ପାଟଣାଗଡ଼ ଡାକ୍ତର ଖାନାରେ ମୋବାଇଲ ଲାଇଟରେ ଚାଲିଛି ଚିକିତ୍ସା

ପାଟଣାଗଡ଼ : ପାଟଣାଗଡ଼ ଖପ୍ରାଖୋଲ ରାସ୍ତାରେ ଥିବା ବାଲିପଟା ପଡିଆଯୋର ପୋଲ ନିକଟରେ ଦୁଇ କାର ମୁହାଁମୁହିଁ ଧକ୍କା ହେବା ଫଳରେ ଜଣେ ଆହତ ।ଗତ କାଲି ରାତ୍ର ୯ ଘଣ୍ଟା ରେ ପାଟଣାଗଡ଼ ଅଞ୍ଚଳରେ ଝଡ଼ତୋଫାନ ସାଙ୍ଗକୁ ବର୍ଷା ହେବା ହୋଇଥିଲା ସେହି ସମୟରେ ବଲାଙ୍ଗିର ପଟୁ ନୀଳ ରଙ୍ଗର କାରରେ ରେଢ଼ାଖୋଲର ଆଇନଜୀବୀ ଅବନୀ ପଣ୍ଡା ନୂଆପଡାକୁ ବାହାଘର ଯାଉଥିଲେ ଅପର ପକ୍ଷେ ବିପରୀତ ଦିଗରୁ ବଲାଙ୍ଗିର ର ଜଣେ ଯୁବକ ନେହେନାବନ୍ଦ ରୁ ବଲାଙ୍ଗିର ଫେରୁଥିବା ସମୟରେ ମୁହାଁମୁହିଁ ଧକ୍କା ହୋଇଥିଲା। ଫଳରେ କାରଟି ଚୁରମାର ହୋଇଥିଲା।ଦୁର୍ଘଟଣା ରେ ଆଇନଜୀବୀ ପଣ୍ଡା ଆହତ ହୋଇଥିଲେ। ସେହି ରାସ୍ତାରେ ଆସୁଥିବା ଲୋକେ ତାଙ୍କୁ ଉଦ୍ଧାର କରି ପାଟଣାଗଡ଼ ଡାକ୍ତରଖାନା ଆଣିଥିଲେ। ସେହି ସମୟରେ ତୁରେକେଲା ଥାନା ଅନ୍ତର୍ଗତ ବାଗବାହାଲ ଗାଁର ଶାନ୍ତି ରଣା ଏକ ସଡକ ଦୁର୍ଘଟଣାରେ ଆହତ ହୋଇ ଅଧିକ ଚିକିତ୍ସା ପାଇଁ ପାଟଣାଗଡ଼ ଅଣାଯାଇ ଚିକିତ୍ସା କରୁଥିବା ସମୟରେ ଝଡ ତୋଫାନ ହେବାରୁ ଡାକ୍ତର ଖାନାରେ ଲାଇନ ନ ଥିବାରୁ ମୋବାଇଲ ଲାଇଟରେ ଉଭୟ ଆହତଙ୍କୁ ଚିକିତ୍ସା କରୁଥିବା ଦେଖିବାକୁ ମିଳିଛି ଘଟଣା ସମ୍ପର୍କରେ ଆମେ ପାଟଣାଗଡ଼ ଭାରପ୍ରାପ୍ତ ଏସ ଡି ଏମ ଓ ଙ୍କୁ ପଚାରିବାରୁ ସେ କହିଛନ୍ତି ଯେ ଡାକ୍ତର ଖାନାରେ ଥିବା ଜେନେରଟର ତାର ଛିଣ୍ଡିଯାଇଥିବା ଯୋଗୁଁ ଏ ଅସୁବିଧା ହୋଇଥିବା ସ୍ୱୀକାର କରିଛନ୍ତି.