ଜୀବନ୍ତ ଜଳିଗଲେ ୪ ଜଣ

ନୂଆଦିଲ୍ଲୀ : ଜୀବନ୍ତ ଜଳିଗଲେ ୪ ଜଣ । ଆମେରିକାର ଟେକ୍ସାସରୁ ଆସିଛି ଏଭଳି ଏକ ଦୁଃଖଦ ଘଟଣା । ଏକ ସିରିଜ ଦୁର୍ଘଟଣାରେ ମଙ୍ଗଳବାର ୪ ଭାରତୀୟଙ୍କର ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ଜଣେ ମହିଳା ଅଛନ୍ତି। ଦ୍ରୁତଗତିରେ ଆସୁଥିବା ଏକ ଟ୍ରକ ଗୋଟିଏ ଏସୟୁଭି କାରକୁ ପଛରୁ ଧକ୍କା ଦେବା ପରେ ସେଥିରେ ନିଆଁ ଲାଗି ଯାଇଥିଲା। ଫଳରେ କାରରେ ଥିବା ୪ ଭାରତୀୟ ଜୀବନ୍ତ ଦଗ୍ଧ ହୋଇଯାଇଥିଲେ। ମୃତକମାନେ ହେଲେ ଆର୍ଯ୍ୟନ ରଘୁନାଥ ଓରମପତି, ଫାରୁଖ ଶେଖ୍‌, ଲୋକେଶ ପଲାଚାରଲା ଏବଂ ଦର୍ଶିନୀ ବାସୁଦେବନ। ଏହି ୪ ଜଣ ଏକ କାରପୁଲିଂ ଆପ୍‌ ଜରିଆରେ ଚିହ୍ନାଜଣା ହୋଇଥିଲେ। ଆର୍ଯ୍ୟନ ଏବଂ ତାଙ୍କ ବନ୍ଧୁ ଫାରୁକ ଡଲାସଠାରେ ଜଣେ ବନ୍ଧୁଙ୍କୁ ଭେଟି ଫେରୁଥିବାବେଳେ ଲୋକେ ନିଜ ସ୍ତ୍ରୀଙ୍କୁ ଭେଟିବାକୁ ଯାଉଥିଲେ। ସେହିପରି ଦର୍ଶିନୀ ନିଜ ମାମୁଙ୍କୁ ଭେଟିବାକୁ ଯାଉଥିଲେ।