ରାଜ୍ୟରେ ଆଉ ୭୧୯ କରୋନା ଆକ୍ରାନ୍ତ ସୁସ୍ଥ

ଭୁବନେଶ୍ୱର : ରାଜ୍ୟରେ ଶୁକ୍ରବାର ଆଉ ୭୧୯ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୫ହଜାର ୫୬୪ରେ ପହଂଚିଛି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟୁଇଟ ଜରିଆରେ ଏହି ସୂଚନା ଦିଆଯାଇଛି।

ସ୍ୱାସ୍ଥ୍ୟ ବିଭାଗର ସୂଚନା ଅନୁସାରେ ଖୋର୍ଦ୍ଧା ଜିଲାରୁ ସର୍ବାଧିକ ୩୧୫ ଥିବାବେଳେ କଟକରୁ ୬୮, ବାଲେଶ୍ୱରରୁ ୩୩, ସୁନ୍ଦରଗଡ଼ରୁ ୨୬, ଜଗତସିଂହପୁରରୁ ୨୩, ପୁରୀରୁ ୨୧, ଯାଜପୁର, ମୟୂରଭଂଜରୁ ୧୯-୧୯, କେନ୍ଦ୍ରାପଡ଼ାରୁ ୧୮, ବରଗଡ଼ରୁ ୧୩ ଓ କୋରାପୁଟରୁ ୧୨ ଜଣ କରୋନାରୁ ସୁସ୍ଥ ହୋଇଛନ୍ତି। ସେହିପରି ସମ୍ବଲପୁରରୁ ୧୦, ଢେଙ୍କାନାଳ, ନୟାଗଡ଼ରୁ ୯-୯ ଜଣ, କେନ୍ଦୁଝରରୁ ୮, ଝାରସୁଗୁଡ଼ା ୭, ଦେବଗଡ଼ରୁ ୬, ଭଦ୍ରକରୁ ୫, ଅନୁଗୁଳ, ନବରଂଗପୁରରୁ ୪-୪, ଗଂଜାମ, କଳାହାଣ୍ଡି, ନୂଆପଡ଼ା, ସୁବର୍ଣ୍ଣପୁରରୁ ୩-୩, ବଲାଙ୍ଗୀରରୁ ୨, ମାଲକାନଗିରି, ରାୟଗଡ଼ାରୁ ଜଣେ ଲେଖାଏଁ ଏବଂ ରାଜ୍ୟପୁଲରୁ ୭୪ ଜଣ ଆକ୍ରାନ୍ତ କରୋନାରୁ ସୁସ୍ଥ ହୋଇଛନ୍ତି।

LEAVE A REPLY

Please enter your comment!
Please enter your name here