ଛତିଶଗଡର ପୂର୍ବତନ ମନ୍ତ୍ରୀ ରାଜିନ୍ଦର ପାଲ ସିଂଙ୍କ ମୃତ୍ୟୁ

ଛତିଶଗଡ: ଛତିଶଗଡର ପୂର୍ବତନ ବିଜେପି ମନ୍ତ୍ରୀ ରାଜିନ୍ଦରପାଲ ସିଂ ଭାଟିୟା ରବିବାର ଆତ୍ମହତ୍ୟା କରିଛନ୍ତି । କେଉଁ କାରଣ ପାଇଁ ସେ ଆତ୍ମହତ୍ୟା କରିଛନ୍ତି ତାହା ସ୍ପଷ୍ଟ ହୋଇନି। ମୃତ୍ୟୁ ବେଳକୁ ତାଙ୍କୁ 72 ବର୍ଷ ବୟସ ହୋଇଥିଲା  । ତେବେ ସେ ଏବେ ଅସୁସ୍ଥ ରହୁଥିଲେ, ଏଥିରେ ବିରକ୍ତ ହୋଇ ଆତ୍ମହତ୍ୟା କରିଥିବା ଅନୁମାନ କରାଯାଉଛି । ରାଜନନ୍ଦଗାଁରେ ସେ ତାଙ୍କ ସାନ ଭାଇ ସହ ଏକତ୍ର ରହୁଥିଲେ । ସନ୍ଧ୍ୟା ବେଳେ ଭାଇ ଘରେ ନ ଥିବା ବେଳେ ସେ ଏହି ପଦକ୍ଷେପ ଗ୍ରହଣ କରିଥିଲେ । ଛତିଶଗଡ ରାଜ୍ୟ ଗଠନ ପରେ ସେ ୨ଥର ବିଧାୟକ ହୋଇଥିଲେ । ସେ ପରିବହନ ମନ୍ତ୍ରୀ ଓ ସିଏସଆଇଡିସି ଚେୟାରମ୍ୟାନ ଦାୟିତ୍ୱ ମଧ୍ୟ ତୁଲାଇଛନ୍ତି । ୨୦୧୪ରେ ବିଜେପି ପକ୍ଷରୁ ତାଙ୍କୁ ଟିକେଟ ମିଳି ନ ଥିଲା । ସେ ସ୍ୱାଧୀନ ପ୍ରାର୍ଥୀ ଭାବେ ଛିଡା ହୋଇ ଦ୍ୱିତୀୟ ସ୍ଥାନରେ ରହିଥିଲେ । କଂଗ୍ରେସର ଭୋଳାରାମ ସାହୁ ବିଧାୟକ ହୋଇଥିବା ବେଳେ ବିଜେପି ତୃତୀୟ ସ୍ଥାନରେ ରହିଥିଲା ।