ମୁମ୍ବାଇ : ବଲିଉଡର ଷ୍ଟାର ତଥା ଦୁଃଖୀଙ୍କ ସାହାରା ପାଲଟିଥିବା ସୋନୁ ସୁଦ ଯିଏ କି ସବୁବେଳେ ଲୋକଙ୍କ ପ୍ରଶଂସା ସାଉଁଟି ଥାଆନ୍ତି । କିନ୍ତୁ ପ୍ରଥମଥର ପାଇଁ ସୋନୁ ଏବେ ଏକ ବିବାଦରେ ଫଶି ଯାଇଛନ୍ତି । ଏଥର କିନ୍ତୁ ସୋନୁ ନିଜର କିଛି ମହାନତା ଦେଖାଇନାହାନ୍ତି । ବରଂ ସେ ଏକ ଭୁଲ କରିଛନ୍ତି । ସୋନୁଙ୍କ ଏକ ଭିଡିଓ ଏବେ ଭାଇରାଲ ହେଉଛି । ଭିଡିଓରେ ଦେଖାଯାଇଛି ସୋନୁ ଟ୍ରେନ ଫାଟକକୁ ପାଖରେ ବସି ବାହାରର ଦୃଶ୍ୟ ସବୁକୁ ଉପଭୋଗ କରୁଛନ୍ତି । ଏଭଳି କାର୍ୟ୍ୟକୁ ଏଠାରେ ରେଳବାଇ ଆଦୌ ପ୍ରଶଂସା କରିନାହିଁ ବରଂ ତାଙ୍କ ସତର୍କବାଣୀ ଦେଇ ରେଲବାଇ ଟ୍ୱିଟ କରିଛି ।
— sonu sood (@SonuSood) December 13, 2022
ସୋନୁ ସୁଦ ନିଜ ଟ୍ୱିଟର ଏବଂ ଫେସବୁକ ଆକାଉଣ୍ଟରେ ଏକ ଭିଡିଓ ସେୟାର କରିଥିଲେ । ସୋନୁ ଗୀତ ଶୁଣିବା ସହ ଟ୍ରେନର ଗେଟ ପାଖରେ ବସିଥିବା ନଜିର ଆସୁଥିଲେ । ଯାହାକୁ ଦେଖିବା ପରେ ଉତ୍ତର ରେଳବାଇ ଜାନୁଆରୀ ୩ ରେ ସୋନୁଙ୍କ ଟ୍ୱିଟରେ ରିଟ୍ୱିଟ କରିଥିଲେ । ପ୍ରିୟ ସୋନୁ ଆପଣ ଲକ୍ଷ ଲକ୍ଷ ଲୋକଙ୍କ ପାଇଁ ଆଦର୍ଶ । ଏଭଳି ଏକ ଚଳନ୍ତା ଟ୍ରେନର ଫାଟକ ପାଖରେ ବସି ଯାତ୍ରା କରିବା ଆଦୌ ସୁରକ୍ଷିତ ନୁହେଁ । ଏହା ବିପଦଜନକ ମଧ୍ୟ ହୋଇପାରେ । ଦୟା କରି ଏମିତି କିଛି କାମ କରନ୍ତୁ ନାହିଁ । ଆପଣଙ୍କ ଏଭଳି ଭିଡିଓକୁ ଦେଖିଲା ପରେ ଆପଣଙ୍କୁ ଆଦର୍ଶ ମାନୁଥିବା ଲୋକଙ୍କୁ ଭୁଲ ବାର୍ତ୍ତା ଯାଉଛି । ସୁଗମ ଏବଂ ସୁରକ୍ଷିତ ଯାତ୍ରାର ମଜା ନିଅନ୍ତୁ ।
ଅନ୍ୟପଟେ ସୋନୁଙ୍କୁ ଭଲପାଉଥିବା ଅନେକ ଫ୍ୟାନ୍ସ ମଧ୍ୟ ତାଙ୍କର ଏହି ହରକତ ଉପରେ ଖୁସି ନାହାନ୍ତି। ରେଳବିଭାଗକୁ ସୋନୁ ନିଜର ଉତ୍ତର ମଧ୍ୟ ରଖିଛନ୍ତି । ସେ ଏ ବାବଦରେ କ୍ଷମାପ୍ରାର୍ଥୀ ଥିବା କହିଛନ୍ତି । ସେ କେବଳ ଦେଖିବାକୁ ଚାହୁଁଥିଲେ ଯେ, ସେହି ଲକ୍ଷ ଲକ୍ଷ ଗରିବ ଲୋକମାନେ ଏଠାରେ ବସି କେମିତି ଅନୁଭବ କରିଥାନ୍ତି । ଏହା ସହ ଅନେକ ଲୋକ ଅଛନ୍ତି ଯେଉଁମାନଙ୍କ ଜୀବନ ଆଜି ବି ଏମିତି ଟ୍ରେନ ଫାଟକ ବାହାରେ କଟୁଛି । ସୋନୁ ଏଠାରେ ରେଳବାଇର ପ୍ରଶଂସା ମଧ୍ୟ କରିଛନ୍ତି । ଦେଶବାସୀଙ୍କୁ ରେଳବାଇ ତରଫରୁ ମିଳୁଥିବା ସୁବିଧା ପାଇଁ ସୋନୁ ଧନ୍ୟବାଦ ଜଣାଇଛନ୍ତି ।
