ଭୁବନେଶ୍ୱର: ପାର୍ବଣ ଋତୁ ଆଉ କିଛି ଦିନ ରହିଥିବା ବେଳେ ଅଶାନ୍ତ ହୋଇପଡିଛି ଭୁବନେଶ୍ୱର । କଥା କଥାକେ ଚାଲିଛି ହଣାମରା । ଗତ କିଛି ଦିନ ତଳେ ୟୁନିଟ ୮ ର ବସ୍ତିରେ ଆକ୍ରମଣ କରି ଜଣକୁ ହତ୍ୟା କରାଯାଇଥିଲା । ମଙ୍ଗଳବାର ଭରତପୁର ଥାନା ଅଧିନ ବିଚ୍ ରାସ୍ତାରେ ବୁଲିଛି ଖଣ୍ଡା । ଫଳ ଦୋକାନୀଙ୍କୁ ଗୋଡାଇ ଗୋଡାଇ ଦୁର୍ବୃତ୍ତ ହାଣିଛନ୍ତି । ଆକ୍ରମଣରେ ଫଳ ଦୋକାନୀ ଗୁରୁତର ହୋଇଛି ।
ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ଖବର ପାଇ ଘଟଣାସ୍ଥଳରେ ଭରତପୁର ପୋଲିସ ପହଞ୍ଚି ଘଟଣାର ତଦନ୍ତ କରୁଛି । ଏହି ଘଟଣାରେ ପୋଲିସ ୪ ଜଣଙ୍କୁ ଗିରଫ କରିଛି। ତେବେ ଆକ୍ରମଣର କାରଣ ଜଣାପଡ଼ି ନାହିଁ ।
