OnaKhabar

ବନ୍ଧୁ ସହ ମିଶି ପ୍ରେମିକାଙ୍କୁ ଗଣଦୁଷ୍କର୍ମ କରି ଆସୁଥିଲା କୁଲାଙ୍ଗାର, ତା’ପରେ ମା’ ସହ ମିଶି ପୋଡି ମାରିଦେଲା …

418

ତ୍ରିପୁରା : ନାରୀ ପ୍ରତି ନିର୍ଯ୍ୟାତନା ଦିନକୁ ଦିନ ଥମିବା ବଦଳରେ ଜଘନ୍ୟ ରୂପ ଧାରଣ କରିବାରେ ଲାଗିଛି | ହାଇଦ୍ରାବାଦ ଗଣ ଦୁଷ୍କର୍ମ ଓ ହତ୍ୟା ଘଟଣାରେ ଦୋଷୀଙ୍କୁ ପୁଲିସ ଏନକାଉଣ୍ଟର କରିଥିବା ବେଳେ ଉନ୍ନାଓ ଦୁଷ୍କର୍ମ ପୀଡିତାଙ୍କୁ ମଧ୍ୟ ବିଭସ୍ଥ୍ୟ ଭାବେ ପୋଡି ହତ୍ୟା କରା ଯାଇଛି | ତେବେ ଏହି ଘଟମା ହଇଚଇ ସୃଷ୍ଟି କରିଥିବା ବେଳେ ପୁଣି ଥରେ ଏପରି ଏକ ଜଘନ୍ୟ କାଣ୍ଡ ଏବେ ସାମ୍ନାକୁ ଆସିଛି |ତ୍ରିପୁରାରେ ୧୭ବର୍ଷ ବୟସ୍କା ଯୁବତୀଙ୍କୁ ତାଙ୍କ ପ୍ରେମିକ ଏବଂ ମା’ ମିଶି ପୋଡି ଦେଇଥିବା ଅଭିଯୋଗ ହୋଇଛି । ପୂର୍ବରୁ ଯୁବତୀଙ୍କୁ ବନ୍ଧକ ରଖି ଦୁଷ୍କର୍ମ କରିଥିବାର ଅଭିଯୋଗ ମଧ୍ୟ ହୋଇଥିଲା । ଯୁବତୀଙ୍କ ଶରୀରର ୯୦ଭାଗ ପୋଡି ଯାଇଥିଲା । ଯୁବତୀଙ୍କୁ ଅର୍ଦ୍ଧଦଗ୍ଧ ଅବସ୍ଥାରେ ପଡୋଶୀମାନେ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ । ହସ୍ପିଟାଲରେ ତାଙ୍କର ମୃତ୍ୟୁ ହୋଇଛି ।

ସୂଚନା ମୁତାବକ, ସୋସିଆଲ ମିଡିଆ ଜରିଆରେ ଯୁବକଙ୍କ ସହ ଯୁବତୀଙ୍କ ପରିଚୟ ହୋଇଥିଲା । ଏହାପରେ ସେମାନଙ୍କ ସଂପର୍କ ନିବିଡ ହୋଇଥିଲା । ଯୁବକ ଜଣଙ୍କ ଯୁବତୀଙ୍କ ଘରକୁ ଆସି ବିବାହ ପାଇଁ ପ୍ରସ୍ତାବ ଦେଇଥିଲେ । ଫଳରେ ଏହା ପରଠାରୁ ଉଭୟ ବହୁ ସମୟରେ ଏକାଠି ରହୁଥିଲେ । ମାତ୍ର ଦିନେ ଯୁବକ ଜଣଙ୍କ ଜୋରଜବରଦସ୍ତ ଯୁବତୀଙ୍କୁ ବନ୍ଧକ ରଖିଦେଲେ ଏବଂ ତାଙ୍କ ପରିବାରଲୋକଙ୍କୁ ଟଙ୍କା ଦେବା ପାଇଁ କହିଥିଲେ । କେବଳ ଏତିକି ନୁହେଁ ଯୁବକ ଜଣଙ୍କ ତାଙ୍କ ବନ୍ଧୁମାନଙ୍କ ସହ ମିଶି ଯୁବତୀଙ୍କୁ ଗଣଦୁଷ୍କର୍ମ କରିଥିଲେ ।
ଯୁବତୀଙ୍କୁ ଦୁଇ ମାସ ଧରି ବନ୍ଧକ ରଖି ଗଣଦୁଷ୍କର୍ମ କରାଯାଉଥିଲା । ଯୁବତୀଙ୍କ ପରିବାରଲୋକ କହିଥିଲେ ଯେ, ତାଙ୍କ ଝିଅକୁ ଛାଡିବା ପାଇଁ ଅଭିଯୁକ୍ତମାନେ ୫୦ହଜାର ଟଙ୍କା ଡିମାଣ୍ଡ କରିଥିଲେ । ଯୁବତୀଙ୍କ ପରିବାରଲୋକ ମାତ୍ର ୧୭ହଜାର ଟଙ୍କା ଜମା କରିପାରିଥିଲେ । ଫଳରେ ଅଭିଯୁକ୍ତ ଜଣଙ୍କ ରାଗିଯାଇ ଏଭଳି କାମ କରିଥିବା ଜଣାପଡିଛି । ଯୁବତୀଙ୍କ ମୃତ୍ୟୁ ଖବର ମିଳିବା ପରେ ସ୍ଥାନୀୟ ଲୋକମାନେ ଅଭିଯୁକ୍ତ ଯୁବକ ଏବଂ ତାଙ୍କ ମା’ଙ୍କ ଉପରେ ଆକ୍ରମଣ କରିଥିବା ବେଳେ ପୋଲିସ ଘଟଣାର ମୁଖ୍ୟ ଅଭିଯୁକ୍ତକୁ ଗିରଫ କରି ତଦନ୍ତ ଜାରି ରଖିଥିବାର ଜଣା ପଡିଛି ।