OnaKhabar

ପୁଣି ଶ୍ରୀଲଙ୍କାରେ ବିସ୍ପୋରଣ, ମୃତ୍ୟୁ ସଂଖ୍ୟା ଅସ୍ପଷ୍ଟ

0 13

କଲମ୍ବୋ: ଶ୍ରୀଲଙ୍କାରେ ରବିବାର ଏକ ଭୟଙ୍କର ସିରିଜ୍‌ ବୋମା ବିସ୍ଫୋରଣ ଘଟଣାରେ ଆଜି ତଦନ୍ତ ଚାଲିଥିବା ବେଳେ ପୁଣି ଆଉ ଏକ ଭୟଙ୍କର ବିସ୍ଫୋରଣ ହୋଇଥିବାର ସୂଚନା ମିଳିଛି । ଗତକାଲି ଯେଉଁ ସେଣ୍ଟ ଆଣ୍ଟୋନୀ ଚର୍ଚ୍ଚ ମଧ୍ୟରେ ବିସ୍ଫୋରଣ ହୋଇଥିଲା ଆଜି ଏହାର ବାହାରେ ଛିଡ଼ା ହୋଇଥିବା ଏକ ଭ୍ୟାନ୍‌ରେ ବିସ୍ଫୋରଣ ହୋଇଥିବାର ଜଣା ପଡିଛି । ଏଯାଏ କ୍ଷୟକ୍ଷତି ସମ୍ପର୍କରେ ଜଣାପଡ଼ିନାହିଁ କିନ୍ତୁ ସ୍ଥାନୀୟ ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି ।
ସୂଚନାନନୁଯାୟୀ, ରବିବାର ସିରିଜ ବିସ୍ଫୋରଣ ପରଠାରୁ ଚର୍ଚ୍ଚ ବାହାରେ ଏକ ଭ୍ୟାନ୍‌ ଛିଡ଼ା ହୋଇଥିଲା । ଏହାକୁ ଦେଖି ଲୋକମାନେ ଆଜି ପୁଲିସ୍‌କୁ ଖବର ଦେଇଥିଲେ । ପୁଲିସ୍‌ ବୋମା ନିଷ୍କ୍ରିୟ ସ୍କ୍ୱାଡ୍‌ ସହ ତୁରନ୍ତ ସେଠାରେ ପହଞ୍ଚି ସର୍ଚ୍ଚ ଅପରେସନ୍‌ କରିଥିଲା । ଏହି ସମୟରେ ଭ୍ୟାନ୍‌ରେ ୩ଟି ଜୀବନ୍ତ ବୋମା ଥିବା ଜଣାପଡ଼ିଥିଲା । ଏହାକୁ ନଷ୍ଟ କରିବାକୁ ଚେଷ୍ଟା କରାଯାଉଥିବା ବେଳେ ହଠାତ୍‌ ଭୟଙ୍କର ବିସ୍ଫୋରଣ ହୋଇଥିଲା । ଫଳରେ ସମଗ୍ର ଅଞ୍ଚଳ ଧୁଆଁ ମୟ ହେବା ସହ ଗାଡ଼ିରେ ନିଆଁ ଲାଗିଯାଇଥିଲା । କିନ୍ତୁ କ୍ଷୟକ୍ଷତି ସମ୍ପର୍କରେ ଏ ଯାଏ ଜଣାପଡ଼ିନାହିଁ । ତେବେ କିଏ ଏବଂ କାହିଁକି ଏପରି ସିରିୟଲ ବିସ୍ଫୋରଣ କରୁଛି ତାହା ବର୍ତ୍ତମାନ ପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ |

https://www.onakhabar.com/2019/04/%E0%AC%B6%E0%AD%8D%E0%AC%B0%E0%AD%80%E0%AC%B2%E0%AC%99%E0%AD%8D%E0%AC%95%E0%AC%BE%E0%AC%B0%E0%AD%87-%E0%AD%AE%E0%AC%AE-%E0%AC%AC%E0%AC%BF%E0%AC%B8%E0%AD%8D%E0%AC%AB%E0%AD%8B%E0%AC%B0%E0%AC%A3/

 

Leave A Reply

Your email address will not be published.