ମୁମ୍ବାଇ: ଏକତା କପୁରଙ୍କୁ ଟିଭିର ରାଣୀ ବୋଲି ବିବେଚନା କରାଯାଏ କିନ୍ତୁ ସମାନ ରାଣୀଙ୍କ ଅଫରକୁ କେହି ପ୍ରତ୍ୟାଖ୍ୟାନ କରିବା ଅତ୍ୟନ୍ତ ବିରଳ ଅଟେ । ତେବେ ଏକ ରିଆଲିଟି ଶୋ ‘ବିଗ୍ ବସ୍ ୧୬’ ର ପ୍ରତିଯୋଗୀ ଥିବା ନିମ୍ରିତ୍ କୌର ଅହଲୁୱାଲିଆ ଏହା କରିଛନ୍ତି। କିନ୍ତୁ ସେହି କୁଇନ ଏକତା କାପୁରଙ୍କ ଅଫର କୁ କେହି ମନା କରିଦିଅନ୍ତି ଏହା ବହୁତ କମ ଦେଖିବାକୁ ମିଳିଥାଏ । ବାସ୍ତବରେ, ଏକତା କପୁର ‘ଲକ୍ ଅପ୍ ସିଜନ୍ ୨’ ପ୍ରତିଯୋଗୀମାନଙ୍କୁ ଖୋଜୁଛନ୍ତି । ସେ ଏହି ଶୋ ପାଇଁ ‘ବିଗ୍ ବସ୍ ୧୬’ର ଅନେକ ପ୍ରତିଯୋଗୀଙ୍କ ନିକଟକୁ ଯାଇଥିଲେ । ଅର୍ଚ୍ଚନା ଗୌତମ ଠାରୁ ପ୍ରିୟଙ୍କା ଚହର ଚୌଧୁରୀ ପର୍ୟ୍ୟନ୍ତ ନାମ ସାମ୍ନାକୁ ଆସୁଛି। କୁହାଯାଉଥିଲା ଯେ ଏକତା ଏହି ଶୋ ପାଇଁ ନିମ୍ରିତ କୌର ଅହଲୁୱାଲିଆଙ୍କୁ ମଧ୍ୟ କାଷ୍ଟ କରିଥିଲେ, କିନ୍ତୁ ସେ ମନା କରିଦେଇଥିଲେ।
ମିଡିଆ ରିପୋର୍ଟ ଅନୁଯାୟୀ, ନିମ୍ରିତ କୌର ଗୋଟିଏ ପରେ ଗୋଟିଏ ରିଆଲିଟି ସୋ’ର ଅଂଶ ହେବାକୁ ଚାହୁଁନାହାନ୍ତି । ନିକଟରେ ସେ ‘ବିଗ୍ ବସ୍’ରେ ଯାଇଥିଲେ ଏବଂ ସଙ୍ଗେ ସଙ୍ଗେ ସେ ଅନ୍ୟ କୌଣସି ରିଆଲିଟି ସୋରେ ଅଂଶ କରିବାକୁ ଚାହୁଁନାହାଁନ୍ତି। ଏହି କାରଣରୁ ସେ ଏକତା କପୁରଙ୍କ ଅଫରକୁ ପ୍ରତ୍ୟାଖ୍ୟାନ କରିଛନ୍ତି।
ନିମ୍ରିତ ଏକତା କପୁରଙ୍କ ରିଆଲିଟି ସୋକୁ ମନା କରିଦେଇଥିଲେ ମଧ୍ୟ ସେ ତାଙ୍କ ଫିଲ୍ମ ‘ଲଭ୍ ସେକ୍ସ ଅର ଧୋକା ୨’ ରେ ନଜର ଆସିବେ। ‘ବିଗ୍ ବସ୍ ୧୬’ର ଏକ ଏପିସୋଡରେ ଏକତା କପୁର, ତାଙ୍କ ନିର୍ଦ୍ଦେଶକ ଦିବ୍ୟାକର ବାନାର୍ଜୀ ସମସ୍ତ ତାରକାଙ୍କୁ ଅଡିସନ୍ କରିଥିଲେ, ସେତେବେଳେ ସେ ନିମ୍ରିତଙ୍କ ଅଭିନୟକୁ ପସନ୍ଦ କରିଥିଲେ ଏବଂ ସଙ୍ଗେ ସଙ୍ଗେ ଏହି ଅଭିନେତ୍ରୀଙ୍କୁ ଫିଲ୍ମ ପାଇଁ କାଷ୍ଟ କରିଥିଲେ।
