ବେକାରୀ ସମସ୍ୟାକୁ ନେଇ ଫରୁଓ୍ବାର୍ଡ ବ୍ଲକର ଉଦବେଗ

ଭୁବନେଶ୍ୱର: ସବୁ ରାଜ୍ୟ ତୁଳନାରେ ଓଡିଶାରେ ସବୁଠାରୁ ଅଧିକ ବେକାରୀ ସମସ୍ୟା ଦେଖିବାକୁ ମିଳେ । ତେବେ ବେକାରୀ ସମସ୍ୟା ଏତେ ମାତ୍ରାରେ ବୃଦ୍ଧି ପାଉଥିବା ବେଳେ ସରକାର ପକ୍ଷରୁ ସେପରି କିଛି ଦୃଢ ପଦକ୍ଷେପ ନିଆଯାଉନାହିଁ । ଫଳରେ ଏହି ସମସ୍ୟା ଜୋରସୋରରେ ବୃଦ୍ଧି ପାଉଛି ।
ତେବେ ଏପରି ପରିସ୍ଥିତିକୁ ରୋକିବା ଲାଗି ଆଗକୁ ଆସିଛି ଯୁବ ଛାତ୍ର କର୍ମଶାଳା । ଭୁବନେଶ୍ୱରରେ ଅଗଷ୍ଟ ୯ରୁ ୧୨ ତାରିଖ ପର୍ଯ୍ୟନ୍ତ ଏହି କାର୍ଯ୍ୟକ୍ରମ ଚାଲୁ ରହିଥିଲା । ଉଦଯାପନ କାର୍ଯ୍ୟକ୍ରମରେ ପରଓ୍ବାର୍ଡ ବ୍ଲକର ଜାତୀୟ ସାଧାରଣ ସମ୍ପାଦକ ତଥା ପୂର୍ବତନ ସାଂସଦ ଦେବବ୍ରତ ବିଶ୍ୱାସ ଯୋଗ ଦେଇଥିଲେ । ଶ୍ରୀ ବିଶ୍ୱାସ ଏହି ଅବସରରେ ଦେଶପ୍ରେମ,ସମସ୍ତଙ୍କୁ ସମାନ ଶିକ୍ଷା ଏବଂ ଶିକ୍ଷା ଶେଷରେ ନିଯୁକ୍ତିର ଗ୍ୟାରେଣ୍ଟି , ଶିକ୍ଷାର ବ୍ୟବସାୟୀ କରଣ ବନ୍ଦ କରିବା, ଦେଶର ଅର୍ଥନୈତିକ ସମ୍ପର୍କରେ ମତ ରଖିଥିଲେ । ଚାରି ଦିନିଆ କର୍ମଶାଳାରେ ନେତାଜୀ ସୁବାଷ ଚନ୍ଦ୍ର ବୋଷ ଏବଂ ସହିଦ ଭଗତ ସିଂଙ୍କ ଆଦର୍ଶ ଉପରେ ମଧ୍ୟ ଆଲୋଚନା କରିଥିଲେ । ଓଡିଶାର ଶିକ୍ଷା ବ୍ୟବସ୍ଥା, ବେକାରୀ ସମସ୍ୟା, ଆଇନ ଶୃଙ୍ଖଳା ବିପର୍ଯ୍ୟସ୍ତ, ଶିଶୁ ଶ୍ରମିକ ବଳି ସମସ୍୍ୟା ସମ୍ପର୍କରେ ଅଲୋଚନା କରାଯାଇଥିଲା ।