OnaKhabar

ହେୟାର ଡ୍ରାୟର କେବଳ କେଶ ଶୁଖାଇବାରେ ବ୍ୟବହାର କରନ୍ତୁ ନାହିଁ ଏହି ସବୁ କାମରେ ମଧ୍ୟ ବ୍ୟବହାର କରନ୍ତୁ…..

133

ଭୁବନେଶ୍ୱର : ସାଧାରଣତଃ ଆମେ କେଶ ସଫା କରିଥିଲେ ଏହାକୁ ଶୀଘ୍ର ଶୁଖାଇବା ପାଇଁ ଆମେ ହେୟାର ଡ୍ରାୟର ବ୍ୟବହାର କରିଥାଉ । ଆମକୁ ଯଦି ବାହାରକୁ ଯିବାର ଅଛି, ଆଉ କେଶ ଓଦା ଅଛି ତେବେ ଖୋଜା ପଡେ ହେୟାର୍ ଡ୍ରାୟର୍ । ଏହାକୁ ମୁଖ୍ୟତଃ କେଶ ଶୁଖାଇବା ଲାଗି ବ୍ୟବହାର ହୋଇଥାଏ । ଯଦି ଆପଣ ମଧ୍ୟ ହେୟାର୍ ଡ୍ରାୟର୍ ବ୍ୟବହାର କରୁଛନ୍ତି ତାହାଲେ ଏହା କେବଳ କେଶ ଶୁଖାଇବା କାମ କରିଥାଏ ବୋଲି ଭାବୁଥିବେ। ଆପଣ ଯଦି ଏହା ଭାବୁଛନ୍ତି ତାହାଲେ ଆପଣ ଆହୁରି ବହୁତ କଥା ଜାଣି ନାହାନ୍ତି। ହେୟାର୍ ଡ୍ରାୟର୍ କେବଳ ଚୁଟି ଶୁଖାଇବା କାମ ନୁହେଁ, ଆହାରି ଅନେକ କାମ ମଧ୍ୟ କରିଥାଏ। ଏହାଦ୍ୱାରା ଅନେକ କାମ ସହଜ ମଧ୍ୟ ହୋଇଯାଇଥାଏ। ଚୁଟି ଶୁଖାଇ ସୁନ୍ଦର କରିବା ସହ ଆଉ କେଉଁ କେଉଁ କାମ କରିଥାଏ ହେୟାର୍ ଡ୍ରାୟର୍ ଜାଣନ୍ତୁ…..

କପଡ଼ା ଆଇରନ୍ କରିଥାଏ:-

ଆପଣଙ୍କର ଆଇରନ୍ ଖରାପ ଅଛି ଆଉ ଆପଣଙ୍କୁ ଶୀଘ୍ର କେଉଁ ସ୍ଥାନକୁ ଯିବାର ଅଛି, ତାହାଲେ ଏହି ସମୟରେ ଆପଣ ହେୟାର୍ ଡ୍ରାୟର୍ର ମଧ୍ୟ ବ୍ୟବହାର କରିପାରିବେ। ଆପଣ କପଡ଼ାକୁ ଟାଙ୍ଗି ତା ଉପରେ କିଛି ପାଣି ପକାନ୍ତୁ। ଏଥିରେ ଅଧିକା ପାଣି ପକାଇବେ ନାହିଁ। କେବଳ ପାଣି ସିଞ୍ଚନ କରିବେ। ତା ପରେ ଡ୍ରାୟର୍କୁ ଗରମ୍ କରି ପାଣିକୁ ଶୁଖାଇ ଦିଅନ୍ତୁ। ଏହି ପରି କଲେ ପାଣି ଶୁଖିବା ପରେ ଆପେ ଆପେ କପଡ଼ା ଆଇରନ୍ ହେଲା ଭଳି ଲାଗିବ।

ସାର୍ଟରୁ ଲେବୁଲ୍ ହଟାଇବାରେ ସାହାଯ୍ୟ କରେ:-

ନୂଆ ସାର୍ଟ କି ଡ୍ରେସ୍ ଆଣିଥିଲେ ସେଥିରେ ଲେବୁଲ୍ ଲାଗିଥାଏ। ଆଉ ଆମେ ତାହା ଛଡ଼ାଇ ପାରିନ ଥାଉ। ଏବେ ଆପଣ ଏହାକୁ ଛଡ଼ାଇବା ପାଇଁ ବ୍ୟସ୍ତ ନ ହୋଇ ହେୟାର୍ ଡ୍ରାୟର୍ର ସହାୟତା ନେଇ ପାରିବେ। ଆପଣ ଡ୍ରାୟର୍କୁ ଗରମ୍ କରି ଲେବୁଲ୍ ଉପରେ ମାରନ୍ତୁ। ଏହା କଲେ ଡ୍ରେସ୍ରେ ଲାଗିଥିବା ଲେବୁଲ୍ ସହଜରେ ଛାଡ଼ିଯିବ।

ଷ୍ଟିକର୍ ଛଡ଼ାବାରେ ଯାହାଯ୍ୟ କରେ:-

ଘରେ ଛୋଟ ପିଲାମାନେ ସବୁଆଡ଼େ ଷ୍ଟିକର୍ ଇତ୍ୟାଦି ଲଗାଥାନ୍ତି। ତାହା ଫ୍ରିଜ୍ ହେଉ ବା ଘରର କବାଟ ସବୁଆଡ଼େ ପିଲାମାନେ ଖେଳିଲା ବେଳେ ଷ୍ଟିକର୍ ଲଗାଇ ଦେଇଥାନ୍ତି। ଏହାକୁ ଆପଣ ଛଡ଼ାଇଲା ପରେ ମଧ୍ୟ ତାହାର ଅଠା ରହିଯାଇଥାଏ। ଆଉ ଏହା ଖରାପ ମଧ୍ୟ ଦେଖାଯାଥାଏ। ତେବେ ଆପଣ ଏହିଠାରେ ହେୟାର୍ ଡ୍ରାୟର୍ ବ୍ୟବହାର ଦ୍ୱାରା ଘରେ ଲାଗିଥିବା ଷ୍ଟିକର୍ ଛଡ଼ାଇ ପାରିବେ। ଡ୍ରାୟର୍କୁ ମିଡିୟମରେ ରଖି ଆପଣ ଷ୍ଟିକର୍ ଉପରେ କିଛି ସମୟ ରଖିଲା ପରେ ଷ୍ଟିକର୍ ସହଜରେ ଛାଡ଼ି ଯିବ।

ଯଦି ଆପଣ କାମ କଲାବେଳେ ଲାପଟପ୍ କି ବୋର୍ଡ ପରେ କିଛି ପଡ଼ି ଯାଉଛି, ଆଉ ତାହା ସଫା କରିବା କଷ୍ଟ ହେଉଛି ତାହାଲେ ଆପଣ ହେୟାର୍ ଡ୍ରାୟର୍ ବ୍ୟବହାର କରିପାରିବେ। ପାଣି ଢାଳି ହେଇଥିଲେ ଆପଣ ଡ୍ରାୟର୍ରେ ଶୁଖାଇ ମଧ୍ୟ ପାରିବେ। ଏହା ଦ୍ୱାରା ଲାପଟପର କିଛି କ୍ଷତି ହେବ ନାହିଁ।