OnaKhabar

ଟ୍ରିପଲ ତଲାକ: ଇଦ ଖର୍ଚ୍ଚ ମାଗିବାରୁ ପତ୍ନୀଙ୍କୁ ଦେଲେ ତଲାକ

754

ବାଲେଶ୍ୱର: ଆଜି ରାଜ୍ୟରେ ପୁଣି ଏକ ଅଭାବନୀୟ ଘଟଣା ଘଟିଥିବାର ସୂଚନା ମିଳିଛି | ଇଦ-ଉଲ୍- ଜୁହା ଅବସରରେ ଇଦ ଖର୍ଚ୍ଚ ମାଗିବାରୁ ଜଣେ ମୁସଲିମ ମହିଳାଙ୍କୁ ତାଙ୍କ ସ୍ୱାମୀ ତଲାକ ଦେଇଥିବା ଜଣାପଡ଼ିଛି । ଏପରି ଅଭିଯୋଗ ଆସିଛି ବାଲେଶ୍ୱରରେ ।
ସୂଚନାନୁଯାୟୀ, ବାଲେଶ୍ୱର ଜିଲ୍ଲା ସୋର ପଠାଣ ମହଲାରେ ଜଣେ ମୁସଲିମ ମହିଳା ରେସୁ ଖାତୁନ ୩ବର୍ଷ ତଳେ ସହିମ ଖାଁଙ୍କୁ ବିବାହ କରିଥିଲେ । ତାଙ୍କର ଛୁଆ ଜନ୍ମ ହୋଇ ମରିଯାଇଥିବାରୁ ଶାଶୁଘରେ ମଧ୍ୟ ମାନସିକ ଓ ଶରୀରିକ ନିର୍ଯ୍ୟାତନା ଦିଆଯାଉଥିଲା । କାଲି ବକରୀଦ ଅବସରରେ ଇଦ ଖର୍ଚ୍ଚ ମାଗିବା ପାଇଁ ନିଜ ସ୍ୱାମୀଙ୍କ ଦୋକାନକୁ ଯାଇ ପୀଡ଼ିତା କିଛି ଟଙ୍କା ମାଗିଥିଲେ । ସେହି ସମୟରେ ପୀଡ଼ିତାଙ୍କ ତାଙ୍କ ସ୍ୱାମୀ ଇଦ ଖର୍ଚ୍ଚ ଦେବା ବଦଳରେ ଗାଳିଗୁଲଜ କରି ତିନି ତଲାକ ଦେଇଥିଲେ । ଆଜି ସୋରରେ ଜିଲ୍ଲାପାଳଙ୍କ ଅଭିଯୋଗ ଶୁଣାଣୀରେ ପୀଡ଼ିତା ଜଣକ ନିଜ ଉପରେ ବିତିଥିବା ତିନି ତଲାକ ଘଟଣା ଜଣାଇଥିଲେ । ଏହା ପରେ ମହିଳା ଜଣକ ଲିଖିତ ଭାବେ ଅଭିଯୋଗ କରିଛନ୍ତି ।

ଅନ୍ଧବିଶ୍ୱାସ: ଝଡାଫୁଙ୍କା ସହ କାମୁଡିକି ରୋଗ ଭଲ କରୁଛି ଗୁଣିଆ