କାଏରୋ : ଜଣେ ମହିଳାଙ୍କୁ ଛୁରିଭୁଶି ହତ୍ୟା କରିଥିବା ଅଭିଯୋଗରେ ଇଜିପ୍ଟର ଏକ ଅଦାଲତ ୨୧ ବର୍ଷୀୟ ଯୁବକ ମହମ୍ମଦ ଆଦେଲଙ୍କୁ ଫାଶୀ ଦଣ୍ଡାଦେଶ ଶୁଣାଇଛନ୍ତି । ଫାଶୀର ତାରିଖ ଚୂଡାନ୍ତ ହୋଇନଥିବାବେଳେ ସବୁ ଟିଭି ଚ୍ୟାନେଲରେ ଏହି ଏହାର ସିଧା ପ୍ରସାରଣ କରିବାକୁ ମଧ୍ୟ ବିଚାରପତି ପାର୍ଲାମେଣ୍ଟକୁ ନିର୍ଦ୍ଦେଶ ଦେଇଥିବା ଜଣାପଡିଛି ।
ନାୟେରା ଅସ୍ରଫ୍ ନାମ୍ନୀ ଜଣେ ଯୁବତୀ ବିବାହ ପ୍ରସ୍ତାବକୁ ପ୍ରତ୍ୟାଖ୍ୟାନ କରିବାପରେ ମହମ୍ମଦ ଚଳିତବର୍ଷ ଜୁନରେ ତାଙ୍କୁ ମାନ୍ସୌରା ୟୁନିଭର୍ସିଟି ପରିସରରେ ଛୁରିଭୁଶି ହତ୍ୟା କରିଥିଲେ । ଜୁନ୍ ୨୮ରେ ତାଙ୍କୁ ଫାଶୀ ଦଣ୍ଡାଦେଶ ମିଳିଥିଲା । ଫାଶୀର ସିଧା ପ୍ରସାରଣ କରାଯିବା ଦ୍ୱାରା ଅନ୍ୟ କୌଣସି ବ୍ୟକ୍ତି ଏଭଳି ଅପରାଧ ଘଟାଇବାକୁ ଚିନ୍ତା କରିବେ ନାହିଁ ବୋଲି ବିଚାରପତି କହିଛନ୍ତି ।
