫ ମାସ ତଳେ ନିଜ ସ୍ତ୍ରୀ ଓ ଝିଅକୁ ନେଇ କେରଳ ରାଜ୍ୟକୁ ଦାଦନ ଖଟିବାକୁ ଯାଇଥିଲା । ସେଠାରେ ପରିବାର ଏକାଠି ରହି ସ୍ୱାମୀ ସ୍ତ୍ରୀ କାମ କରୁଥିଲେ । ନାବାଳିକା ଝିଅଟି ଘରେ ରହି ରୋଷେଇ କରି କାମରୁ ବାପା ମା’ ଫେରିବା ପରେ ଉଭୟଙ୍କୁ ଖାଇବାକୁ ଦେଉଥିଲେ । ଏମିତି ପ୍ରାୟ ୧ ମାସ ବିତିଯିବା ପରେ ସମ୍ପୃକ୍ତ ବାପା ଜଣକ ନିଜ ୧୨ ବର୍ଷର ନାବାଳିକା ଝିଅକୁ ବଳପୂର୍ବକ ବାରମ୍ବାର ଦୁଷ୍କର୍ମ କରିବା ଆରମ୍ଭ କରିଦେଇଥିଲା ।
ଝିଅ ବାପାକୁ ଡରି ମା’କୁ କିଛି ନ କହି ଚୁପଚାପ ରହୁଥିଲା । ଏମିତି କିଛି ଦିନ ନିଜ ବାପା ଦ୍ୱାରା ଯୌନ ଶୋଷଣର ଶିକାର ହୋଇ ଆସିବା ପରେ ଝିଅକୁ ଅଧିକ ସମୟ ଚୁପଚାପ ଦେଖି ମା’କୁ ସନ୍ଦେହ ହୋଇଥିଲା । ପରେ ଏ ସମ୍ପର୍କରେ ମା’ ଜାଣିବା ପରେ ଝିଅକୁ ନେଇ ନିଜ ଘରକୁ ଚାଲି ଆସିଥିଲେ । ଏହାପରେ ମଧ୍ୟ ଚେତିନଥିଲା ପିସାଚରୂପୀ ବାପା । ଅଭିଯୁକ୍ତ ଜଣକ ମଧ୍ୟ କିଛି ଦିନ ପରେ ଗାଁକୁ ଫେରି ଆସି ପୁଣି ଝିଅକୁ ନିଜ ଘରେ ଦୁଷ୍କର୍ମ କରିଥିଲା ।
